12月30日市前分析

大家好呢 ! 今日都係悶市，係尾十五分鐘先有D波幅睇下，不過都好o既，都係等過年先啦。

聽日唔知點行，但如果要做淡，個位會近D，跌穿200就可以做了，目標18000，再穿就17800了。如果開左淡倉，保守D可以藍色下降軌做止蝕。聽朝FH係18360。
做好呢? 就算升穿降軌都唔好做住，因為條軌只係for做淡止蝕用，要安全做好，一定要升穿紅色降軌先好做。

依家最好都係安安落落過新年啦 !

12月29日市前分析

大家好呀!! 聖誕後既第一日果然都係悶市，悶到連午市分析都覺得唔洗打。
不過我諗如果我打左，大家會比較有信心做淡。因睇走勢的話，我下午都好大機會會做淡。
皆因RSI跌穿左升軌，圖形亦係偏淡，離止蝕又唔遠。今朝有諗過開淡，但諗起自己要出去見客又唔係好敢。算吧，過左去諗下算，依家部署一下聽日點做啦。

首先今日跌穿上升揳，第一個目標位應該係18200，跌得穿的話可以再追淡，下站目標係對落條紅色升軌，大約18000左右。止蝕先擺o係藍色降軌，聽朝o係18500左右。而基本上今日開淡倉既朋友，聽日都升唔穿條降軌基本上已經係唔洗輸。
而想做好的話，暫時未有位，一係等有新圖形出現，一係就升穿條大降先。

另外後日期結，我覺得未必插到尾，而對落又覺得有好多你睇唔見既線位，所以到目標位唔穿都最好賺左先。仲有，聽日要睇埋一月圖喇 !

12月28日市前分析

又過聖誕....又過聖誕........快樂既時光真係過得特別快，個聖誕咁快就過左了。
大家要收恰下心情準備聽既既開市............同開工了 !!! 哈哈...
長話短說，先睇小時圖。
皆因星期五尾市都無乜大變動，所以仍然係行緊個上升楔形，依類圖形好利淡，所以想做好要小心。依家想做好的話，至少要升穿上升楔形同大降軌先好做，聽日FH大約O係 660同730，升得穿，上望189，以下面條升軌做止蝕。
另外日線圖紅色降軌聽日O係700，如果升穿，但收市後跌返入700就最好平好倉了。
想做淡，可以先睇500有無支持，如果確定有再跌穿都可以小注做，下望升軌位置，聽日FH380，跌穿升軌的話下望18000了。暫時無一條靚D既降軌做止蝕，要等.....或者以500黎做吧?!

就黎結算，我諗結算前都係橫行居多，應該結算後先有大方向了。真係睇你敢唔敢擺過年呢?嘿嘿....

12月23日午市分析

大家好~~今朝公司開左成日會，完全唔得閒睇個市，不過個市咁鬼悶，真係睇唔睇好過。哈..
牛仔已o係下穿返600時走左，黎緊好似又不宜睇得過好了，點解呢 ?
先睇小時圖，今朝就係俾之前條上升阻力線壓住，連同升軌去睇，依家形成一個上升楔形，依類圖形非常淡，除非可以升穿上升阻力線，不則後市偏淡。但依家唔適宜開淡倉住，因雖然圖形偏淡，但仍可以沿住上升阻力線慢慢升上去。
下個鐘線位o係660，升軌則o係340左右。
500應該係短期牛熊分界

另外rsi亦都行緊上升楔形，跌穿升軌可開淡。

12月23日市前分析

大家好呢 ! 今日同樣都係臨尾十五分鐘吉穿條升軌，玩期指就應該入得到，牛熊就要搏了。
我都有牛O係手，雖然唔多，但睇外圍個勢，應該唔洗輸吧?!

先睇小時圖，聽日如無意外高開，做左好倉既先要睇三個位，500橫線、黑色升軌(600)、RSI橫頂，開500以上的話，可下穿500止賺，如此類推，當然你想跌穿紅色升軌先止蝕都得，聽日FHo係18280左右，或者RSI跌穿四底升軌止。
穿升軌後我一直唔建議做淡，所以如果真係做左淡，我都唔知有咩止蝕位了 !........
吉倉的，都係睇依三個位做，RSI依條橫頂每次掂到都回，所以要小心。而RSI有條四底升軌，穿左都可以小注做淡。

另外再睇睇日線圖，首先我畫左條升軌出黎，未確認有無用，不過穿左都可以走好倉。
但係咪可以開淡倉，就要視乎條軌會唔會做多隻腳先再跌穿。
聽日O係18400，即係今日開左倉既都至少唔洗輸。之後對上有兩條降軌，一條O係18750左右，另一條O係19000左右，即係如果開18600以上，只要跌唔穿，第一個目標都係18750。
提醒大家一次，千祈唔好貪勝不知輸， 到目標唔行就賺左先，之後再等機會 !

12月22日市前分析

大家好 !! 咁鬼夜...唔知仲有邊個未訓呢?!!? (好眼訓呢...ZZZZZZZZZZZZzzzzzzzz..)
外圍好似唔多好，我隻小牛又可能要捱下價了，好...睇圖先!

我諗聽日都係裂口跌多，咁唔講升了!
做左好倉既，跌穿左條綠色升軌要止蝕，聽日o係18140左右，如果唔穿，好大機會只係後抽。而想做好倉，真係跌到依個位可以試下搏。先以18500為目標...

做淡的話都係，跌穿依條紅色升軌可以小注，但目標先係日線圖既降軌18070左右，再落就17970橫線。始終係升穿左降軌，係o個句，唔好睇得太淡住。大家還記得之前裂口升一千點嘛? 就係升穿左降軌後急插做後抽，之後就急彈。而認真要做淡的話，首先要跌穿17970橫線，再跌穿埋大升軌，一跌穿大升軌，就好大機會見16000了。

12月22日午市分析

各位好 ! 今日個市真係夠晒驚喜 (或驚嚇?!)，尋日都仲低水百點，今日就高開四百幾。
我都以為自己隻牛仔無硬，點知反而有賺成倍 ! 不過有熊既就慘了。

睇返圖先，小時圖今日頂位有一個，而同一點有三個阻力，分別係降軌、黑色升軌、RSI。
當中我諗升得穿降軌就應該有力穿埋其餘兩線，所以穿降軌後可以做好了。
午後第一個鐘o係480左右，收市前o係460左右
而黑色升軌午後第一個鐘o係 550左右，收市前o係560左右，順利穿得晒的話，目標應o係日線圖降軌18800左右，止餘可定返紅色升軌收市時大約130 。

做淡的話要等，等行多幾枝燭先有位~~~~

12月21日市前分析

大家好呢 !看來真係有D病，把聲都開始文了.............=.=
今日跌穿130橫線同110升軌後就開始急跌了，不過午市分析時唔記得左尋日分鐘圖出現既17970牛熊分界.....而走去講目標係17950添~~~差廿點....嗚嗚...
不過即場穿返上18000已經放左，淨袋100點即10格....追返條數先~ 哈哈....
今日收市前一分鐘突然急跌，不過仍然係收o係17970之上，要睇埋聽日做化了。

暫時外圍未開晒估唔到聽日高開定低開，不過都唔重要，除非裂口好大，否則我相信細裂口開完都係橫行，因為無乜空間俾佢走。
小時圖方面，對落穿17970可以開淡，但比較短線，打和都要走，目標先睇17930，之後17850，再穿埋就17780了。
對上的我諗穿到220先做會比較好，上穿300，之後400。打和都止蝕吧!
大家都見到D位空間真係好少，所以注碼真係唔好多。
另外可以留意RSI，上下都做左頂，穿邊邊都可做邊邊..............小注好了!!!!

日線圖方面想做好會易睇D， 聽日條降軌O係190...上穿的話做好啦!!!
可以以下面條黑色升軌做止蝕，聽日O係17960左右...........

12月20日午市分析

大家好 ! 今日我精神不振，個腦轉得好慢，有咩講溜記得多多提點~~haha

今日早上升過一浸，遇250回都無回就上左去290，之後同一枝燭跌返落黎，及後就無再上過去了。所以穿位最好係大陽，再睇多一兩枝燭先，通常會有後抽，唔洗驚入唔到的。

290係咩位呢?睇下日線圖，尋日畫既下降軌，今日做埋頂就變左一條好靚既三頂下降軌。
咁都係等穿依條軌先做好吧。 上望18400，之後18500...
而小時圖連續做左兩枝上影線，另外rsi又遇頂回落，個圖都幾差下，
等穿綠色升軌開淡吧，下個鐘o係110左右，下望17950先，止蝕擺o係新o個條綠色降軌。

時近過年，注碼應該要減少，因為正路黎講應該無乜大方向走.....

(頭先打打下分析訓著左......=.=)

12月20日市前分析

大家好 ! 唔知係咪尤於有CHAT ROOM既關係呢 ? 好似多左人O係樹咁 !
哈哈...希望可以KEEP得到啦 !
今日做錯左一個好錯既決定，就係入左市之後走左出去，返到黎己經HIT到止蝕。
有時有工作在身真係好唔方便......=.=
正因為連續兩日都要蝕D，所以今晚用多左些少心機去研究一下依家大勢~~(平時有點懶..HAHA)

今日同尋日個走勢差唔多，但無彈得咁勁，我睇埋成交分佈，發現朝早急跌係掟貨，但下午回升竟然係乾彈，依個怪現象係即係大戶離場。(MAY BE放假?!?!)
所以後市我應該係整固向下居多吧 ? 不過認真地講一句，依D市要有食好食，有咩唔對路即走人。
小時圖可做好位係上穿綠色降軌，大約O係18250，穿後可上望18400，穿後止蝕定O係中間既黑色升軌。
可做淡位下穿紅色升軌，大約O係17960左右，先下望今日DL17780左右，要小心黑色升軌有無阻力，大約17910左右，止蝕未有條靚降軌做，MAY BE MARK 3~5格止吧.....

另外我POST左個日線圖同週線圖，大家可以睇下。先講日線圖。
我記得前一陣子，有好多人都講，亦有人問我係咪做緊頭肩底，我答唔係，之後俾人攻擊既攻擊、冷嘲既冷嘲，總之O個一期俾人唱到暈...........(討論區其實都幾恐怖)
而依家我覺得有點似做頭肩頂，但好似無乜人講.......都差唔多到頸線都無人講無人問....=.=
我覺得個圖型係似的.....所以如果跌穿頸線，分分鐘幾個月內見13000。
頸線o係17650左右吧 ?

再睇睇週線圖，首先已跌穿升軌，依家有少少似平底三角，而個底o係17780呢....

綜觀所有圖，都好似好淡呢..........但仍然有空間做整固調整，所以如果真係要向下，會係下個月定今個月呢?!................要估估下呢!!!!!

12月19日市前分析

大家好 ! 話咁快就過左個假期，真係好唔捨得呢。T_T
星期五整左個Chat Room，先要感激Mattock先。都幾得意，都幾多人o係樹傾計，哈哈。
星期五要損手，都係摸頂之過，我應該係見佢升唔穿頂位，再穿即日升軌先入。不過算啦，都算係一個經驗。不過穿250後我都有反手返，但追返唔多，本來目標應該係500的，但各位可以睇下分鐘圖我圈o個個位置，就係我放牛既地方。點解 ? 有幾個理由。
第一係有連續幾枝上影線，我已經唔係第一次講一遇依d圖形就走左先好。第二，見唔見rsi有背馳 ? 第三，就黎收市，個圖走勢咁淡，點都係走左先好。

好了，開始講下星期一，睇一睇小時圖，降軌確認已穿，但對上亦有條之前之前既三底升軌頂住(FH18420)，之後留左仲條長長既上影線.....而對落亦俾之前條升軌頂住(FH18210)，依家應該點做呢 ?

做左好既睇住條綠色升軌，穿左要最好閃一閃人先。如果上穿420，可先睇480，之後就到600左右。
做左淡既穿左條上升阻力都最好閃一閃，或者可以睇近少少，上穿日線20天線(18420)閃一閃人先，好果下穿綠色降軌(FH18160)都可以試下做好，目標係之前降軌位置約18050左右。
吉倉者做好的話等穿480吧，如果下穿綠色升軌都可以小注做淡~

聊天室

我整個左聊天室O係頁底
你地喜歡就O係度吹下水啦!^_^

12月16日午市分析

大家好 ! 今朝整日都出左去，無睇過個市，不過淨睇數字已知暫時都仲係後抽格局，
個圖形都仲係好淡呢。同尋日分析一樣，我分別o係100同150都沽左注。

講返圖先，小時圖方面，今日DH暫時就係被之前條上升軌頂住，而紅色降軌依家係220左右，下一枝燭就會同條大升軌重叠，約O係180左右，降軌收市約莫O係140左右。
想做好，依家就算升穿降軌做都唔安全，最好升穿埋250條橫線先，咁就可以上望500。
而一日升唔穿，做淡既目標第一站係尋日DL17850，穿埋就17500。

都係O個句，做左好的話有食好食，做左淡的就有三條線俾你揀做止蝕(上面已講位)
吉倉既都係逢高沽比較好，搏反彈會分分鐘走唔切。

順帶一題，RSI已掂降軌，升穿的話熊熊都可能要走!!! 不過升得穿就應該等同升穿大升軌阻力了。(癈話中........HAHA)

12月16日市前分析

大家好...今日下午同上午都無乜大分別，大部份時間都係O係長方形依面運行。
都仲係一個整固圖形。暫時外圍好似做得幾好咁，咁聽日會唔會高開呢?!

就算聽日高開，都係O個句，升穿紅色降軌先好做好，聽日FH18300左右...
而同之前一樣，要留意兩個位，大升軌18160，同18100橫線，如果O係依D位遇到大阻力回落，咁就應該係後抽。個市按理係未跌完的，只係太超賣，要向上整固一番而已。
吉倉既話，暫時都未有一條升軌俾佢跌穿開淡倉，所以只能摸頂，如果真係上得到100、160、250依D位都可以試沽，但最好當時分鐘圖係出一枝長既上影線先好試沽，不然就要繼續忍，穿紅降軌唔好諗，即走。

有好倉既唔知有咩位係止蝕了，因乜鬼都跌穿晒仲有好倉的話，即係搏反彈，咁就有食好食! 無得食就CUT算 ! 如果低開的話，咁就建議睇定D先，如果穿今日DL，RSI未掂綠線咁都可以沽，先睇下降通道底17700，要睇實RSI個頂同底呢 !

12月15日市前分析

大家好 !恭喜各淡友贏左一回漂亮既仗 !
近期摸頂撈底玩上癮咁，今日O係17920左右摸底入左隻ICU牛，18000放左。
真係要節制一下先得。!!!
閒話少說 !講圖先 !

今朝跌穿左18100後做左個後抽，掂一掂就即急插，最底仲去到17859。
各位應該見到我新畫既紅線吧，如無意外依家就係行緊依條下降通道，
而17859就係剛剛到左通道底作出反彈。而RSI就到左綠色橫底，所以我預期會有少許反彈。
當然仍然會O係條下降通道裏面游走啦。
如果做左淡既，最終止蝕或止賺位係條紅色降軌，收市大約O係 18250 左右。
因為穿左大升軌既關係，我覺得今個月有機會落 17000 的，唔知呢 ?
如果想做好，都係升穿250先好做，依家只適合逢高沽呢。

吉倉者想做淡可以睇下幾個位去摸一摸頂，一係RSI降軌，一係上返大升軌時搏後抽(收市O係18160左右)。

不過摸頂係好危險既行為，自己去衡量風險喇。
都係O個句，無點O係手唔好亂過夜。

12月15日市前分析

大家好呢 ! 今日個市真係好厲害 ! 低開、夾上、再質返落去跌穿埋開市價，
如果識睇圖形，至少可以避過高追依一劫，但可唔可以高沽呢 ? 就要睇你點睇幅圖了。
午市前我講左我o係300同360都開左注熊，之後夾上去460我再開多一注。無錯，我今日做左樣唔係好應該做既野，摸頂。但點解呢 ? 因為我覺得已確認跌穿之後條三底升軌，理應無咁快跌完，同埋就算穿降軌止蝕都係講緊十格八格，風險唔大，所以決定咁做，暫時拉混叫做head住 5 格過夜。

小時圖仲未擺脫長方形格局，收市仲係收o係250橫底入面，不過已經過左第一間，穿左條升軌，只要聽日穿到250就到下一個阻力18120左右，依條線好緊要，因為差唔多可以話所有支持聽日都o係晒18100~18130，如果裂口低開穿100固然好，唔穿的話，行到落去都要平一平好。而做左淡既止蝕都係擺o係紅色降軌(FH18450)

吉倉的話，暫時唔好入住，等埋聽日睇下上午點行再作決定吧。

而做左好的話，如果聽日低開18100以上，都仲可以睇100既支持力，穿左要走了。
你貪心既睇到18000先決定都得。

12月14日午市分析

大家好! 今日我大部份時間都無睇個市，因實在太悶，哈哈。
今日裂口跌穿左尋日畫既小型升軌，但o係尋日DL位置搵到支持回升，我分別o係300同360都做左一注熊，本來以為係後抽，點知條小型升軌都幾流，所以上穿後直上465橫線。
不過升唔穿，淡倉都可以唔洗走住，因為依家算係破位後既整固形態，圖形仍然偏淡。

講返圖先，小時圖行緊長方形，頂部係18465左右，底部係18250左右，上穿後仲有條降軌，下個鐘o係18550，收市會落到18500左右，升穿降軌可以做好。
如果做左好倉，見升唔穿18465都唔好KEEP，止賺或止蝕好了。
而做左淡既升穿日線20天線18480就要走，先下望今日DL為目標。
吉食想做淡的話，跌穿今日DL可做，但對落仲有條大升軌，FH18100，水位唔多，穿左當然好啦，但最好都係到目標位就食左先!!!

12月14日市前分析

大家好 ! 今日午後真係上18465橫線，不過可能有好多做左好既朋友O係穿350已經走左。
其實定止蝕位都係一門學問，今日係應該以即日升軌為止蝕的。不過過左去就算吧。
無論係小時圖定還是日線圖，都係一個好靚既後抽形態，依家關鍵係聽日點行，
如果聽日破頂，咁個圖就變左形，如果聽日向下跌，咁後抽形態就會成立，我講過穿圖後會大約跌落17400-17600，聽日就可以決定方向了。

如果有好倉者，聽日升唔穿620，甚至倒跌的話，我建議都係走左人先，因咁行法個圖形係極差。如果有淡倉者，可先睇小時圖降軌，FH18620左右，穿左要CUT。
吉倉的話如果聽日係低開或跌穿小形升軌18380左右，其實都可以小試做淡試一試水溫，止蝕O係18465，或降軌18620。目標係大升軌18090，再跌穿就會向18000同17800進發。
如果想做好，最穩陣都係升穿降軌18620先好做。

12月13日午市分析

大家好 ! 今日個市都幾悶下，一開市已經穿左18350，但搵到支持後就開始慢慢咁升上去 !
所以我決定觀望一下既決定都係無錯的 !

今日RSI如尋日所講已到底，所以有少許反彈都算正常，即市升穿第一枝燭既頂，下午有機會夾上去18465呢，如果升穿18465，就會挑戰升軌，FH18520左右，如果真係咁行，而無論上465或520，都有個明顯回落的話，依個就會係一個靚絕既後抽，即係個市仲未跌完，想開淡的話要留意。
如果想做好，即市都可以做，以返18350做止蝕，上望18465，但水位太少。
中長線想做好的話，至少要升穿紅色降軌，FH18700。

O係水位唔多，個市又係O係中間既情況下，都係保持住觀望態度好了。

12月13日市前分析

大家好 ! 依兩日簡直係將畫圖既神奇之處發揮得淋漓盡致，連續兩日即市穿位，
真係好炒到唔信。唔知今日大家有無o係穿18830開淡倉呢 ? 今日穿左第一個目標位後就直指18450，不過好似跌唔落，我又唔想過夜之下，決定o係18500左右走晒。依家睇到外圍咁樣，
真係後悔都無用。不過穩穩陣陣都好既...haha!!

聽日如無意外都係裂口低開了。咁我就唔講升喇，費事晒力氣。
小時圖被18465橫線頂住，由頂落到18465，做左一個下降平底三角，如無意思應該會落17750左右位置，當然唔係一枝大陰燭落啦，依個只係中線目標。
而聽日想點開倉，就要睇開咩位了，最理想，當然係開350上，試有支持再跌就可以開淡，咁就perfect喇! 但開o係350以下的話，咁唔好追住，都係o個句，睇下佢點行先，等佢試好晒支持位先再做。當然如果即市下穿18050的話都可以開淡倉。先睇17800。
持淡倉既朋友要留意RSI已到底，即市有可能先反彈再裂口跌，所以如果有keep過夜的，開市唔穿350最好放、或裂口穿350之後升穿佢都放，而穿350後既目標位就係大升軌18050了 !

如果想做好，要睇返o個條18465橫線，升得穿可做好，上望降軌(FH18750)
之後既................等聽日升得穿再講啦!!!!

聽日個市會好兇險，建議先觀望一下先 !

12月12日午市分析

大家好呢 ! 尋晚寫分析話今日行多幾枝燭先再決定點做既決定真係無錯。
因為今日又係橫行，不過試左底同頂，幅圖會比較易睇。

首先向上俾條18940既橫線壓住，向下則俾條18830頂住。
想做好，升穿18940可做，上望降軌，下個鐘o係19050左右，水位唔多，再升穿就再上望19150左右，如果對上一條降軌都升得穿的話，就直指19300~19350，即日線100天線，依條線都好緊要，今個月牛定熊都睇佢了。18830止蝕

想做淡比較簡單同有水位，下穿18830就可以開倉，下望18560日線升軌，穿到的話就再下望小時圖升軌18450左右，穿晒軌就好可能會落17400~17700了。止蝕係18940。
不過唔好貪心，做好做淡都好，最好到第一個目標位就止賺，動物者亦不宜過夜，即市穿位入，唔穿的話寧可唔入。因十二月我諗唔會有大方向或大單邊吧? 有食好食啦。

12月12日市前分析

大家好 ! 星期五太忙，無出午市分析。不過仍然有O係UWANTS出左兩三個POST。
唔知大家有無睇呢 ?!
朝早個圖其實好靚，一開市跌穿RSI 7底升軌，但裂口跌穿，即日既RSI太低了，不過開市後被之前既上升阻力線頂住彈左一彈，向上整固後再下穿，之後再穿660橫線就開淡倉，目標直指18500。下午開市後又做多個後抽之後急跌落18500，到目標位後放貨，咁樣就簡簡單單賺150了。哈哈....
如果你係玩期指的話，15分後上返18500唔知敢唔敢渣一張過夜呢 ?! 睇外圍咁，有就發了 !

黎緊點好呢 ?! 先睇日線圖，係一個好靚既平衡三角，聽日降軌就即係100天線咁上下，19400左右啦，升軌大約O係18580左右，依個圖形無論向上或向下穿，都應該會有一千點既波幅，但我好有預感佢會裂口穿....=.=

而聽日點做好呢 ?! 聽日比較難攪，因為應該會高開唔少，但因為對上都幾多阻力線，可能會好CHOK，又或者橫行 ! 所以無論做好定做淡，我都建議都係先忍手。想開淡倉會比較易睇D，穿日線升軌就可以開，先下望星期五DL19465，但想做好，聽日聽日一開後可能已無水位，穿左19250先再諗，如果唔係，就靜觀其變吧 !
睇埋聽日點行再算吧..

12月9日市前分析

大家好 !今日午後行左長方形一段時間後，終於向上有所突破，但去到19150就止左步，本來我有諗過KEEP牛仔過夜的，但睇一睇分鐘圖，去到120~150依D位估左四枝長影線，
所以O係130左右放左貨了，午市前我仲睇得好的，但個圖形一轉差，我又睇得無咁好了，所以我地依D畫家係隨時轉軚的，哈哈。

適逢歐洲O個邊有個大會要開，而睇埋RSI都好似要好淡友分勝負了。依連日既整固應該會O係聽日，或最遲禮拜一會有大方向了，如果你肯搏，分分鐘可以食到幾百至一千點裂口，但如果搏錯左，咁就阿彌陀佛了。

好了，講返圖，小時圖暫時係行緊上升通道，即係話跌穿升軌又可以做淡，聽日升軌第一粒鐘係19020左右。下望兩個位，一個係RSI第8底，另一個係18850左右，順利跌穿RSI升軌的話，我覺得應該可以長沽了。

如果做好，都係等穿19200啦，因小時圖尾兩枝燭都好淡勢，依家反而做好有點危。
睇下聽日點行出多兩枝燭再作決定吧。

12月8日午市分析

大家好，今日果真一開市就跌，仲要跌穿條升軌，最低去到18939，但點解唔跌落去呢 ?
就係因為RSI，RSI做左第七個底了，依條線真係夠晒勁，如果跌穿，唔排除會有過千點跌幅，希望唔好裂口穿就好了!!!HAHA....

後市我睇應該會升穿19200，目標都係19400先，所以依家做好應該無問題，而止蝕位有兩個，一係新O個條升軌，另一個RSI七底升軌，但等穿七底的話，一穿左可能會有一個好急好急既跌浪，唔知仲走唔走得切，所以以邊個止蝕位去做，到時自己衡量了。

暫時都係不宜摸頂，想開淡倉的話等穿新O個條升軌先(FH : 18970左右)。

而開好倉後都係要睇實RSI兩條降軌同埋綠色橫線，升唔穿就隨時要走。

12月8日市前分析

大家好 ! 今日午後都算係預期既走勢 ! 最後升穿19200時入左隻牛，點知磨左成個鐘都無料到，而小時圖果然如午市分析所講，受制RSI綠色橫線。所以最後O係收市前放左，因無點O係手打死都唔過夜，最後執一格走人。
永遠都係最怕臨尾收市前穿大位，之後定形，咁唔對路就一定要走左先。
之後仲入左隻193熊添(1手...三舊水..HAHA)

不過亦都唔可以睇得太淡，因為始終係穿左位，我覺得上19400機會仲係有的，如果聽朝裂口開跌，要小心只係整固往上抽。真係要開淡倉的話一定要下穿升軌(FH : 19070左右)先好開，之後目標睇18850左右依啲位置。
都係O個句，假如裂口穿位，唔好心急追，睇下會唔會有後抽，如果上返19070附近位可試一試沽一注，入返升軌就放，應該唔太危險。如果直落18850的話，唯有等下次機會。

而再一次升穿19200的話當然可開好倉啦，目標睇19400了，因日線圖條降軌係隨時間而下。
依家外圍好似幾差咁，如果手上有好倉，穿小時圖紅色升軌都應該避一避先，保住子彈要緊 !!!

12月7日午市分析

三個字 ! 悶到喊 !
又係裂口橫行，每枝燭都係得十點八點波幅，依D市真係磨滅緊所有人既鬥志......
首先睇睇分鐘圖，依家行緊條上升軌，可能會做個平頂三角，但未肯定。
跌穿升軌就有可能又去返19060-19100度磨了。穿埋19060就可能會向DL進發。

小時圖方面今朝個頂俾條紅色降軌頂位，依個鐘o係19155左右，即係話升得穿今日DH就應該會挑戰19200，所以好多ICU熊要留意依條降軌...haha!!!
做好做淡方面跟之前一樣，無乜好講，都係穿19200開好倉，穿升軌開淡倉(FH:18950左右)，有好倉姐應該先留意條紅色降軌同19200，升唔穿就食左先。淡倉姐都一樣，穿降軌就考慮CUT，穿19200就一定要CUT。

另外，當期指上19200時，小時圖RSI應會掂第一條橫線，要留心個回落幅度，有唔對路都要走。

近期個市好似前段行得好慢，後段發力，所以止賺止蝕要快，到目標位我都覺得放左先好，之後睇多兩三枝燭再做野。
另外，我本人開始睇得比較淡，因美股德股幅圖真係好樣衰，所以做好既最好小心點。
除非HEAD住百幾二百點，否則唔建議過夜，但依D橫行市點HEAD咁多點?!HAHA...

12月7日市前分析

大家好 ! 今日午後既夾上，就係RSI五底反彈既威力，所以如果有一日跌穿，基本上都開得沽。
今日升穿18910時我都有o係uwants出post叫有賺好走，因到目標位後有大反彈，好大機會只係做多個底向上升，所以短炒要時刻留意圖形走勢呢。

如果聽日跌穿條降軌，咁當然唔走啦，可下望返今日DL(18785)，穿的話就睇150天線18730，之後就到18660了。
(條250天線好似無乜料到)

如果仍然keep住淡倉的話，咁都係睇返兩個止蝕位，一個係降軌(FH:19150)，一個係平頂19200。升穿的話諗都唔好諗，要走。之後再等下一個機會。
keep左好倉既，可以以新既升軌(FH : 18890)做止蝕。先上望19200，到位穿左尤自可，唔穿都可能要食左糊先。升穿19200後目標係19450。

做好做淡都好，要時刻睇住RSI既線位 !

12月6日午市分析

大家好 ! 今日個市都對我地幾好，輕微跌穿升軌，再做一做整固就開始跌落去第一個目標18850。不過我都講過裂口穿軌要睇多一睇，如果返返入軌內就要走，但今日好明顯上唔返去，就算上返去都係四五十點止蝕，今朝開淡倉算係好安全。

之後曾經一度跌穿850，最低落823之後又上返去850度磨，咁之後點呢 ? 如果o係穿850開左淡倉既朋友，依家第一個目標應該係睇150線18750，如果無乜支持的話就睇18670左右。
而止蝕可以擺o係新既降軌，下午第一個位o係19200，會隨時間而下。即係時間越耐越著數。
至於想做好倉，暫時唔好住，先睇彈返上條降軌的話會唔會有阻力，有阻力的話整固後再升穿就可以做好，不然依家做好有點危險。

做左淡既都要注意小時圖RSI做左五底，反彈並升穿降軌可能要走.....

祝好運!

12月6日市前分析

大家好，今日午市後基本上係乜都唔洗做，有好倉又未跌穿止蝕，吉倉又未穿位可以開倉，我諗應該唔會有人有淡倉吧? 因至少要穿18850先好開淡倉。
不過尾市15分鐘既急插，都應該震走唔少有好倉既人吧 ?
俾我都會走 ! 哈哈....
不過尾市十五分鐘其實唔係用黎睇高低水就等於第二日會唔會高開，當然通常會跟高低水啦，但最主要係睇佢收O個個位係咪穿左阻力位，通常穿大位後第二日都會有大裂口。所以見急插或急升可以CUT好或淡倉，但未穿位切勿追。

好了，講返圖先。小時圖做緊個平頂三角，如果外圍KEEP位依家個勢，聽日就會穿平頂，按波幅應該會上19450~19500，所以如果聽日高開的話，就要睇下聽日高開幾多，高開太近19450~19500都不宜追，追牛後個止蝕位可以放O係新的一條升軌，聽日第一個鐘O係19050左右，收市會O係19120左右。穿依條升軌都可以開淡，下望18850先。

另外日線圖都係睇返條50天線，聽日都係O係19500，升得穿的話，就再睇週線既降軌，今星期O係19550-19600，如果升得穿依幾個位，之後恆指應該要上20500。
不過好友唔好太過心熊住，穿位先做野，咁重要既位未必一下子穿的，甚至有可能係今轉升浪既頂，所以要小心。

12月5日午市分析

大家好 ! 今日即日只做有小小波幅，但都中係悶到抽根。
今日果然仲係升唔穿19200，依家又去返19000~19100度整固，向上向落已經無咁大把握了。
五分鐘圖行緊個等邊三角待變，上破或下穿都應該會去DH或DL進發，如果上穿19200，有好倉當然可以繼續KEEP，吉倉都可以小注開，目標仍然係19450，以19000做止蝕。而如果下穿小時圖綠色線或250天線可以小注開淡(約18840)，先睇100天線18790，穿後就應該會落18660左右了。
另外好友可留意小時圖rsi會唔會下穿升軌，穿左就要考慮走人。

12月5日市前分析

大家好 ! 星期五尾市既夾升真係幾得人驚 ! 不過我諗未破位應該唔會有人熊左吧 ?!
美股就虎頭蛇尾，大月見頂之勢，係咪個反彈已經完左呢 ?!?!

首先黎張日線圖先，好似好耐未放過日線圖了，大家會見到有條降軌同條100天線重叠左。
而依個位就係呢次反彈既第一目標位，聽日會O係19526，如果真係升到上去，最好都係食左糊先。如果真係升穿，咁我諗好有機會重上20000甚至20500...不過穿左再講啦。

而小時圖呢 ? 唔知大家仲記唔記得，19200之前係一條橫線位，而星期一就要好好睇住升唔升得穿，如果升得穿，好倉仲可以keep，升唔穿，咁最好食左糊先。
如果開市係低開，咁先睇會唔會跌穿18850，一日唔跌穿好倉都仲係安全。
而暫時吉倉既，我諗咩都唔洗做住最好，都係等啦，因依家個市O係中間，兩頭唔到岸。
想做好的話，上穿19200可以小注試下，都係望19450~19500啦。用返19200做止蝕吧。
想做淡既，我諗都係下穿18850先小注試下，下穿18650就應該確認反彈已完，望18350。

希望聽日唔好又裂口橫行啦!!!