2月1日市前分析

大家好 ! 剛剛先返到屋企，頭先食完放題之後痾左條彩虹出黎，想死=.=
寫完分析先會開始覆E-MAIL講有關初班既資料，大家留意了
如果仲有人有興趣既可以E-MAIL俾我，不過其實已經無位了，只係可能有朋友當日黎唔到的話做個替補。(treekc169@hotmail.com)

先講一講小時圖，暫時都仲係無乜變過個格局，要開長倉仲係要等，
但短倉的話可以睇一睇綠線20200，跌穿可小注開淡，目標係黑色降軌若20050左右，
都有唔錯水位架 ! 至於止蝕嘛...暫時都係未有好好既降軌做止蝕，睇埋聽日點行
午市分析時再決定(如果上午跌得穿的話)
要做好倉，都係睇600橫線，上望21000，講到口水都干了....HAHA!!

1月31日午市分析

大家好！今日無圖，因為喺街，尋日尾市靜雞雞做左張好倉，原因係尋日遇支持見有明顯反彈，
不過大家可當我馬後炮啦，反正我真係無講，哈哈！
不過今朝走左了。

尋日我估有不少人做左淡過夜，基於尋日尾段跌得好急，
不過股市無勢頭，跌得再急，遇支持唔穿都會回升，要切記！
做左淡嘅止左未？未的話睇今日穿唔穿20310，
今日唔穿，最好止左先！

我尋日食左轉後，暫時都仲係覺得吉倉等機會好啲，
上穿20600橫線可做好，下穿黑色升軸先好做淡。

另外有興趣報班嘅朋友今晚睇電郵吧！^_^

1月31日市前分析

大家好 ! 今日實在太好了，又係即日穿位，穿330橫線位後最低跌過落2017X添，
到晒目標，本來有諗過KEEP過夜，但諗諗下又係尾市跌穿，都好鬼下，再睇一睇圖，
大家見到嗎? 今日既底部就係之前上升阻力線既位置，到位後出現明顯反彈，
所以我都平晒所有淡倉同熊仔了。要再做淡，一定要跌穿依條線，就可以下望升軌，依家大約O係19900左右，而要真正轉勢，一定要跌穿條升軌先可以，但再對落都有D後抽位，
等到時行到O個度先再講。
至於做左淡倉未走既，上穿返330橫線就走，我估最多輸10~20點，但亦有機會到330係做後抽，之後再向下挑戰升降都未定，目標可先望今日DL，穿左既可望升降19900(隨時間向上)
依家想做好倉都係摸底，有風險，如果做左，咁以返條黑色升軌做止蝕啦。
都係以21000做目標...

1月30日午市分析

大家好 ! 終於見個市識跌，不過唔多，都係一百點左右。
以圖形去睇，暫時變化唔大，睇小時圖都係睇住第一條橫線
跌穿可以做淡，但依個係細位，穿後可能得100點唔夠，目標約20200~20250
最底o個張係下月期指小時圖，可留意RSI剛做三底，穿左的話都可以開淡了。
而暫時未有一條好睇D既降軌做止蝕，所以都要自己衡量風險呢。


而睇日線圖，頂部看來確實被條降軌壓住，所以將來若果升穿都可以做好，
目標睇21000。
先唔講圖，我睇過資金流向都係覺得向下調整機會比較大。
但上次MISS左個機會後都未有大位可以穿，依家仲係調整浪，要食大浪仲係要等。

1月30日市前分析

大家好 ! 星期一我就開始要上班了，真係唔捨得個假T_T
上星期尾市夾上，我最後都係走左張期，輸60點，過WEEK太大風險了。
保留子彈為上........

不過我仍然認為如果吉倉既，暫時都係忍一忍手比較好，因為無論做好或做淡都好大風險
比少少資料大家參考，日線既RSI(9)依家係81，而上年最高係83，如果聽日係升市的話，
應該會做雙頂，會唔會遇雙頂回落呢 ?
加上聽日期結，最好都係等期結後先做野吧。
如果做左好未走既，升市的話可睇600為界，跌穿走人，跌市的話可睇小時圖既小型升軌做止蝕，大約O係20450左右。
如果仲有淡倉O係手，暫時無咩大位可做止蝕位，對上一個大位係21000。
暫時黎睇，最好都係等升穿21000先開好倉，或者等再有多D圖形出黎先做長倉。

班O個度我搵左地方等覆，有消息會電郵給大家了。
另外，我上次O個個FACEBOOK ADDRESS發現自己唔多開
如果想ADD我的話，ADD依個ADDRESS啦，我用開的
felix@wealthera.com.hk

當然，我個FACEBOOK唔係用黎講股票，只係FOR大家如果有問題可以O係FACEBOOK當傾計咁問我!! 或當識多個朋友都得~嘿嘿....

1月27日午市分析

大家好! 今日個市真係升上去20600，強到不得了。
但同我尋日預計一樣，20600應該係短期頂位了。
我諗所有好友都已經平晒倉了吧?! 所以都唔再畫條小型降軌了，因條軌只FOR止蝕用。
而摸唔摸頂就自己決定，如果做左淡的話穿今日DH要走。
日線圖黎睇，暫時係出左個頂部形態，但要睇埋下午點行先決定到，
如果跌穿埋尋日DL20330，就確認係見頂了。

小時圖(我用緊下月期，位置有點不同了)，330有條裂口橫線，下穿後會落210左右，
再穿就講緊170了。但要小心留意住日線圖有條降軌後抽位O係250左右，如果做左淡又跌到依個水平，最好都平左先啦。

我自己O係520沽左張細期，我起唔切身，起得切身600就沽佢了T_T

1月27日市前分析

大家好呢 ! 今日都係悶市，上穿400我都有做好，但見佢又唔係好行，430走左了。
重申多一次，即市既阻力同支持有時係好流的，唔好以為穿位就會即刻有大浪俾你食，
穿細位之後既波數可能只係講緊十零廿點架咋 ! 切記 !

今日POST左三幅圖，先講小時圖。
今日有小小見頂FEEL，唔知真定假 ? 不過尾市RSI跌穿左升軌，開始有D淡味了。
但去唔去摸頂開淡倉就見仁見智，人總是喜歡摸頂的，但摸頂既注碼一定唔可以大，
最多之後確認係轉勢先再加注，以減至最低風險為先。
我覺得現時再升的話，短期頂會係20600左右，水位好少。反而認為調整機會會大D，
而調整幅度我估計最差情況係去到深藍色粗線位置，大約19700左右，之後再彈。
條線會隨時間而上，希望真係到得到，可以俾我入下貨啦，哈哈 !
(記住條線係隨時間而上，每日上200點左右，即係我當佢調整三日已經會上到去20300，
所以未必會跌到落咁深的)

做左好既其實可以睇返藍色粗線先做止蝕，不過如果係最近先入，咁就睇條小型升軌啦，
聽日會同橫線相交，約O係20250左右。

另外今日講一講後市走勢，買正股或有蟹貨O係手既可以留意一下
睇一睇週線圖，升穿左降軌，仲有D圓底FELL，頸線位係20250，以圖形來看後市向好，
計波幅的話，應會上22700左右.... 而對上O個條大降軌，大約O係二月尾左近就會落到22700左右，即係話後市應該會向依個目標進發。
倘若真係行到依個水平，我認為應該要將所有正股都沽出了，因為倘若升唔穿，就會下試返對落兩條升軌，依兩條升軌都各自做左三個底，再試就會穿，到時真正既大熊市就會重現。

而月線圖俾到我既啟示同週線圖都差唔多，所以有正股既大家要留心了。

1月26日午市分析

大家好 !  新既一年第一個交易就就開紅盤，真係恭喜發財了。

不過今日我無睇過個市，因為天氣太凍又太好訓既關係，我十二點先起身....HAHA.....

暫時圖都無乜好睇，升穿左橫線同降軌，目標應該係20600左右，但今朝裂口咁多，

唔追啦。一開就一枝大陰燭跌落黎，最低去到20316，我尋日個分析講降軌位置O係20320左右，會唔會係一個後抽呢?!

做左好既，先要昅實小時圖個RSI升軌，已經做左三底，穿左就可以諗諗提早走人，
但我覺得唔係做淡既時候，因對落有好多支持，除非大裂口，否則即市都幾難行得穿。
如果唔想咁早止，咁都可以睇條小升軌，依家同橫線重疊O係20150左右，穿左先走都得。

分鐘圖20400係牛熊分界，升穿有望再試DH，但跌穿DL的話有機會試返20200~250依D位。

1月26日市前分析

大家好 ! 恭喜發財呀 !
個假期就咁就完左，真係唔係好捨得，哈哈。
我都懶左幾日，聽日開始要攪攪班既野了，我都希望大家可以O係新既一年會有錢賺^^

好了，先講一講圖。
上星期本以為見頂，點知尾十五分鐘抽返上去，仲升穿第一條橫線，
不過第二線橫線同降軌未穿，再加上長假期，所以都唔敢做好住。
橫線位係20250左右，而降軌O係20320左右，如果升得穿，目標就睇20600了。
做左好既，可以以小時圖條小形升軌做止蝕，大約O係20100左右吧，隨時間而上。

睇一睇日線圖，升穿320條降軌後，對上仲有條降軌係20600左右，如果真係都穿埋，
21000應該係今次升浪既終點吧 !?
我相信無咁易穿21000，之前做左兩個大頂，今次如做埋第三個頂，
之後應該要向下整固一翻，等第四個頂先升穿，到時應該會升得好急了，但依D係後話。哈哈..

做淡的話仲係未有位，仲要等，因升左咁耐都無一條靚仔D既升軌出黎。

1月20日午市分析

大家好 ! 今日有事要早點出去，所以提早出分析。
尋晚講過好友目標係150~250，而今日上左150就留左條長長既上影線
已經好有見頂FEEL，所以好友應該食糊了吧?!
今朝我o係大概20100左右食糊，雖然miss左個大浪，都仲有細浪俾我食，算係咁啦。哈哈..

黎緊有長假期，所以我諗吉倉過節會比較好吧 ?!

唔好做好倉過節搏紅盤了，綜觀歐美港股圖都有見頂勢呢。
做唔做淡就自己決定，無意見 !

另外一提，今日係LAST DAY，有興趣參加圖畫班就今日E-MAIL俾我啦
下星期會給大家回覆有關資料 !

先預早O係度向大家拜個年，祝大家恭喜發財，盤滿砵滿，最緊要係....不勞而獲^_^
哈哈...

1月20日市前分析

大家好 ! 今日下午格局都係無變，所以都無乜好講。
有好倉既都係睇20150-20250左右，以850做止賺或止蝕，又或者以紫色上升阻力織做止蝕都得。
仲係未有位做淡，要等。
近日有幾個朋友都問我究竟會彈到邊，佢地都係做左淡，
坦白講，我都唔知，我只知O係咩位入市，咩位走貨，但我唔係先知，每星期波幅點走係無可能預測到的。但依個係大升勢係無可否認，我一直講RSI好，保力加都好，
如果撞正單邊市係可以超買再超超買，只睇依D指標摸頂會死得好慘。
如果真係做左淡又無走既，向上睇兩個位吧，
20150 & 20300，你夠錢頂住既可以睇埋穿唔穿先走，穿左就諗都唔好諗即走了。

炒股最忌唔識止蝕，你守可能守得到俾你翻身，但如果遇著係大單邊，你只會越踩越深，
400點係至高的止蝕點數，多過400點都應該即走。
請各位緊記。

1月19日午市分析

大家好 ! 我既後抽夢又無左了 ! 哈哈哈.....不過個天都算係對我不薄，都唔係大裂口，
今朝都入左牛，嘿嘿。
暫時睇個市真係好強，真係不宜摸頂呢。
做左好既，目標位係小時圖綠色橫線20150左右，我會850做止蝕(或止賺)
如果想睇長遠D，可以以小時圖之前既紫色上升阻力線做止蝕。
暫時無位做淡位，要等個圖行多陣先。
睇返日線圖，如果升穿埋20150的話就會向上挑戰由海嘯前拉落黎既大降，依家大約O係20350，等得穿就不得了了。
不過今次我自己覺得大勢係有力上21000做三頂，當然唔係一枝大陽咁上啦。
唔計中間波幅，應該二月可以吧?! (依個齋估，一切都係依圖行事。HAHA...)

PS. 有興趣上圖畫初班的，明天前要給我電郵了，因我要搵場喇 ! ^_^

1月19日市前分析

大家好 ! 我終於由大陸回來了，唔知各位有無O係升穿420大降加上升阻力線後做好呢 ?!
我發現唔知係個天定係個市唔鍾意我，每當有即市穿位既日子，我都係唔O係度的，
咁就眼白白唔見左二百幾三百點，唉............
不過機會唔會只此一次的，只好好好把握下一次機會吧，我仲看到機會已在我面前了。
哈哈..................

講返圖先，我本來主觀願望係唔穿大降，但主觀願望同客觀事實好多時係相反的，
但你炒股就一定要當自己係機械人，穿位就做好，唔好摸頂...穿左位仲摸乜鬼頂?!
而目標位今日已到，大家有見到日線同小時圖都有條新既黑色降軌O係19750左右(亦即係日線150天線位置)，黎緊要做好，就要升穿依條線先可以做，若果升得穿，將會上20000樓上，到時再睇位啦。
而今日升唔穿，我估佢應該會向下搵支持，而最大可能係去返之前條紫色大降位置，或者會做後抽再向上挑戰黑色降軌都未定呢。
聽日條紫色大降位置約O係19360左右，如果大家想撈底，可以19250為止蝕。
而跌穿19250可以小小地做淡，先睇19140，再向下就係19080左右。
而依家O係中間位的話，即係O係紫色降軌同黑色降軌中間游走的話我係乜都唔會做。
另外早些時候已經講過週線圖好靚，向上機會比較大，而一直都係向上破位，
所以做淡不宜大注，至少要跌穿最底O個條黑色升軌先可以確認轉勢。

P.S. 今日返到落黎收到好多E-MAIL問有關開班既野，暫時睇人數已夠，我會開始搵地方同準備教材了。再提一次，想參加的話請星期五前發E-MAIL俾我預人數。下星期會回覆有關資料。地點應該O係佐敦吧 !

1月17日午市前分析

大家好 ! 因為今日要上大陸團年既關係，所以早少少出分析。
剛剛升穿左橫頂，我O個下都做左好，首目標本應係大降400，但發現陽燭太細，
好似唔係好夠力，所以O係350時已經食左。

如果真係未走既，SET250為止蝕吧。

對上有三條阻力線，大降O係400頭先已講，主觀睇未必升得穿，要穩穩陣陣，最好等升穿三條線並企穩先好做，如果升唔穿，就好大機會暫時見頂。
穿今日DL應可見19060左右。

都係O個句，年近長假，以保存子彈為主要。個市行得好慢，所以有得食好食。

另外開班方面我見想參加既朋友都有E-MAIL俾我了。
如果其他仲有興趣既，最遲請O係今個星期五前E-MAIL俾我話我知等我預人數。
下星期會回覆大家有關資料。

祝大家贏多D^_^

facebook & e-mail address : treekc169@hotmail.com

1月17日市前分析

大家好 ! 今日午後幅圖都無乜點變過 ! 都係長方形格圖，係最悶的。
所以都無乜好講，依家大致同午市分析一樣，
向上穿19070做好，睇後抽位約19170。想要進一步睇好就至少升穿300橫線先得。
向下穿18960做淡，睇後18870橫線，進一步跌穿就睇後抽位18750左右，
如果今次係真跌，唔係後抽，咁就會挑戰大升降550左右。

就黎又有長假期，各大戶基金、炒家都可能收左手唔玩個市，所以個市好可能會行得好慢。
行得慢就好難炒，所以要小心咁炒，要識得忍手。每日以最有把握既一兩次機去搏，
而唔好係唔係都入，最好定個限額俾自己去賺或蝕，依段時間以保存實力為上呢。

1月16日午市分析

大家好 ! 今日個市咁O岩同我星期五打既比如中到應一應呢....哈哈~~
再次發揮線位既神奇了。今日跟自己既分析去TRADE左一次，食左六格熊餅，
之後都無TRADE了.......再睇下點行先算 !

今朝分別試晒兩條橫線都有支持同阻力，咁向上或下穿都可以做。
向上穿070可做好，但只能望後抽位約19150~19160，再上就係19280左右了。
去到19150左右反唔反手摸頂就睇你地搏唔搏了。
下穿18960可再做淡，睇18870，再穿就會到大降後抽位18750左右。
大家睇位做野吧 !

另外，開始收到E-MAIL問我有關開班既野
如果有興趣就聯絡我啦，睇人數OK的話就會攪。
暫時會講以下
- 甚麼是TREND LINE
- 怎樣開始畫
- 圖形
- 點為知穿位，點去避免陷阱
- 一些畫圖以外既炒賣心得

Facebook & Hotmail : treekc169@hotmail.com

1月16日市前分析

大家好 ! 今晚叫做近期黎講早左少少出POST呢 !哈哈
今日試左個底，唔穿，咁就向上試，係好正常既走勢，尤其係講緊大位 !
不過最黑人憎既係打後十五分鐘先黎行埋個走勢趕收工.....大戶..........唉........
外圍依家咁樣，希望無人追入左CALL就好了，因圖形仲係俾條橫頂壓住未升穿，
我睇至少穿上300我先當佢穿。

雖然我仍然係好友，但我O係CHAT ROOM都有講，我覺得要大升，至少要大震一震，
而最壞情況係震到落之前條大降軌位置做後抽，所以如果下星期初會有大跌，對我黎講係好事。人，總是貪心的，總是喜歡摸頂撈底的，嘿......

星期一條紫色小型升軌O係19110左右，對落畫左三條橫線，每條都或許有少許阻力，都可以做目標位，分別係19070，18960，188870，順利穿晒就會落大降約750左右。
如果星期一裂口低開想點追好呢?! 打個比如開19000，當然唔好追住，先睇向上定向下，如果向上行，行到19070有阻力回落並跌穿即日升軌就可以開淡，以19070做止蝕。如果向下行，就睇870有無反彈，反彈後整回再穿就追，以870做止蝕。但無彈的話直插唔係唔追得，只係唔知擺止蝕O係邊，要睇當時個圖點行 ?

而點確認係後抽?! 第一要睇當到後抽位時O個枝燭之後O個枝通常係大陽燭，確定就可以撈。
但撈底係好危險既事，如果當時就收市，動物者唔好搏，分分鐘尾十五分鐘插穿的話就會大跌。

假若聽日唔係跌市，做好都無位，要等....等穿橫頂可以小注....
但向上好空間好細，至少要升穿上升阻力線先可以放大個空間，所以最好等一等。


題外話，近期收到好多電郵，都係問我究竟點樣畫線，係應該由邊一點畫起 ?
點樣睇圖形.................等等等等...............
其實我就咁寫出黎我都唔知點寫好，但我又唔想我畫個圖出黎大家睇唔明，
所以我都係重題開班依樣野...........如果你有興趣既，不妨e-mail俾我。
若有一定人數我會決定去攪，亦會係短期內，但識畫既，唔洗晒錢，
因我只係會講D基本野俾初學者去有個概念 (趕客....haha)

Facebook & Address : treekc169@hotmail.com

1月13日市前分析

大家好呢 ! 突然O係度諗，其實係咪無乜人留意個分析架呢 ?!
無出兩日都無人留言既 ?! 下次試下唔出一個禮拜先 >O<
今日最終睇左醫生，醫生話今年D流感好惡，各位要小心身體喇 !

講返大市，今朝話佢似見頂，最尾都無再上返DH位了，
今朝希望佢O係升軌做多個底，佢又真係臨尾做多個底俾我睇...哈哈 !
即係話依家做淡都有位了，穿條升軌開淡，聽軌FH 19080左右，第一個目標O係綠色橫線18960左右，順利穿埋就睇對落O個條綠線18850左右，若果真係又穿埋就睇返條大降軌了，到時可能會做個後抽都未定............此乃後話 !

而因為剛剛做左個底唔穿既關係，所以聽日還有機會係升市的，做左好未放既，可以睇返升軌軌頂位買，約O係19320。除非你係撈底，否則依家好難講穿咩位可以做好了!!!

1月12日大市分析

大家好 ! 因為身體關係，無出兩日分析，人老了，飲一晚酒就即刻病兩日....唉=.=
暫時睇個市都升得好慢下，不過剛剛已經到左260左右目標位，各位好友食左糊未?!
我D牛就走晒了。黎緊再追牛好似有點高風險了，除非確認升穿晒成個圖形，
當個圖變左形，空間整大左之後，就應該可以上19500，但暫時睇比較難。
而想做淡的話，對落有條小型升軌，最好做多個底再跌穿啦，依個鐘暫時O係19000，咁就可以做淡，目標係18850橫線。

直至依家，剛剛依枝燭好有見頂感覺，所以真係唔好做好住了!!!!

1月10日午市分析

大家好 ! 今日一開市就已經o係18920之上，但好快就回返落黎，之後就係咁磨上磨落，
我尋晚張細期今朝走左了，食得幾十點=.=
依家又點呢 ?

如果今朝開左好倉既話，第一個目標係綠色上升通道先，約o係19160左右，市況可能會係慢慢磨上去吧? 而止蝕或想做淡，有見到RSI升軌嗎? 跌穿就止蝕(或止賺)同可以試下做淡，但目標暫時未有。又或者跌穿綠色橫線CUT(18860)

1月10日市前分析

大家好 ! 今日一個有逆轉，尤跌二百幾變升二百幾，係後抽完又後抽，
O係3點左右剛剛升穿RSI一刻就係大市大升開始，不過我唔得閒，無把握到....唉....

依家對上既應該只淨返一個阻力O係18920，只要升得穿，黎緊應該會去19270左右進發，
再向上就係19500，如果吉倉就望住依個位去做好倉吧

而已近期走勢會唔會有機會落返條黑色降軌做個後抽就不得而知，但穿左的話可能走一走會穩陣D，聽日條軌O係840左右。
而做淡....即市還可以....中長線的話，暫時睇至少下穿200先，或者等多幾枝燭先再諗啦 !

1月9日午市分析

大家好 ! 今日我預計既後抽算盤打唔響，不過見跌穿510都沽左，300放左 !
今日POST上黎既小時圖好鬼花，但只係想俾大家睇睇目前大勢
D紫色線係之前既升降軌，大家可見每穿一次軌，之後都會有約1000點升跌幅，而剛剛穿左升軌，係咪至少要跌落大三角既升軌位置 ?!
開左淡既朋友如果未走，暫時都未有條穩陣既止蝕位，或者先用530左右做企蝕，又或者用RSI穿降軌止蝕!

要做好，只能搏反彈，但好危險的。大位有18220、18000，搏唔搏自己決定吧!
要出到條靚仔D既降軌先有得再做好了!!!暫時都係逄高沽著數!!!

1月9日市前分析

大家好 ! 個假期咁快就過左，真係好唔捨得 !
踏入新一年後，市況仍然幾沉悶，又無乜成交，可能要過埋農曆新年先會好D呢。

先睇日線圖，星期五俾o個條黑色既大降軌頂住左，形成一個好靚既後抽，
而o個條大降軌既反彈會有幾大就真係唔知，但就要記住將來有機會開淡倉的話就要睇實依條軌。

小時圖都一樣，暫時都仲係一個後抽形態，並且升穿返之前條升軌，所以暫時唔好睇淡住。
我o係18700畫左條橫線，照計會有不少阻力，如果遇到位有整固，再即市升穿就可以試下做好。而大位就係條黑色降軌，大約o係18870左右，之後到18900橫線，兩個位都升穿晒的話，就應該上望19100了。另外對落劃左條黑色升軌，可以作為好友既止蝕位，聽日首小時o係18510左右，收市應該會上到580，如果星期五開左好倉既，就算星期一穿止蝕位都應該唔係好傷。而跌穿係咪可以開淡呢?少注還好，最理想係佢做左個底確認條軌有作用先好做。
又或者等佢穿條藍色大降軌先做。我自己覺得向下有好多不明既線位未能確認，所以暫不宜沽，等行多幾枝燭先再決定會比較好，而吉倉想做好的話，可以留意rsi，穿降軌都可以做。
好友目標應該係黑色降軌位置18870左右(隨時間而下)

1月6日午市分析

大家好 ! 今朝做左好超級錯既決定 !
還記得依兩日我講既位，穿700-->650，穿650-->升軌位，穿升軌位-->500。
今日依照晒依條路徑去行，點知我竟然走去650撈底，最後大約580左右cut。
如果我可以當自己係機器無感情就好，
不過每一次摸頂撈底我都只會用好少注碼，因o係支持位入市係一件好危險既事，
一穿位就會急行，所以算係幸運吧。
今日穿左升軌，因要急住放貨而追唔切貨，攪到18520先入到熊，去到480見有反彈，
再睇睇個圖，原來係之前大降軌位置，所以等佢再跌落18500左右賺兩格走人，叫做幫補下。哈哈.........

睇返小時圖，做左淡既要睇住之前條大降軌，穿左可以繼續keep，唔穿的話仲要彈返上之前條升軌就最好走人，即大約18600左右。如果穿左就可以睇360，之後就200了。

要做好，都係要等穿條三頂黑線先 !

1月6日市前分析

大家好呢! 今日下午跌穿升軌後，去左第一條綠線搵到支持再夾上，午後小時圖好似行緊下降楔形，但又唔係好FIRM...不過睇埋最後支燭，應該似係上升平頂三角，利好呢~
連續兩日既18700~18900整固，聽日應該會有方向吧?!

剛剛劃左條新既黑色降軌，原來依條降軌已經做左三頂，假設聽日升得穿可做好，聽日第一個鐘O係18900左右，上望19100。而如果真係升得穿，止蝕一定會擺O係紅色升軌，聽朝第一個鐘O係18550左右，收市應該O係18600...隨時間而上。做淡都係睇住依條線吧 !

到依家為止，我仍然算係好友，雖然入左 1 手熊，不過只係覺得臨市升得好鬼，志在參與。
睇埋週線圖，其實好靚仔，只要聽日唔好收O係18741(20天線)以下，咁就係上年5月1日開始第一次升穿20天線，另外佢升穿左降軌後條下影線剛好似係後抽，所以暫時中長線仍然係睇好。

1月5日午市分析

大家好 !今日睇個分鐘圖好似波幅好大咁，但其實同尋日一樣，都係100點上落，行得太慢了。........

先睇日線圖，依家仲係後抽格局，不過要注意條紅色升軌，今日o係18500左右，而聽日就會上18630左右，如果下穿的話圖形就會變，到時再算吧。

小時圖方面，今日跌唔穿730、700橫線，最可能會上返18900，如果穿位就先望上升阻力線，依家約o係19000~19100左右，水位唔多，一定要破圖先可以有轉變呢。
做左好既都係可以以700做止蝕，另外有兩條升軌，綠色o係18560左右，紅色o係18520左右，最好先注意紅色o個條，因為已經做左三個底，據經驗第四個底就會穿軌，所以做左好既或想做淡都要注意。另外rsi做左三底，穿左都可以開淡，但開淡後最好都係玩即市，想過夜最好有十至廿格o係手先過喇。又或者小小注都得。

分鐘圖即市行緊上升楔形，另外對落有三條橫線，穿左楔形就以依三條橫線做目標了。

最後，先利益公告，今朝用返尋日放左o個一半錢分左兩注入牛，730左右一注，穿790左右一注。穿700止蝕。

1月5日市前分析

大家好呢 ! 今日最後真係跌穿730，但跌穿唔行，仲要加 3 點打後跌穿，去到快收市都唔郁，當然唔好過夜啦 ! 經過多次經驗，即市穿位通常係三點前穿先係真穿，三點後穿俾你睇既十次有八次都係假穿。

就算今日跌左百幾點，我仍然唔會睇得咁淡，因始終依家仲O係升軌裏面，日線圖亦似打後抽，所以英美德股都向上破位，我暫時未搵到睇淡既理由，除非恆指跌穿升軌，否則都唔會睇得太淡。

講返圖先，依家多左條700橫條，穿左的話可以做淡，目標都係650，順利跌穿都係以500為目標或升軌位。而如想做好，可睇返今日分鐘圖既牛熊分界，我懶無POST出黎...哈哈
第一個位係790，第二個位係845左右~

1月4日午市分析

假期後第二日，成交都開始略見起色，D大戶基金開始回位喇吧 ?
今日post左兩幅圖，日線同小時圖，先睇日線。
點解我會比較睇好呢 ? 原因係日線已穿大降軌，剛剛做左個疑以後抽動作，如果今日跌唔返軌裏面，我都認為後市都有幾大機會大升，目標位19200~19300左右。

而日線圖反而唔太好 (真矛盾=.=)，因為今朝俾條線綠色橫線壓住，橫線位大約18930左右，
下個鐘會同上升阻力線重叠，如果能夠一口氣穿上去就好了。
而對落18730左右一條裂口橫線，穿位可做淡，第一目標位係650，順利穿埋就會係500了。

而做左好既(包括我)，18700會係我止蝕位。
做淡止蝕位未有，要睇多幾枝燭睇下點行先。

1月4日市前分析

大家好! 剛開市既第一日就咁過去，得三百幾億成交，班大戶基金仲未放完假嗎...?=.=

大家可以睇到小時圖，本來上個交易日都仲O係軌底，一搵到支持就即刻升上軌頂，
究竟依種只玩裂口既情況仲要維持幾耐呢 ?!
如果要做好，好難做，因為依家O係軌頂，假如聽朝一開就升穿軌頂，另個圖變形，咁就可以再諗下，但依階段受制緊條上升阻力線，所以唔好做好住。
再唔係穿18867(100天線)的話都可以小注試水溫. 同返佢黎做止蝕。
如要做淡，穿今日DL 730都可以做，目標睇650，水位好少，有些少風險。
依家想做淡就要等穿三底升軌，眼看每次破位都會按走勢行一段時間，咁下次等穿升軌時我都係擺佢兩三日LU!!!^^

1月3日市前分析

2012年既第一個交易日，估唔到都仲係咁悶~
今朝第一炮仲要俾輪商食價....今朝因為見個價好近日線50天線，所以入左熊
之後點數雖然有賺，但証價打和.....無計.....o係18780左右走左!!!
懶人的代價...haha!!!

今日個市又係穿裂口後就到目標位咁濟，睇一睇小時圖，依家應該被條紅色阻力線壓位，
下個小時會o係18900，另外rsi亦到頂，所以好可能今日已經係到頂，依家亦係今朝我開淡既原因之一。不過如果想長沽或長渣，未係時候，裂口太大了。
依家未有方向時只好等 !

以日線圖去睇，今日俾條100天線壓住，如果升得穿，可能會考慮牛一牛，但最怕尾市十五分鐘先回返落去，所以玩期指會好一點。

1月3日市前分析

HAPPY NEW YEAR!! 2011年就咁就過去，大家會唔會有個習慣回想一下2011年大家有D咩事發生過架呢 ?! ^^
o係度祝大家新年快樂，財源滾滾，身體健康^^

好 ! 講圖先，小時圖仍然做緊個大三角，剛過去既星期五做左條好靚既三底升軌，
只要聽日一跌穿就可以即刻做淡，聽日第一小時o係370左右，第一目標先200~250吧。
但主觀認為，穿升軌後目標應該o係18000左右。嗯...睇下聽日如果真係跌穿會點行先啦。
止蝕位暫擺o係降軌，首小時o係18500左右，隨時間而下，即最大損失都係百幾點，風險唔大。
而想做好都一樣，升穿降軌可做，最好係遇降軌後先回一回再上啦 !