9月28日午市分析

大家好 ! 今日開市前見IG都升緊百幾，到九點十五分即回，之後仲要低開 !
真係奇怪 !!! 不過尋日無做倉過夜都尚算正確，至少無錯過一個裂口先 !
今日開跌，應該係行埋尋日即市既上升楔形跌幅，但好明顯落返尋日既下降通道降軌就即彈，睇大圖依個後抽當真幾靚添 !
依家如果有好倉既，都係先睇21100，睇短既可以以尋日DL同今日DL做止蝕止賺，睇遠既就用返大圖既黑色升軌做止蝕止賺，都已經去到580了。
依家長線係唔洗該有淡倉的 ! 暫無開淡位。

即市方面，我做左 1 個TRADE，大家可睇即市圖，下穿上升楔形開淡，穿埋上升通道，
目標應該係800~820，我O係822走左了 !
就算今日未到21100目標，我都唔會過夜了，長假期係應該開開心心無牽無掛咁過架嘛^^

今日算係我寫BLOG最後一日了，可能好多人都會諗，即市係咪真係咁西利贏到八九成 ?
所以今日LAST DAY，我POST埋我買賣紀錄，哈哈.....
如果今日下午我有位做TRADE，我都會POST埋出黎 !
本來可以根據依個紀錄去睇入市同平倉時間做下參考，但發現SP同WQ既時間有差別呢~.~

9月28日市前分析

大家好 ! 今日真係勁，下午一口氣就夾上850水平，如果日日都可以行咁快，
咁又何需搏過夜呢 ?! >_<
下午都一直O係街，無做過任何TRADE呢 !
大圖方面，今日終於吉穿左條紅色下降通道，但今次我都無做好倉過夜，
皆因分鐘圖下穿左個上升通道，依D圖形實在太矛盾喇，所以我選擇乜都唔做。
依條上升通道既目標係650左右，而條下降通道目標則係21100左右 !
如果有好倉，聽日又真係跌，咁都係MARK返黑色升軌做止蝕啦 !
如果有淡倉，上穿今日DH就走 !!!

9月27日午市分析

大家好 ! 今日遲左少少起身，差D出事....
今日AO開20400，我睇到O個時已經開左市，之後一直夾，真係頭也不回..
最後O係20505食左，食少左100點.....大戶好野XOX...

今朝出左去見客，成朝無做過TRADE，所以即市唔講喇 !
講大圖啦 !今日裂口低開，尋晚畫O個條即市大降軌就成立，仲做埋楔形，
今朝向上穿位後，目標大約係20850左右，咁就好有可能借勢吉穿埋紅色旗形，
所以形勢確實向好呢 !
當上穿紅色降軌後，如無意外會上穿埋20900，咁之後黑色上升虛線就會係將來開淡倉既位，亦係好倉既止蝕位了。
而如果做左好既，先睇850，止蝕係今日DL20400，我會偏向落返550左右先CALL呢 !
又或者佢上穿紅色降軌先CALL都未定 !
反正方向就係咁，大家參考一下吧 !

明天係我寫POST既最後一天了 !!T_T

9月27日市前分析

大家好 ! 今晚趕住去飲喜酒，之後仲要去我朋友度幫佢整電腦，都唔知返唔返到屋企 ?
所以拿拿臨寫左分析先。
今日即市悶到九彩，可以得二三十點波幅，可以休息一下 !!!
但尾市吉穿左即日既升軌，又見打唔反入通道，所以都膽粗粗put左一張期指。
本來我話LONG兩邊，但睇返D權都要三十幾點，我又睇目標只係20400，即係應該唔會大插，更加唔會睇大升啦 ! 所以都係放棄LONG兩邊了。

大圖仍然維持204既目標先，如果係之前穿楔形、又或者係星期二既過夜倉，可以以今日DH做止賺呢 ! 止蝕都係同一個位。即市圖我畫左條大降軌，如果聽日裂口低開，亦可用依條線做止賺吧 !
暫未有位做好，20500做左平底，至少要向下吉穿先會見做好倉既位呢 !
而依個平底三角跌穿的話有機會見20150~20200.....
但記住，有目標之餘都要set住止賺呢 ! 安全至上....

9月26日午市分析

大家好 ! 今日黎個裂口跌，先恭喜有淡倉既朋友呢 !
今日即市無得玩，所以直接睇大圖。
上升楔形目標無變，都仲係20400左右，有淡倉既朋友，皆因無降軌做到止賺，
所以可以先搵650做止賺，650係6/24升前既一個調整底，唔上穿的話可以望到400，
但用平衡線畫左一條下阻線，如果真係跌落去，有可能會比條下阻線所制。

只要下穿500，上穿紅色降軌做就可以做好 !
直覺話我知今日調整係想做升浪既第二隻腳，所以到目標後最好走淡喇 !
第二張係現貨圖，同期指圖唔同既係，佢一個目標都未到的，所以我認為應仲有水位跌多浸，但係依家先黎追就自行定個自己能承受既止蝕位，因為紅降都好遠下 ......

同場加映尋晚既道指圖，尋晚道指好炒到非常，行得又快，圖又清晰，
不過尋日都係玩緊PAPER，未用真彈住。 :)
依家POST張圖出黎俾大家參考一下 !

9月26日市前分析

大家好 ! 今日買左FIFA13，所以早D出分析，之後快快樂樂打機去^O^

今日即市真係悶到抽根，690~720既波幅，完全無圖形可言，
可能真係因為期結既關係吧 ! 今日無做過夜倉，都係安心打機好D，哈哈...
大圖都無乜野好講，值得關注既係MACD剛轉熊，不過經驗得知，臨尾一粒鐘先轉熊好似唔多可靠，如果聽日高開，分分鐘仲黎個牛差添....
確實真係無乜位可以做到長倉，但聽日係最後一日，如果聽日都係咁悶，不妨尾市LONG兩邊，搏下期結當日爆邊都好 !....

有淡倉既，最遲穿209都好走了，有好倉既，睇你承受到幾多風險，因為未有升軌，但依家仲O係三角降軌之上，仍屬強勢 !!

9月25日午市分析

大家好 ! 今日平開，我張淡倉真係叫執返身彩。今朝有吉穿過下條降軌，
不過我擺左尋日DH做止蝕，幸好無穿。而吉穿降軌後唔洗三分鐘就實燭落返黎，
咁就証明條軌無用，又無左個做好倉既位了。
所以依家要做好，真係要等，等個靚D既圖形出黎先有得做 !
如果睇返小時圖，仲係好似做緊穿楔形後既後抽整固，而MACD亦想轉熊呢 !

尋晚過夜淡倉我O係705走左，因為即市穿左降軌，亦都O係704做左張好倉，睇735，擺左684點止蝕，因睇得太短，止蝕都擺近D。

今日可能加多張20400LP，當買大細呢 ! :)

6月25日市前分析

大家好 ! 今朝張LP食左10點走左，話升左 4 成會好聽D，哈哈 !
今朝講o個條上升通道，下午一開市無耐就穿左，我話條通道有 100 點
佢由後抽位774到今日DL673，真係剛好 100點架..........哈哈 (吹水咁吹...)
即市我做得一個trade，見佢穿左通道，所以o係760沽左，中途要同老細開會，所以set左810止蝕就無理過佢了，驚左成個鐘，出返黎700走左，只係為抒緩一下壓力，哈哈。
依條通道目標係650。
最後我沽左一張期指過夜，事實係...我O係760係沽兩張，無為意只係平左一張，所以..............
願天主保佑..............@@
另外做左張LP204，依張就有心做既，不嬲都諗住只用權過夜...點知依家又權又期...-.-

大圖又點呢 ? 今日到左第一個後抽目標後，上返穿楔形位置再落，目標係20400左右，
如果同我一樣沽左過夜，就用返紅色降軌做止蝕，依家紅降O係20790左右，
對我黎講，只要唔係大裂口，依個TRADE都係穩賺的。
如果聽日係裂口跌，但又唔到目標，可用分鐘圖既黑色虛線做止賺先。
若果聽日夾穿紅色降軌就可以做好，以返小時圖既黑色升軌做止蝕，穿降軌後如無意外會上穿20900，可能會夾上21200呢 !

9月24日文字分析

大家好！唔知係咪我阿媽㮩鬼左我屋企電腦，五分鐘前仲連到，依家已經連唔返了：（

我只好只用文字，靠大家既想像力了！
今朝一開好快就到第一個目標205（20508差8點，當到啦），依家夾返上去，行左條上升通道出黎，條通道約有一百點幅度，大家可注意一下！
另外今日DH除左係上升通道頂之外，亦都係一條下降軌位置，係由20900開始拉落黎的，如果想睇遠啲，稍後穿上升通道後開淡食，以返依條降軌做止蝕，下望20400左右！唔再睇203住了！

若想做好，留意穿降軌後形態後再決定吧！

9月24日市前分析

大家好 ! 今晚好夜先返到屋企，走左去睇甜戲...@_@
一套幾好笑的甜戲啦..HAHA!!
講返大市先，星期五下午個市真係幾乖，一開市就夾上去做條升軌，
仲尾市到埋即市既楔形目標。
有時我O係度諗，楔形目標依個技巧係我獨家定有好多人都會識架呢 ?!
雖然唔係次次都成功，但每次以少搏大，我相信贏面一定大好多 ! 只要你敢贏....~~

即市我都唔係一注玩晒，都分左好幾個TRADE，不過好眼訓，唔畫出黎喇，
反正即市個大方向叫無錯啦 ! 無上穿209，又真係出升軌同埋跌得落 ~~~
大市方面，O係穿左楔形後，當星期五O個個係後抽，目標就落到20500了。
如果穿20500就應會落20300補裂口。
若果有朋友沽左過夜，可睇返紅色降軌做止蝕，最遲係穿20900要走。
我自己就做左張LP，25點刀仔据大樹，亦叫做唔敢玩咁大...
本來有諗過沽一張期指過夜的，但尾市同星期四尾市一樣，臨尾行左條下降通道，
所以都係小注怡情呢 !

暫時仲未有位做好，所以最好佢真係跌落去203，出返條靚D既降軌先有位做好，
同時可能為依個升浪做多隻腳呢 !

9月21日文字分析

大家好，今日連圖都無，因為連唔到屋企部腦！但今朝裂口穿下降通道，淡倉應要先行徹退了！但只要唔係好遲入，都應該有幾十點執下吧？

現時上返穿位位置現阻力，有機會行楔形嘅後抽都唔定，但做唔做倉都幾考膽量，因為依家沽的話無降軌俾你止，最好係下午行條升軌出黎做個平台。
你夠膽即市沽，就以209做止蝕，短嘅或可用830，今日830都看似有點阻力呢！

對上無咩線位可以用黎做好倉呢！

暫時吉倉中！

9月21日市前分析

大家好 ! 今日無寫午市分析，因為今朝有客上黎，開左成日會，無辦法呢 ~.~
不過大家都要開始習慣了，因我寫埋下星期就會暫停唔寫住架喇 !
之後會唔會再寫返就將來先再算啦 !

今日一個單邊跌市，睇返我尋晚畫既升軌，跌穿後至少要cut好倉呢 !
之後我都等左一陣，見個圖形像像地就開張LONG PUT玩下，其實睇現貨圖係最靚的，
打埋後抽先插。張LP依家KEEP左過夜，唔敢KEEP期指了 !
如果有淡倉O係手既，就可以先以即市圖既降軌做止賺 (除非係大裂口，否則點都係賺緊吧 ?)
而向下望20480既裂口橫線，穿埋就應該見20300橫線了 !
而依個浪如果用期指圖去畫，目標應該係20450左右，但如果用現貨去畫就係20300。
如果一直都唔穿止賺線而落到去20300，當然係走左佢先最好啦 !!!
想做好 !要等降軌出黎，未有位 !

9月20日市前分析

大家好 ! 今日急升完一輪之後個市企左O係度，下午都真係有夠悶呢 !
今日吉倉，食左百幾點夠飽了 :)
先睇大市，今日收O係上升通道之上，不過未試位唔知有無支持，
如果有好倉O係手既朋友，暫時都可以以依條上升線做止賺止蝕，又或者可用新畫既黑色升軌去做。如果到位見有彈再插穿，即市可以沽。穿左先再睇目標啦 !
即市既位係好難O係分析預早講...=.=
聽日條黑色升軌O係800左右。
但依家仲係強勢，所以想沽的話要步步為營呢 !

今日上午張好倉O係穿升軌位置倉左，依家做D TRADE真係寧願食少D，都要MARK實止賺去做，怕怕呢。
下午做左兩個TRADE。
1. 上穿下降楔形，拉條升軌做止賺。
2. 去返就到止蝕位再CALL，可以HIT到止蝕，一掂降軌即彈，仲到埋目標 !
咁低CALL就應該睇埋條降軌位先CUT啦......真係蠢左 ! >O<

9月19日午市分析

大家好 !今日開市都幾悶，但中段發力急升，仲升穿埋上升阻力線，所以尋晚講唔好摸頂沽就係咁解，因為係可以向上破圖的。
依家對上一條橫線20880係裂口橫線，再上穿我都唔知會見咩位了 !
我一直都講對上無乜大位穿左好做，所以先keep住DT。
即市圖方面反而可以睇到下，先講今日D TRADE先，做左兩個TRADE，
一輸一贏。
1. 下穿上升楔形，705PUT，725止蝕
2. 上穿750平頂，不過依枝燭無得追的，只能等佢落返黎，當時畫一條升軌做止蝕，
擺左768CALL，708止蝕，之後KEEP住升，我已經擺左止賺O係830，
如果再升高D就會以小時圖既上升阻力線做止賺。
另外穿位後我都入多張LC214，暫時都係睇21000，如果今日上21000就應該唔會過夜了。

750係平頂我相信應該好多人都見到，
依個平頂三角應可去到21000的 (由底部20487開始計)
但如果依家先黎追就好似有點遲了 ~~~

9月19日市前分析

大家好 ! 今日好累，長話短說。
下午即市做左兩個TRADE
第一個因為要趕住出去食飯，所以早走左 ! 不過我當穿降軌平倉都係差唔多位置
第二個其實目標係620，但因只做左一張，又無得保本，所以用返DT1講既止賺方法食左算 !

大市方面，依家雖然貼住通道頂，但唔代表要睇淡的，因為仍然可以向上破。
依家暫時都仲係整固圖，確實無乜野好做 !
繼續等啦 !

9月18日午市分析

大家好 ! 今日又係磨市日 ! 如果食浪下下都玩裂口咁點算好T_T唉...
即市今日暫時叫做cover返尋日既損失，不過真係好少，得o個21點 !
但keep住今日既trade唔洗輸就可以了，少少都要食 !
第一個trade係我估佢係做上升楔形，但入返通道後一係止蝕位走，一係落返黎搵位走，
有得執都叫好了 !
第二個trade係想食頭肩頂，用右肩肩頂做止蝕，睇650的，但穿降軌都係食左佢了 !

大圖方面，都係無乜野睇，講真都幾頂下，用對落既上升軌畫一條平衡線，依家好可能會受制依條通道，對上水位真係唔多，所以做好都要小心 !
跌穿20500就應該會補裂口見20320，再落就會係20200，所以都係繼續等呢 !!!

9月18日市前分析

大家好 ! 今日請容許我只講即市，因為大圖真係無野講。
今日超悶，日線收十字星，整固格，訓著咁濟 !

午後無我預期既跌市，反而仲要上去HIT到我止蝕，
不過我真係入得好差，本來輸40點變左輸60點，
之後再上到去升軌位置做左隻腳，亦見止蝕位係737，
所以我決定俾多廿點止蝕佢，717PUT，如果依個TRADE都係輸的話今日就會收手了 !
最後幸好俾我等到，不過O係670 平左，最後今日埋單都要輸13點，
近期D度目標時有時無，所以最穩陣都係SET住止賺呢 !

尾市都係做左LC210 / LP202 玩下 !
如果無裂口就唯有走啦 !
大方向......仍然等待中........

9月17日午市分析

大家好 ! 今日高開穿左上升阻力線，但尋晚分析講係希望佢可以o係線上做一隻腳先call，
所以當時我等多一個鐘，睇一睇枝燭咩形態先會決定做唔做好 !
最後大家都見第二枝燭落返黎，咁可以唔洗做了 !

即市暫時做左一個trade，依個trade心急左，我應該係等670~675先沽的，
不過650就走去沽左，睇560。
對上有條降軌可以做止蝕，又或者mark710做止蝕吧 !

大國無乜好睇 ! 如果跌穿裂口橫線，即市可做淡，食返個裂口都好 !!!
要想做好嗎 ? 現階段睇最好向下整固一陣先會有位做 !

9月17日市前分析

大家好 ! 近依幾日，新聞都不斷播中日既事，星期日國內仲有成八十幾個地區有大型示威，
確實我都好討厭日本買島既行為，但市民未打日本仔，先打自己人(公安、武警)，
係咪有點不智呢!?我諗緊當美國佬同日本仔見到中國人自己打自己，會唔會O係度笑緊....?=.=
希望中國人可以理智一點，槍口要對外呢 !!!
不過亦希望事件可以盡快平息，我唔想見到打仗呢 ! T_T

講返股市先，星期五寫左要留意上升阻力線，而當中就係依條線限制左即市既升幅，
之不過就咁睇IG同ADR，星期一就有可能會穿。
穿左的話，只要見到有腳留O係軌上就可以CALL，上升阻力線則用黎做止賺止蝕。
上望裂口頂20880。 (不過都係DT最穩陣)
我就算做長倉過夜，都只會用權，若果佢真係一個單邊升市，再加上依家月中，用權比期指著數同埋風險比較細呢 !
但就算唔係高開，都係唔好亂沽住，因為只要仲係O係紅色降軌上，都係強勢，
我O係依度事先講一下，如果有一日個市急插，仲要插穿20000，但又插唔穿條紅降，千祈唔好做淡過夜，因為有可能只係後抽 ! 總之O係紅降之上就唔好沽過夜啦 !

睇一睇現時大勢 (週線)，要留意住條黑色降軌，如果有一日升穿黑降，就好大機會係行緊藍色上升通道，而通道頂係講緊28000~29000，即係話只要升得穿，就好大機會牛市重臨。
當然最好係升穿前整固一下先啦 !
但如果升唔穿，即熊市未完 !

另外，我睇左好多正股圖，基本上都係向上破左位，但我仍然會等一等，
等到成個圖行得清晰D先再算。
雖然我之前確實係睇到好淡，但圖形每日都O係度變，我都控制唔到。
依家真係唔好亂做淡呢 !

9月14日午市分析

大家好 ! 美國佬真係CF痕走去出QE，我真係唔敢想像明年既物價會點=.=
今日高開400點，張LONG PUT晨早走左了，LONG CALL仲O係度，仲加多張LC210添。

今朝上穿左543裂口橫線，正常黎計會補裂口，但要注意上升阻力線，
著實水位唔係好多，有得食好食呢 ! 我都O係594止賺左了 !

長線黎講都係等 ! 無論佢升幾多都要等 !
一來依家升左咁多，二來就就到上升通道頂，三來之前既大楔形仲未破圖。
無圖形的話唔敢做長線呢 !
所以都係KEEP DT算啦 !
當然如果你想食依個裂口的話，定返540做止蝕都得 !

9月14日市前分析

大家好 ! 今日下午個市其實好好炒，不過一個大意，攪到今日就算食到個跌浪都要輸40蚊 =.=
講左即市先
1. 今朝講O個個TRADE要輸啦 ! 其實依個TRADE蠢左，因為無睇到5分鐘畫既好倉止賺位，1分鐘圖一HIT到條升軌即彈，不過止蝕左先黎睇到有鬼用=.=
(126CALL，145止蝕)
2. 依個TRADE係畫到一條上升阻力線，之後見RSI穿左升軌偷步做既，我都係擺30點止蝕，
即上穿楔形阻力線就會走，幸好無穿啦 ! 之後一路跌，跌穿埋三底升軌、即日升軌，條一條降軌做止賺
(156PUT，095平)
3. 穿止賺位諗位會乘勢夾返上去做後抽，點知無做，依個TRADE都要輸呢...
(090CALL，070止蝕)
可能好奇怪我應該仲有20點贏，點解我話仲要輸呢 ? 因為O係第一個TRADE我SET止蝕時按左SET錯野，按左平倉....之後又做返又止蝕，攪到双重損失，真係好大意=.=

大圖方面，其實都唔係大圖喇，都係5分鐘圖...
今日穿左一條三底升軌，依個楔形可以睇到19800，今日DH止蝕。
不過我都唔敢亂用期指過夜，
同埋今晚議息，陣間美國佬真係CF痕出QE3真係對住佢笑喇 !
再加上仍然係收O係小時圖紅降之上，所以都係繼續LONG兩邊。
不過跌的話會有著數D，因為張LONG PUT選得比較近，而張CALL買得遠少少，
跌就應該穩賺，但升的話最好升夠6-700點啦 !!!HAHA.....

9月13日午市分析

大家好 ! 今日平開，激死我 ! o個兩張權再擺多日 !!!
因好似話今日美國佬議息....希望有架摩托出現啦 ^^

即市做左一個trade，o係124put左，依家過左市，今次係20點搏54點呢 !
不過睇埋5分鐘圖，尋晚話好倉用黎止賺用既升軌已經好近，但未試位都唔肯定有無用，
如果確認左有用的話，今個升浪可能暫時完結都未定 ! 當然最好跌穿埋條紅色大降軌啦 !
一切都要睇穿後咩形態先可以作準。

暫時大方向未有，繼續等待 !

9月13日市前分析

大家好 ! 今日差唔多一整日都無炒過，三點返到公司先開始睇，
之後CALL左張好倉，點知四點後突然一枝大陰燭插落黎，SET左止賺都放唔到，
同一時間同事RESET個ROUTER，連網都上唔到，上到後又上唔返SP........
唉........O個一刻個心真係亂到唔識講，唯有用電話放盤，本來贏緊變倒輸80點，
黑到呢............=.=

小時圖方面，今日都叫企左O係紅降上面，不過我最後決定LONG兩邊，搏爆邊 ! 哈哈...
依家比較怕係上面出左一條上升阻力線，所以唔敢單做好 !
我畫左兩條升軌，比較斜O個條可以用黎做止賺，而對落O個條如果試一試位有彈，就會係開淡倉位，依家大約O係840左右啦 ! O係未破位前，都不宜摸頂住呢 !

9月12日午市分析

大家好！今朝又喺街，所以只好用唉風出post啦！今朝高開二百幾，張LC升左60%，賺左80點平左了！為何呢？
雖然今日上穿紅色降軌，但因為裂口穿嘅關係，無試過位，所以依條軌仲有待觀察，而大家亦可見5分鐘圖我用平衡線畫左條上升阻力線，見今朝都就到頂咁濟，食左佢算！

上午無做過trade，睇埋下午點走先決定會唔會再入張權過下夜！企得喺紅降上收都可能會做返張LC呢！

9月12日市前分析

大家好 ! 今日對我黎講簡直驚濤駭浪，因為朝早兩個TRADE加埋要輸成 57 點，
幸好下午有個大浪，不過我食唔晒，因為輸緊咁多，有得打和算偷笑，
下午一個TRADE搵返65點，O係目標位平，扣埋手續費當打和啦 !
臨尾十秒做左張LONG CALL過夜，皆因見佢穿左依兩日既降軌，依條降軌做左三頂不特止，仲打埋後抽添，我搏佢今日升穿調整浪做第二隻腳，所以決定LC過夜。
如果聽日升高過19948，小時圖畫既小升軌就可以用黎做止蝕或止賺，甚至可以用黎做開淡倉既升軌添 ! 不過如果低開既話都係用返同一條升軌做止蝕啦 !
對上降軌O係20060左右，睇下到位後會唔會回一回再穿，如果係咁做的話就可以做好 !
暫時我LC & LP都有O係手呢 ! 嘿....

我已經同左自己講，只用權去做過夜，過夜都係小注的好 !

9月11日午市分析

大家好 ! 今日小小低開，之後KEEP住悶局，好想訓 ! 哈哈...
今日即市暫時輸緊 20 點，平時我只係玩上升下降楔形或通道，今朝走左去破戒玩三角，一破戒就要輸了，止蝕仲要止遲左，攪到輸多幾點，唉...
之後o係728反左手CALL，本來睇810，但依家D目標位都幾多同幾亂，陣間有得head就會推前止賺去食左去算喇，又或者有20點以上都食，起碼打返和先 !
今日個即市圖比較核酸，所以暫時只用 1 張去做，睇埋下午點行先 !

日線圖仍然係受制rsi既後抽位，但正常黎計應該係直落，如果rsi再夾返上去就有可能要破圖了。不過大方向未出，要耐心少少等圖形呢 !

9月11日市前分析

大家好 ! 今日差D唔記得出POST，掛住睇電視 ! HAHA~~~
今日即市其實幾好玩，如果決定果斷D，今日應該可以食到200點....>O<
今早講個楔形目標位有兩個，分別係796、782，去到兩個目標位置都見到有反彈，
780更加係今日DL添，圖形既目標位真係不容忽視呢 !
不過我O係見794後升穿我止賺位815就走左LU。
之後行左個下降楔形，諗住等落返808做後抽時入，點一直都唔落返黎。
食唔到依個浪都無辦法...=.=

日線方面，暫時都係受制RSI後抽位所以有少許回落，O係依段時間想做長倉的話，就睇你搏唔搏O個二百零點風險了，依家紅色降軌O係20080左右，升得穿就應該會穿埋RSI後抽位，但升唔穿就會KEEP住向下行，依家好有估市味道，如果我係吉倉就由佢。(不過仲有LP，所以我想佢跌多:)
總之大方向未明確，睇唔到D咩...@@

9月10日午市分析

大家好 ! 今日高開後便一直回返落黎，還好o係回落前做左個上升楔形俾我上車 !!!嘿嘿...
講左即市先啦 !
都係o係幅圖度寫晒咁多樣野，唔知會唔會有人覺得為左o個幾十點攪咁多野好無謂 ?
哈哈.....對我黎講，想搵錢就要咁架喇 !
依個trade本來我係擺908put的，擺DH止蝕都要40點。當佢10:17跌左落去彈返上黎時我就覺得整個圖已成立。但點解900開PUT呢 ?本來40點止蝕我已經覺得好多了，但又分分鐘上唔到908俾我開，如果900開的話要50點止蝕就跟加唔洗講，所以當期時我一直睇緊可以搵邊一點做止蝕? 最後我決定搵做DH之後既第一枝調整燭頂做止蝕，即係926，俾多四點佢都係930，30點止蝕接受得到，咁就O係900做左淡了 ! (唔知大家明唔明我講乜呢...?@@)
958走左一張保本，另一張等穿降軌走，向下目標係796、782.....

日線圖方面，我話睇埋個RSI點行，今日到左位，有少少回吐，不過我都唔會加沽了，
因為淨睇圖表真係睇唔透，張LP反正都係得返幾十點就擺下佢啦 !
大方向未明 ! 唔會加做過夜倉住。

題外話 : 我O係上個星期三開始幫自己做個DT統計，以前係無做開的，不過發現做左真係清晰D，貪得意POST上黎俾大家睇下我近依幾日既戰績 ! (不過真實性無從跟據，你當我吹水都得 ! 哈哈....)
PS. 每個TRADE都係做兩張的。