8月31日午市分析

大家好 ! 尋晚IG跌過百，我都諗緊條大升軌咁易就穿 ? 無理由咁兒戲掛?!
點知今日都係低開幾十點，仲好快彈返上黎，我希望佢向上調整一下先，
如果唔係就咁一下子插落去，都唔知會唔會敢做....@@

暫時都係以DT為主，今朝有圖唔難做，大家都見有兩個上升楔形，一大一小，
我只係做左細O個個就算，O係445PUT，460止蝕，410平。
大O個個目標係362，都係同今日DL差4點呢 !!!! 不過唔敢睇咁遠....個心諗住拿拿聲追返隻牛仔既損失 !!HAHA....

之後O係380摸底CALL左，點解?! 大家可以睇下五分鐘，剛好做左個下降通道，我見佢O係下降阻力線留左枝長腳所以先CALL，可能會擺多陣(應唔會過夜)，如果落返380就走，吉穿降軌就可以繼續睇呢 !!!

大方向仍然係睇住條大升軌啦 ! 大約都係O係19260左右。穿左做淡。
最好就彈一彈先~~~~
而現貨圖做左個幾靚既下降楔形，穿的話可以做好，但係都係即市為主啦 !
想過夜的話，都係同一句說話，小注................

8月31日市前分析

大家好 ! 今日下午好專心咁DT，想追返過夜輸O個D，不過仲係追唔晒=.=
過夜O個度我應該要輸 60~70點呢......今日膽大少少應該可以追晒有突的，可惜....心理唔係咁得>.<
最終做左兩個TRADE，得40點....

1. 穿双底頸線做好，19460CALL，目標19498，最後穿升軌19480止賺
其實穿升軌後可以淡，但硬係怕双底未行完，怕下怕下就MISS左個大浪了。
2.依個係偷步，O係穿下降楔形前做左個平台，穿位就做。穿燭底止賺。
19435CALL，目標19500，19455平。
 之後穿左個上升楔形，不過見收市無做LU，點知跌到幾十點....浪費機會了@_@
**大家可見我O係依兩個TRADE都無再等到到目標先走，依家好多時都係咁，只要有利潤就即刻MARK止賺，因為近期個市好似都行唔足咁，所以都係有食好食了 !

今日大圖POST左兩張圖，其中一張比較少見，係恆指現貨圖，
如果你用降軌去畫一條平衡線，就會出現一條剛好連接到兩個底既下降通道。
再睇下小時圖，我畫左兩個孤線，形態唔知係咪做緊頭肩頂，不過依家差個右肩。
如果HSI上穿降軌，可以做好。如果真係上穿的話，就有機會會做埋右肩呢。
不過條降軌都幾遠下，聽日再算。
另外短線既今日DH遺留左個下降裂口，若果上穿19480，就應該可見19660了。
大升軌仍然係19250，我會比較希望佢會O係大升軌前先向上整固一翻再跌呢....

題外話，看來我將強債金轉晒落債卷應該無錯吧...?哈哈..

8月30日午市分析

大家好 ! 如果尋日有聽我講790做止賺，咁大市對大家好好呢 ~但對我唔好喇 ~~~
一開市裂口低開，唔洗睇返個楔形做好 ~ 但我尋日隻小牛打左靶了，
如果維持o係依個水平唔再創新低，咁就約輸相等於50點既細期啦 ! T_T
其實尋日臨收市都走去入隻低溢價既熊，但都係講緊收市前10秒既事，
最終入唔到~~~天意@_@
今個月D過夜倉真係同即市DT打晒平....完全得個吉 ! 希望九月會好一點啦 !

依家可以睇返大圖了
有樣野其實係蠢左，日線RSI升軌穿左，但無為意到，前幾日咁行法都無睇過大圖，差勁=.=
而期指方面依家已經好接近大升軌，我望緊可唔可以試一試位再彈返幾百，如果依條升軌試好再穿，黎緊就會有一個大跌浪 ! 依升軌依家大約O係19250左右。
不過如果黎緊係大陰燭插穿....咁都迫住要做淡啦 !
大家可以再睇睇之前穿O個個大楔形，其實同依家好似，睇返時間，4月都係期結O個日插落黎，但就唔知之後係咪一樣咁行了。4月期結後第二日彈返上去，向上調整先向下插大升軌。
所以要做淡千祈唔好偷步住，確實穿左先好做 !  又或者依幾日會彈返上去出條升軌做個平台呢 ? (幻想中....haha)

即市無做過，成朝o個街，睇下下午可唔可以追返o個50點先>o<

8月30日市前分析

大家好 ! 今日太眼訓，所以長話短說 !
今朝講O個張CALL，O係810走左，連埋張權都走埋，因睇個勢都知今日上唔到19900樓上，
癈事輸時間值，輸左廿點就算 !

今日尾段開始插落黎，所以我下午都講，最好唔好做好倉住，因為時機已過，風險太大。試諗下如果你做左，尾段咁跌落黎，但又未到止蝕，你話走唔走好呢?!!?
不過如果唔係就黎收市，我應該會O係750左右位CALL一張，止蝕係715，35點搏過百點緊係搏啦~~不過可惜..市已收!!!! 但都有入左小牛過下夜 !
如果聽日平開，都可以試下做張CALL，但穿星期二DL就要走 ! 8月期係19718，9月期係19661，皆因聽日係期結既關係，最好當然係結左先再算啦 !HAHA...
大位仲係要等........................等了又等.............................@_@

有D朋友奇怪我點解買牛，今日上午唔係話買牛唔著數嗎 ?!
我今早可能講得唔清楚，依家再補充返少少野，
首先要理解你O個隻牛既買入價係相等於期指幾多點先
例如我買O個隻，行使係19450，買入價係0.026，換股10000
10000 X 0.026 + 19450 = 19710
當時九月期亦都係差唔多位，所以對返9月期的話，我依隻牛既價格合理 !
所以唔會有期升100點，隻牛唔升既情況出現 (除非莊家攪事啦....@@)

但如果你揀O個隻牛，發行商未調返除息後既價格，咁溢價一定高
可能聽日一開市就會調返低個溢價去平衡返下月既低水，咁就算大市唔跌，
你都分分鐘要輸錢呢 !

8月29日午市分析

大家好 ! 今日個市都仲係keep住咁悶呢-.-
今朝又係一早高開，之後一大枝陰燭插落黎，每朝最大波幅就係頭幾分鐘，
好似叫人買大細咁............=.=
今日即日唔好玩，但我手痕痕都有玩，講解下先 !
即市圖有兩個trade，都寫左 1、2的
1. 依個唔係因為有圖形而做的，而係因為見 5 分鐘圖紅圈圈住o個枝燭，實在太像後抽了，所以o係800做左好倉 ! 牛同期指都有做，不過牛仔食左一格就走左了，唔知自己做緊乜...
依張call到依家都未放，睇埋下午先 !
2. 穿左一條小形下降楔形做好 ! o係臨午市前走左。( 19805call，19795止蝕，目標19830...不過o係臨尾枝燭hit到止賺，19820走左了) 

講返 5 分鐘圖先，暫睇都係行緊大小楔形既後抽，目標有調整，應係910、970。
下仲有一張係下月圖，個楔形仲靚，不過下月目標係860 (因低水呢)
而如果係尋日call上黎既，我諗可以用返790做止賺。
如果依家先做好，要穿尋日DL先叫破圖，所以風險都幾大，唔係太建議做，所以只能講一句，時機已錯過了。都係睇返即市位DT吧。
另外依家好有行緊圓底FEEL，不過只係行到3/4，要睇埋下午先知係咪咁行呢 !
大位仍然係未有，所以唔出大圖了。

有個題外話，係關於牛熊的 ! (如果有錯請更正，因無實質理據，只係憑記憶同經驗)
大家都知下月低水差唔多100點，如果大家有留意過的話，應該有見過有某D時候牛熊証既溢價會高或低得好誇張，而依D時候，通常都係大高水或大低水既時候。即係咩意思呢 ?
簡單D講，例如，今日隻牛仔係0.03，恆指係19800，即月期指係平水，
若果聽日期結轉用九月，恆指仍然係19800，但期指則係19700，雖然恆指無升跌，但隻牛仔分分鐘會變成0.02，因為牛熊既價格通常係跟期指的，但回收價就跟恆指。
所以先會出現負溢價 !
又即係話，你今日買牛，如果聽日高開100點，你分分鐘一格都無得賺。
相反如果係熊，因為溢價脹左，可能仲唔洗蝕。
我相信都有朋友試過大市升，但熊仔竟然一齊升，就係依D情況。
買牛熊既朋友要留意了 !

8月29日市前分析

大家好 ! 今日下午真係CHOK爆，不過都叫做有得食 !
佢O係763穿位，但我O係755就已經做了 (即係藍圈位置)，因為O係穿大位前做左條小型下降通道做個平台，一穿位，O係後抽位置留一枝下影線，止蝕亦係718咁近，所以拿拿臨做倉。
最後O係810平晒唔過夜，換左張細權LC20000過，近期D市咁CHOK，平平地玩一張過下手癮算了 !

睇返五分鐘圖，仍然係O個兩個楔形，但比較大O個個穿位後實在行得幾核突。
而細O個個目標係930，大O個個依家都係睇20000唔夠，所以先平平地用權過夜，
因水位實在太小了。如果聽日穿DL ( 或者條紅色升軌吧?!) 就走權啦...
暫時都無乜好講，都係睇返即市細位，大位仲未有住呢。

8月28日午市分析

大家好 ! 今日低開少少又上返黎，真係都幾chok，亦令人幾眼訓T_Tzzzzz.........
早上一個入市位都無，乜都唔洗做 !!!
不過下午可能有得做了，先睇 5 分鐘圖先 ! (近期小時圖無乜野睇....)
就咁睇係行緊兩個下降楔形，若果稍後時間上穿紅色降軌就應該會做好倉，
暫無升軌做止蝕，所以先以今日DL做止蝕的話，都係講緊70點左右，但個浪分分鐘有三百點呢 !至於過夜的話，最近chok到咁...就算係過都可能轉用小牛算 ! 又或者做張long call搏下大霧都唔定 ! 即市黎講未有做淡位。

加多張國企，國企同恆指略有不同，只行左一個下降楔形，但朝早已上穿，暫時目標係9600，同樣DL止。雖然我未做倉，但有可能做多張國指LONG CALL都唔定。

8月28日市前分析

大家好 ! 今日我DT要輸添...午市前沽唔到，午市後就插左落去，之後見近800就CALL一張 (820CALL)，輸左廿點....跟住都無做了，搵唔到位做。=.=
本來尾市諗住再買多次小牛的，不過最後都無買，聽日再算吧 !

大圖真係無乜野睇，亦無乜野講，所以整張五分鐘圖出黎，
要注意紅色降軌，如果聽日試多個頂再穿，咁我就做好倉搏一搏喇，
當然....如果係O係軌度磨，咁就到時先算啦.......依D圖......真係只能講兩個字...[執生]
若果依個楔形做得成，向上幅度都有成400點呢 !
不過都係等聽日穿左再講....

8月27日午市分析

大家好 ! 今日真係慘，o係20000高開，仲諗住有餐晏仔食下，點知現貨都未開就一大枝陰燭插落黎 ~~~仲以為o個四舊水捱唔住添 !@_@
最後執兩格走左，真係夠買一個早餐~~~叫好過無啦 !!!

大市仍然受下降阻力線，依條線真係夠晒煩。
依家做淡大位係o係19200，除非向上做圖形，否則真係要等佢穿大升軌先有得長沽呢 !
而做好的話，都係紅色降軌啦 ! 暫o係20200。依家o係中間....DT下風險無咁大呢 !
同埋就到期結，分分鐘好CHOK都唔定 !

即市方面，今日暫時無做過倉，星期一比較忙-.-
不過暫睇似係行左兩個圖，第一個下降楔形，目標係880、910，止蝕係DL。
中途行左個上升楔形，目標830、820，止蝕870。 
好似好亂咁 ? DT就係有CALL有PUT架喇 ! 哈哈.........

8月27日市前分析

大家好 ! 話咁快就過左個假期，真係唔捨得 !
大市仍然係無方向，O係依個區域行左半個月，真係唔寫個服字俾佢都唔得~~~~=.=
尾市小小地買左兩手198牛，全無技術跟據，只係見佢日升日跌，又跌唔穿下降阻力線，所以玩下野 ! 唔知會係輸餐早餐丫 ? 定贏餐晚飯呢 ? 嘿嘿...

其實依家真係無乜實質既位去做好做淡，不過既然我買左牛，都要俾個目標佢啦 !
希望係可以補返星期五既下降裂口，即係19940~20110。
如果落返我入市位就走，即19860左右~
如果係低開，可能已經打靶了...HAHA~~~
大位無得做，真係要等...仲可能要等到九月......=.=
睇下聽日DT會唔會好玩少少啦 !

8月24日午市分析

大家好！我又喺外面了！
今日繼續延續以往嘅日升日跌，真係吹脹！

大市雖然跌二百幾，但一條下降阻力線限制左今日嘅跌幅，好麻煩！
依家究竟行緊咩形態，我都唔敢亂估了！都係等有明顯啲嘅圖出現再算吧！

即市19885沽左，止蝕18900，目標19840。暫時仲楂住，睇下下午有無得食？

8月24日市前分析

大家好 ! 依家咁既市，其實真係無咩野講，望一望美股，只能說.....唔係掛?!今日升完，聽日又跌............?=.= 升跌升跌既日子都唔知要過到幾時.......開始麻目了 !
依家降軌去到220左右，上穿後睇一睇形態，係大陽穿，又入唔返去就開好倉啦 !
但我諗都係玩返DT安全D，O係無實質圖形底下，長倉真係諗唔過 !!!
做淡要等，最底O個條大升軌都上到192了，可能磨多10日會到196~198呢 ??HAHA

即市方面，今日只能做到一個TRADE，上穿下降楔形CALL，目標20145，但當是覺得20143可能係頸線，所以無走睇多陣，穿左止賺就走人....食得20點...叫做好過無啦!!!
(20105CALL，20080止蝕，20125平)

如果今晚美股有圖行，聽日就出張美股圖睇睇啦 !!!

8月23日午市分析

大家好 ! 今日高開不少，看來尋日走PUT既決定係O岩 !^^
但行咗十幾日...都仲係O係依個橫行區裏面，好煩....亦好悶~~
今日即市未做過倉，得個睇字 !  暫時都未見有圖行出黎.....

但今日DH位置，剛做係8/14做既降軌，不過個圖形做得唔係好夠靚 !
要睇埋佢穿後既走勢先會決定做唔做倉呢 !

睇大圖的話都係睇紅色三角降軌，穿左做好啦 !
反而依家無乜位做淡，除非佢穿20300啦 !!!
不過暫時D圖都係無個好，小注怡情呢 !

8月23日市前分析

 

大家好 ! 今日早一點出分析，今晚上diablo撕殺...haha.....
但講分析之前，先講一D無聊野先。
可能有好多朋友都發覺我最近無乜上chatroom，究竟係咪發生左咩事 ?
本來我上chatroom好多時都只係想同大家吹下水，傾下東講下西，叫做抒緩下工作上既壓力。最近公司真係好多野煩，想上去chatroom吹下水，點知又有人一見我出黎就起勢針對，
老實講，平時我會無乜野，因為都已經慣左，但最近心情真係非常之惡劣，真係唔想再上黎見到依D針鋒相對，所以就好少上來喇 !依家多數都係O係WHATAPPS同朋友吹水@@
但如果我O係BLOG講既大位穿左的，最後過唔過夜都會上CHATROOM講聲，就好似今日咁，我會講我吉倉跟住走左去...哈哈....

講完一大輪無聊野，講返市先 !
今日終於吉穿左19880，但無預期既大插，最後我都無沽過夜，原因轉頭講 !
今日即市做左兩個TRADE，第一個就係今朝講O個個，910CALL，最高升到960都無食，
因未到價，最後920穿升軌走人。賺10點...恭喜晒 !!!@@
第二個TRADE係三點一返到公司咁O岩見到即做的，O係穿上升楔形既後抽位沽，
點樣確認係後抽 ? O係升軌留一枝上影線之後都唔上破我就當係，同樣係30點止蝕。
最後吉穿埋880，吉穿880應該係KEEP 淡倉至係，但穿880後一來無預期既大跌，二來大家可以再去睇睇 5 分鐘圖，今日DL剛剛係一個下降楔形既底部，仲要一直都唔穿，最怕係個圖變形，變成短期既下降楔形，但跌穿880後，就算唔做淡都唔會做好，所以決定吉倉。
(930沽，960止蝕 ，870平)

另外o係五分圖我畫左條降軌，本用來止賺用，所以如果keep左淡既，都可以望住依d降軌去決定平唔平倉。如果聽日下穿下降阻力線破圖，咁我應該會做返張淡倉吧 ! 睇下聽日開幾多先算啦 !

大圖無咩好講，如果向下行就先望665，再向下行就400。或者用返條降軌做止賺就可以了。

炒股，尤其短炒，就好似行軍打仗一樣。
上陣前策劃，就好似我寫既分析一樣
兵力，即注碼
但真正出兵時，形勢迅息萬變，一定要應當時形勢而對之前既部署作變動，尤其係出戰兵力 !
即兩個字講晒 -- 執生~~haha~~

8月22日午市分析

 

大家好呀 ! 今日仍然係維持近十日既梅花間竹走勢，日升日跌=.=
我隻牛仔輸左15格...即300蚊....幸好尋日食左50點....!!!@@
重申多次喇...過夜要小注....我都係過下手癮...無論贏輸都係講緊幾百蚊，除非大信心啦 !

先講即市先啦，即市暫時做左CALL，O係910做的，因為見跌穿左小形下降楔形，
本來以DL止蝕，行下行下又有條升軌，行下行下又似做緊平頂三角，穿平頂目標係19985。
依家用返條升軌做止蝕，升軌去到907，就黎打平....!!!

大市O係19880做多個底，好鬼硬淨，依家又就到月尾，如果穿圖的話我諗我會用權，
平D嘛...真係依家先黎爆的話真係不得了(當然係爆落計啦....)
我諗我會做196吧...
要做好.....都係條三角降軌，依家O係20230。

今日整多張美股圖，睇見都心碎，D圖易睇到....我諗我真係炒外圍算了。=.=
大家可見做左兩個上升楔形，尋晚我話會穿13200就係睇細O個個，最後尋晚DL係13186呢。
如果係講大O個個，就睇13100，但唔排除今晚會上返去打後抽，所以如果睇短線就無乜啟示，不過中線應該已轉弱 ! 我相信港股都係 !!!

8月22日市前分析

大家好 ! 大市繼續好悶，O係依個橫行區已經足足有十日，真係唔知佢想點。
個市悶，我都無乜野好講，只可以講方向未出，唯有DT住先 !
都係上穿三角降軌做好，下穿19880做淡。
不過尾市見RSI穿左降軌，我走去買左隻小牛玩下 !
最遲聽日都會走了，皆因美股剛穿左上升楔形，應要穿13200了。
希望今晚唔好跌住啦 ! @@

8月21日午市分析

大家好 ! 今朝一早就升穿尋日講既降軌，但係唔好講等五六枝燭，第四枝燭都已經捱唔住跌返落黎，仲要急插，所以我成日講唔好一穿就入，一定要睇到定一定先，尤其係大位。
大圖真係無乜野睇，好悶..........橫行左咁多日真係唔知佢想點，
想睇下外圍又係差唔多形勢~~~唔係想呆到去九月掛 ?-.-
依家處於RSI 降軌頂，如果連續兩個鐘都處o係降軌上，咁可以少少地做一注好倉，
若果升穿埋三角降軌就最好啦，依家大約o係20250左右。
做淡位仍然係要等穿19880。

即市方面，我真係好耐好耐無用期指了，今日用返，做左一個trade，
今朝做左個小小既上升楔形，目標係20050，跌穿後都無位俾我入，見佢未到目標，上返後抽位先put，30點搏66點嘛。
(20116put，20065平，20146止蝕)
如果下午keep住咁行而升穿降軌，可能都有六七十點食呢 !

依D咁既市，都係DT穩陣.....

8月21日市前分析

大家好 ! 今晚去左睇"低俗喜劇"，真係幾攪笑，如果想開開心心笑一餐既，不妨去睇一睇。:)
今日淨係POST個分鐘圖就算了，因為真係無乜野好講，日升日跌整固，想我講咩呢?!
今日下市開市都仲係唔肯俾位我入，硬係回唔返落去，做唔到，齋望住佢升=.=
之後其實都有個機會入的，不過又因為一D公事又入唔到，始終唔係全職，好多時都會發生依D事.......都無計 !
不過O係依幾日都行左個下降楔形，個通道都唔細添，講緊升穿得有400點升幅，
今日臨收市仲要試多兩次頂，我都諗住如果尾市穿，直頭用期指做好倉過夜，不過無穿就唔做啦 !
聽日降軌O係20130，大陽燭穿，等多五六枝燭唔入返去就可以做好，
或者做左之後以返紅色升軌做止蝕，風險超細，大約100點到，上望20500。
不過暫只FOR即市，如果穿位後會有個較淡圖形出現都要識止賺，我O係研討會都講過，無論你睇幾多，都要有止賺位，應該都明吧...!!!
要穿18800先好做淡呢 !

8月20日午市分析

大家好 ! 今日一開市就急跌，好明顯我個摸底算盤打唔響了 !
由8月開始既成績KEEP住都係浮浮沉沉，一來整固圖好難玩啦，二來成日諗住爆到邊就去過夜，唉......=.= 依家應該係打過和...半個月無進賬....~.~
我差唔多每次都係用牛熊，因為我都知依D圖唔O岩我玩，玩細D~
因期指通常會做兩張，一張保本一張食PROFIT。如果牛熊的話就可以彈性好多，
即市買100K的話可以分返3/1過夜....甚至4/1....咁過夜既風險就大大減少了 !
所以我既小牛小熊真係講緊20~50K架咋 ! 唔好以為我買好大呢 !!!!

今朝一開就試19900，穿左少少又上返，其實正確D黎講應該係19880，即8/1既頂。
都係剛剛先留意到 ! 一定要大陰穿先沽得，但係都係O個句，我想佢升多過跌，
佢升的話先有靚圖，如果唔升，咁我諗要跌穿黑色升軌我先會有信心沽了。
做好都係三角降軌，依家o係20260左右。又或者睇返RSI既下降軌。
反而國企個圖比較弱，睇跌幅都知，比港股跌多0.4%。
看來之前既係後抽了，目標9500。但止蝕又去到好遠下，又唔多化算。
都係DT.....等下次機會......
老實講，中線走勢真係睇唔透，日升日跌，依D圖好難頂=.=

即市方面，今朝升穿個下降楔形，目標係20035，排左call，但排極都入唔到。
先排900，之後排920，都係入唔到就算了，以19880止蝕黎講，依家太遠了，依家唯有睇下下午會唔會有第二個圖形做啦 !

8月20日市前分析

大家好 ! 今晚好夜呢 ! 差D唔記得寫BLOG~~~
皆因好唔舒服....喉嚨KEEP住痛，今日個肚仲要攪下攪下咁....T_T
好辛苦先冷到落床寫BLOG......嗚.......

先講一樣野先，係關於星期五個午市分析的 !
好似有朋友睇到穿140就可以做好，或者係我表達方式有問題吧?!
我意思唔係話穿140做好，而係如果O係當時做好的話，風險只係140點，
用140點風險去摸底搏上20500。

講返圖了，如果要穩穩陣陣做倉，咁就要等了 !
上穿三角降軌做好，降軌大約O係20270吧 ! 做左好倉就以藍色升軌做止蝕，
聽軌會O係20000。如果聽日即市平開，摸唔摸底做就自己決定啦 !
不過都可以睇多兩個指標去做既....
RSI行緊下降通道，MACD亦準備轉牛，只要其中一個指標向好就可以做好倉試試佢喇 !
如果要做淡，就一定要穿19900先做得。我自己比較想佢升，佢升破頂，就即係多隻腳，
咁個圖形就會靚好多，第時做淡都安全好多呢 !

而國企同恆指走勢都差唔多，穿左個小型綠色下降通道，上望9950。
而究竟佢依家係行緊藍色既上升通道打緊後抽?! 定行緊黑色既上升軌呢 ?!
依家確實得個估字。做好既，先以黑色升軌做止蝕吧 ! 大約O係9780。
只要升穿紅色降軌，入返通道，咁就確認係行黑色升軌了。


題外話，我有可能O係不久既將來停止寫BLOG，所以我真心希望大家，
努力去學，去研究，唔好只係睇左就算。
始終無可能永遠睇住我畫既圖去做倉的，點都係自己畫係最好的 !^^

8月17日午市分析

大家好 ! 今日果然高開，尋日走晒D熊都係正確的 ! 嘿嘿
今日上穿左紅色降軌，淡倉要暫時徹退了。
可能會有人諗，日升日跌，坐下實會回返啦 ? 我只能夠講，整固左咁多日，
爆起上黎可能會好急，你估中尤自可，估錯.......可能輸單邊呢  !!!
但如果你係睇中長線既，咁就可以以最頂既三角降軌做止蝕，依家大約o係20270。

大圖仍然係維持長方形，下至19900，上至20300，好難玩。
如果以即市計，今朝上穿左紅色降軌，其實係一條小型下降通道，可以做好，目標係三角降軌，以返藍色升軌做止蝕，大約o係19960。
今日畫o個條藍色新升軌，其實係未確認的，不過如果以依條升軌去畫條平衡線的話，剛剛好可以包到依個升勢既三個頂，即係話，今次會係用140點去摸底做好。
如果今日真係做第二隻腳的話，應該至少可以升到去20500，甚至20900，搏唔搏就大家自己決定了。

國企方面，之前係跌穿左上升通道，但同恆指圖情況一樣，
如果用最底o個三個底做一條升軌，尋日就做多一隻腳。
如果穿埋紅色降軌同入返之前既通道會更加肯定。

依家個市好得意，基本上做好做淡都得咁樣，因為行緊三角形。
但我開始偏向好了 (我本來都仲係大淡友-.-)
原因係，要跌的話，圖形一定會做，o係之前o既圖形唔o岩、同埋依家無圖形底下，要再做圖就一定要再向上升，所以我暫時都係收埋D淡友因子先。
但想穩穩陣陣既當然係穿三角降軌先做啦 !

8月17日市前分析

大家好 ! 今日打風呢，唔知可唔可以維持到聽日呢?!
如果係，就唔洗返工，但又會無市......都唔知想唔想佢打好.....好矛盾...HAHA~~
今日下午拿拿臨出多張國企圖，不過唔知會有幾多人睇得到了 ?!
下午買左隻熊仔，臨尾都走左了，都有十二格，哈哈...
又話過市?! 既然有得賺，又跌唔穿19900，都係唔過啦，四點後仲要升穿下降通道，
第二日仲應該會高開添。不過個通道目標都係20000.....

暫時大圖都係睇兩樣野，一係19900橫線，二係藍色升軌，如果遇藍色軌有彈再吉穿，再穿埋19900，咁就應該確認到大市轉淡了 ! 開淡後便以對上既紅色降軌做止蝕。
要做好，就睇返之前既三角降軌，依家無畫，升返上去先畫返啦，費事個圖攪到咁亂。

國企圖就弱好多了，跌穿上升通道後，目標會係橫線9500左右，都係以返紅線降軌做止蝕。
如果只睇國企去估恆指，恆指跌勢未完呢 !

8月16日即市分析

大家好 !今日又要出去......近期真係好鬼忙-.-
所以出個即市分析~
今朝高開後跌左落黎補裂口再V彈
尋日有個好鬼大既楔形走左出黎，連埋今日個底，都真係幾似!
個目標仲好鬼遠，講緊係390。
20000係止蝕。

張LC走左食三點....LP就輸左7點走左，真係要忍手@@....

個圖仍然係...................好難攪..............=.=


14:39pm.....
補左一張國企圖，今朝講港股上穿下降楔形，但因為個底唔多夠深，我一直都唔敢做。
反而國企既上升通道今日又做得幾靚，所以我都係決定買返兩手熊過三日 (聽日打風的話)
小注宜情 !!!!^o^