2月29日午市分析

大家好呢 ! 今日我除左平左尋日張錯盤輸左幾十點之外就無做過TRADE，因為無圖形，
到下午有可能會開倉，但願唔會好似今朝咁咁橫行就好了。

今日POST左兩張圖，即月同下月。尋日畫O個條藍色降軌向上移多個頂，點解 ?
因為係用藍色阻力線去畫條平衡線出黎的，今朝第一枝竹既頂位剛剛TOUCH到條線，
所以暫時當佢係吧! 而今日DL就一條 X 線，o係課堂度教過啦。
依家睇黎主要係以做好為主，做左好，先以黑色 x 線做止蝕，即月圖下個鐘大約係21500左右，上望綠線位約750左右。
吉倉的話，依家係中間位我唔會搏住了，我應該會先睇下月圖上穿710綠線先開好倉，上望應該係22000了，止蝕一樣。
最好兩個圖都穿晒先做。

而做淡的話要等，下穿黑線都未必做得淡，除非做多個底。
另外最底見到有條紫色既 X 線嗎 ? 剛好同枝長腳touch，依條線暫時可用作牛熊分界，所以暫時要做淡的話只能昅實依條線了。

2月28日市前分析

大家好 ! 首先都要講句恭喜先得，下午個市一開就穿左三頂降軌，之後就一路夾上去，
係自己衰定力唔夠434平左， 最頂仲穿埋降軌，不過我無過夜，點解?! 因為又係O個句，臨收市先穿黎俾你睇，好有陷阱FEEL~ 加上由300夾上黎都食夠了吧 !?
不過，臨尾一個錯盤，攪到沽左張期過夜，依家都幾驚T_T

講返圖先，暫時升完一浪，又要再得圖形，我感覺想做旗形向上爆，所以黎緊有可能係少少向下整固。今日下午降軌已破，但無再夾上去，咁就要睇聽日點開了，如果聽日係低開，最好低開好多，咁上一個頂同今日個頂就可以做條頂線，穿左call，但如果高開的話，咁我應該會睇埋上午點行先再作決定。
所以聽日無論高開定低開，我都會平左張淡倉佢，因為係我預料之外既倉，我唔識睇位做。
而如果要開倉，都係一個字，等!!!!!

2月28日午市分析

大家好 ! 尋日唔一味睇淡，食左熊仔真是對的，今日高開過百，亦恭喜尋日食左淡倉既朋友啦。但就算未走淡倉既，依家都叫做HEAD緊幾十點。
今朝O係尋晚畫既降軌試多個頂，睇黎如果陣間升穿都可以試下開一開好倉，
不過如果穿左唔點行，就要食到就食了，或者穿返入降軌都可能要走，陣間O個個鐘O係21320左右，先上望黑色升軌位置，第一個鐘O係21400，入得返黑色升軌，就應該向上試大降約21550，最好情況係O係大降做多個頂啦 !如果做多個頂再升穿就發達了...嘿嘿....

而做淡的話，如果下午唔穿藍色降軌都可以做，升穿走人。
都係講緊可能三四十點既風險，當然先下望尋日DL21000啦。
最底我畫左條虛線，依家圖形有機會係行緊依條下降通道，但未CFM的，
但畫出黎係想大家有個心理準備，如果跌到若干位置，淡倉就要準備食糊了。

2月28日市前分析

大家好 ! 今日大家有無食得到依個咁急既跌浪?! 有的話就恭喜晒了 !
雖然今日上午張好倉輸左我八十點，但當佢穿360時拿拿臨入左隻熊，
點解係熊?! 因為我知道依個浪一定係急亦勁，牛熊槓桿大可以食多好多，
不過最後皆因食價關係，我都係食得十五格，但比玩期賺得多，哈哈 !^^

不過我都無過夜，因為今日到晒目標，下月期仲要一掂21000即彈，所以熊仔平左，
依家穿左位係咪會有大跌呢 !? 我睇又未必，因對落仲有線位，恆指依然強勢，
暫時吉倉既都唔好做倉住，今日食完個大浪就抖下啦，因為要等個圖再行下先好決定。
假若你真係睇得好淡，穿最斜O個條藍色降軌好走了。依家條條軌都係做得兩個頂或底，所以最好等下先了。

大家不妨諗一諗，其實每個月總有兩三次依D即日穿大位急行既情況(就算係今朝穿位都升左近百點)，所以只要把握到依幾次就已經好夠，唔需要日日都入市的，你肯去等的話，我覺得股市係100%穩賺的 ! 雖然無可能每個TRADE都賺，但圍大數其實無得輸，最緊要係風險既管理同嚴守止蝕。

2月27日午市分析

大家好 ! 今日再試條升軌，尋晚我講係370，今日最底見355，有15點相差，所以我成日都講數字穿圖形唔穿係無用，因為升降軌只要畫高畫低0.1cm，都可以出現10~20點偏差。
今日o係依條軌做多個底再夾上，夾穿埋條小型升軌，吉穿過580橫線，可惜企唔穩同一枝燭就跌返落黎，最後做左兩隻腳，可能係後抽，所以最後我都o係460左右開多張好倉 (其實上星期五都有張好倉過左week，今日早上已經止賺左)，跌穿升軌止蝕，依家大約o係21400，但反手的話應會跌穿紫色線先開，因剛好係日線10天線位，約21360。
近期都係升升跌跌咁，整固圖最好都係有得食好食。
keep住mark止賺位去做trade會安全好多。

2月27日市前分析

大家好呢 ! 又係O個句...假期永遠都係過得好快的。T_T
睇返外圍，聽日睇黎都係牛牛皮皮咁 ! 究竟會唔會O係期結前都一直係咁呢 ?!

睇返圖先，依家個空間越黎越細，即市穿升降軌都可以做好或做淡，破位後以相對O個條升降軌做止蝕，蝕極都係講緊100點左右，風險唔大。
聽日第一個鐘升軌O係21370左右，而降軌則O係21480左右。
做好後先上望580，穿到的話就上望700了。
而做左淡的話 先下望啡色升軌260左右，如果順利跌穿埋的話，就應該要落返去21000依D位置了。

2月24日午市分析

大家好.....今日個市持續淡靜，今日高開，差唔多已經係DH了，係俾前日兩個頂既降軌頂住，睇分鐘圖會清楚好多。
而今日既DL就剛剛好係大升軌所在，其實依條升軌我畫左好多次，之前一直都好唔肯定用邊個底去做 ? 依家依條叫做做左四個底，所以先用依條做開淡倉既位吧。
下個鐘O係21330，但小心對落仲有條線位21270左右，但如果想做長倉的話就真係唔係好建議住，除非破位後有好多點HEAD住，否則最好吉倉。目標先睇21100。
因對落真係太多線位了。而如果即市穿位收市而收市收返入通道內就可能要走左先。

要做好都可以睇藍線升軌，大約21500左右，之後再睇穿唔穿21585紅線，
線得到就應可見21700了。

2月24日市前分析 + DT

大家好 ! 今日下午無乜點玩過，一來做野，二來做左兩個錯盤輸左60點太激氣，所以唔玩。
事源我大部份買賣都有SET止蝕，止賺就未必會。而依兩個錯盤就係我SET左止賺同止蝕，止賺到左就放貨啦 ，但無取消止蝕，一到位就幫我入，真係激到我...........!@#$!$

講返大市先，今日無乜點郁過，係尾段15分鐘穿過下條小型降軌，不過好快就遇橫底彈返上黎，咁睇黎條線都幾弱雞下。不過整固圖就係咁，升下跌下，所以長倉真係暫時不宜，真係要忍下手等下先 ! 基於圖方面無乜大變動，所以都無乜好講，所以整幅分鐘圖上黎俾大家睇下。
藍線係我有入市既位，其他顏色係我錯過左無入，但都畫俾大家睇。

首先我會定以下規則止賺或止蝕
A. 到下個阻力唔穿就止賺
B. 如CALL左的話，第二枝係陰燭就或者會止賺或止蝕
C. 入市後如畫到止蝕軌，又有多點數HEAD住就穿軌先走。
D. 到止蝕就一定會走 !

1 -下降通道，雖然得兩個頂，但畫到兩條平行線，遇依D圖形穿位入最穩陣，CALL
2 - 穿上升通道，PUT
3 - 穿降軌，CALL
4,5 - 上升旗形，PUT。旗形我通常等佢行完第一枝就放。依個TRADE到蝕
6 - 穿升軌，PUT。因離降軌近，我會以降軌做止蝕或止賺。
7 - 穿三底升軌，PUT
8 - 穿升軌，CALL。就係今朝我話MISS左O個個浪=.=
9 - 做旗 - PUT。
10 - 穿降軌，PUT
11 - 平頂三角，CALL
12 - 穿升軌，PUT (錯盤係亂入，都唔記得O係邊入，所以唔講了)

其實今日D燭只係頭半個鐘叫大枝D，之後越黎越縮
但依D市都搵到錢的話，只要越到大波幅市就發達了^O^

2月23日午市分析

大家好 ! 今日幅小時圖改都唔洗改，開市裂口跌後低位就係尋晚畫既黑線，依家剛好做左三底，即係如果下午即市穿位都可以開淡倉，大約O係21350左右(好近了)，但建議小試水溫就好了，因o係未破整固圖既情況下，可能好快就會有反彈，暫時目標係大升軌位置約21250。大家要留意有黑色同啡色兩條升軌重疊，要留意反彈力道。
最好係大升軌做多個底再跌穿咁就正了。
如果做左淡，可以對上條藍線做止蝕，下一個鐘大約o係520左右。

而今日頂位就大約係尋日既牛熊分界，約21440。升穿少注做好都得，跌返穿的話打和走人都可以。不過最好都係穿紅線先開好倉啦。

另外今朝主力DT，今朝都幾好炒，如果今晚有時間的話，我試下POST個圖出黎話俾大家知今日我點入市.....!!! 暫時有80點，6個TRADE，有個大浪MISS左...因O個時有野攪...差唔多成百點....唉......T_T

2月23日市前分析

大家好，今日下午上穿藍線，真係爆過一段，但爆左一下就無晒力，O個時我做緊野，諗住以大降黎做止蝕，所以一直無理佢，到下午三點幾試過被HEAD住百點，睇左好耐先見到原來頸線唔係500，而係新畫既紅線位，即今日DH。幸好臨尾440牛熊分界反彈力強，上返去俾我平到倉。調整浪真係玩到嘔血，我諗都係上穿今日DH，或大升軌做多個底再跌穿先入市。
大家可以望下依家既走勢同20700~21000既走勢係好相似，依個就係整固圖，不過整固圖裏面都會有圖形的，就好似20700整固尾段行左個下降通道咁，穿位後就借勢爆上去。
可惜暫時未出現明顯既圖形，真係要耐心等下。
睇下聽朝點行，下午先再講 !!!!

2月22日午市分析

大家好 ! 今日一朝早裂口穿尋日講o個條升軌，但好快就回返上去。
我好耐好耐之前講過裂口穿位係追唔過，因為個裂口可能已經係反影晒穿位後個跌覆，不過如果上返後抽位先沽風險會小好多。今朝上返420時都可能係後抽，所以可以開淡，而止蝕位則o係新o個條降軌度，都係講緊30~40點風險，o係風險咁少既情況下開淡係可以的，不過要嚴守止蝕 ! (無錯....今朝應該要cut晒d淡倉了...)

調整浪係真係好蝦人玩，因一路o係度升升跌跌，每條軌都係得兩個頂兩個底咁，穿左都唔知行唔行，確實好煩。做好的話，都係藍線位，依家o係530左右，如果仍然想做淡，唯有o係藍線位摸頂，或者大降對上o個條黑色升軌先，不過都係同一句說話，做多個底先穿穩陣d。

睇一睇分鐘圖，依家行緊兩條上升通道，如果頭先穿降軌做左好的話，都可以以其中一條升軌做止蝕，視乎你承受到幾多風險。調整浪真係好chok的，大家要小心，太高太低都唔好追，真係要入市的話，近止蝕位先好搏。

另外小時圖RSI升穿左降軌，穿埋橫線就應該等於指期穿藍線了。

2月22日市前分析

大家好 ! 今日個市CHOK上CHOK落，但DT其實幾好炒，因為行得快又有波幅。哈哈...
今日整日都係俾條藍線壓住，就咁望落去有少少小型上升楔形感覺，新畫O個條黑色升軌最好做到第三個底先跌穿，咁就可以開淡，不過因為無一條穩陣既降軌做止蝕既關係，所以如果HEAD住的話就最好一路SET住止賺位，以免好似今日咁急彈 !
開淡後目標都係大降，依家都已經去到21200左右了，跌穿的話會目標21000先。

做好就比較有把握，因為藍線試左超多個頂，只要升穿，好可能升得好急都唔定，
目標係通道頂21900左右，止蝕用返藍色線吧。聽日藍線第一個鐘會O係520左右...

2月21日午市分析

大家好 ! 今日10:00 ~ 11:30 有無被CHOK到暈?!
今朝果然係高開(我指期指)，即係做多個底，所以400我開左好倉，
第一目標係470藍線位，今朝到晒目標，但我白痴居然唔走 !
最尾穿黑線350止蝕，諗起都真係...........唉
不過即刻反手，目標係21100，有一百點渣手時以21300做止賺，之後一夾，
彈O個下我都無預佢彈得咁誇，350再追貨，又上到藍線唔穿，應該放貨又無放....
最後370走左....連續喪失兩次穩賺既機會。點解我講咁長篇呢 ? 係想大家同我一樣要吸收經驗，到目標係應該先食糊先，如果唔係好易得不償失。

依家小時圖開始都有幾明顯既圖形，首先，藍線可為牛熊分界，上穿就CALL，先上望紅線升軌670，順利穿到就望上升阻力線870左右。以返藍線做止蝕都得。
如果做淡，可以藍線做止蝕，今日試左頂，有機會下試大升軌，下個鐘大約21150左右。
依家O係中間位，無論做好做淡都只係50/50，大家睇位做野啦。

2月21日市前分析

大家好 ! 今晚真係超夜先出分析，皆因今日幅圖超複雜，我都睇左好耐，
我O係度諗緊大戶既步署..........
今日下午跌穿左藍線，所以我多手入O個張好倉都CUT左了，雖然賺少左好多，但起碼叫賺啦 ! 跌穿，就可以開淡，之後都係KEEP住跌落去，但坦白講我無做淡，原則上我應該跟圖做，但我確實搵唔到一條好既降軌俾我做止蝕，所以最後都係選擇DT。
本來有諗過淡倉過夜，不過我個心仍然偏向好，所以無做到，頭先睇幅圖睇左好耐，我又覺得自己無做淡係正確的，點解 ? 先睇圖。

今次個圖畫得好花，要留心D睇， 首先今日跌穿晒紅線同藍線，按道理應該係以最底O個條紫色線進發，即大約21100，但有無見到我圈住既兩個地方同新畫左一條黑色升軌 ? (有箭咀O個條)，我覺得依兩組圖真係好似，又係O係橫線阻力高少少高開，之後最低收，如果聽日係裂口高開，咁依條新畫既黑色升軌就成立，至少要跌穿黑色升軌先做得淡。如果低開的話，黑色升軌就可以不理，但我認為高開機會幾大，因為條黑色升軌同上升阻力係成同一水平。
雖然今日係穿頭破腳，但陰陽燭圖形確實幾唔準都得 ! (還記得之前既身懷六甲嗎?!)
大家可以話我硬好， 但確實我真係唔敢長沽，因大勢未轉淡，即市穿位還可以...

好了，講完咁多癈話，聽日有咩策略呢 !?
上穿藍色線可CALL(470左右)，到紅線位放 (580左右)，亦可以O係紅線位PUT佢搏後抽，以黑線為目標約380，到黑線到CALL，目標都係紅線位，穿黑線可PUT，目標21100。
大家最好都係申請個軌件，我講唔到咁多位出黎，同埋我好少睇位，我都係睇圖形多，
因為有好多時位係唔準的，要時時修改 !

2月20日即時圖

2月20日午市分析

大家好 ! 今日一開市就217xx，企左上720上樓所以無放到，但跌穿720加700我就決定平左佢了，最後o係21690平左，果然之後真係有一小插。
不過o係21650再入返張好倉，不過好可能只係DT呢，依家叫做打平，睇埋下午點行先算。

先睇日線圖，都係睇橫線，今日收市企得穩21700的話，下一個位就係22000了，而今日暫時低位係俾11年8月大跌前既裂口底頂住，所以我先O係21650CALL張。

小時圖方面，以尋晚幅圖去睇，今朝係升穿左上升阻力線，但最後都係回返落黎，所以我條線位向上移左少許，發現其實仲係MATCH到的。記得，小小既修改係畫圖必要的，因線位只可畫上或下0.1MM，對整幅圖都會有好大影響。
依家即係已到頂部，要再大升，必要升穿條線色上升阻力線，午後大約O係21820左右，而如果好似我咁做左好既，都係以返紅色升軌做止蝕，依家約O係21520， 收市時都應該去到21640左右了，只要個市KEEP住橫行，咁我最多都係蝕10~20點。^^

跌穿紅線的話可試做淡，但目標只係藍色位置，水位100點都無，仲要未有止蝕位，做唔做就見仁見智了。

2月20日市前分析

大家好 !個假期咁就完左，每個禮拜日我都好唔捨得訓...T_T
唔知大家有無野過夜呢 ?! 我諗點都唔會有淡倉過夜吧?!?!
星期五我最後都係KEEP左張好倉， 原因陣間講。^^
不過聽聞阿爺減存款準備金，聽日會唔會大夾呢 ?! (最好係咁啦，哈哈^O^)

今日POST左三張圖，夠晒大手筆，嘿嘿 !
先講一講十五分鐘圖先，就係依張圖令我KEEP好倉過WEEK的，點解?
大家應該睇到我畫左條下降通道吧? 我O係堂度有講點先為之一條"通道"既圖形，
並唔係求其畫兩條線的。佢中段穿左位，之後O係尾市十五鐘再向下插，但又入唔返通道，
咁我只當佢係後抽，所以就KEEP左張好倉了。而我會以對落條大升軌做止蝕(等同小時圖的)

小時圖了，星期五低位俾條藍線支持住，依條就係我O係課堂度講過既X線。
進取D既好友都可以用依條線去做止蝕。而我都係KEEP依用紅色升軌去做止蝕了，聽日大約O係21440左右。如果聽日係高開，上升通道頂係好友目標，即剛好大約21720左右。如果個市真係咁強可以升穿埋，咁就會睇22000~22200了。不過升穿21720先追好倉，風險都幾大。
而做淡.........都係同一句，無位做，就算跌穿紅線藍線都無得做，對落太多線位，加上未轉勢，做淡要忍又要等。

好了，今日主菜係依幅月線圖，畫多左幾條線，發現又真係幾靚仔 ! 哈哈 !
有記得我O係一月廿七日講過升穿20250後，個市應該係向22700左右進發，現距離22700只有1000點左右，其實到既機會真係好大，但之後我就真係認為大市要見頂了。
睇一睇月線圖，留意一下我圈左既地方，依家分別係行緊一條上升通道(綠線)同下降通道(紫線)，而中間o個條綠線係大跌前既上升軌，今個月同大降軌重疊，大約o係20700左右，如果升得穿，今年可以話真正步入牛市，上望30000都可以，但我主觀認為唔會升得穿，原因有三。
一) 因綠線同紫線相交，就同上年年底16000一樣，阻力一定好大。
二) 紫色降軌只做左兩個頂，正常黎計應該要第三個頂之後回落。
三) RSI就到長期降軌位置，如上22700 應該剛好做第三個頂。
只要升唔穿紫線，大勢仍係熊市。 而上試但又升唔穿，就會好快向下試綠色升軌，只要跌穿，就會好快見13000~14000。
所以，同上個月底講既一樣，如果個市升到去22500左右既水平時，應該將手上所有正股放晒佢，等確認升穿紫線先再入貨。

2月17日午市分析

大家好 ! 首先真係要恭喜一下做長倉既朋友，如果真係唔穿升軌唔放，今日已經head住500點呢。我都好彩尋日無put到，不過個圓底發現得太遲了 =.=

依家點做好呢 ? 今朝穿過21500，但好快就回返落去，今日低位就係早兩日既頂，暫時都仲頂得住。我都o係21500再開好倉做長倉，上望21700，止蝕擺o係新畫既黑色升軌，依家大約o係21340，收市時都去到21440了，唔穿都唔放。如果長倉者，仍然可以最低既升軌做止蝕或止賺，依家已經至少打平了。我用新畫o個條係因為我係高追，要減低風險呢。
收市企唔返上21500的話我可能都會走了....

做淡嘛? 仲係唔好做住。一日未轉勢一日都唔好做，好易會俾個市夾到唔清唔楚呢。

2月17日市前分析

大家好 ! 今日成個下午都超悶，撞巧我有會要開，所以無悶親我，呵呵 !
本來今日尾市有D衝動想PUT過夜，但最後都無，想PUT既原因係因為日線做十月懷胎，
但唔PUT係因為，我記得以前我有試過奶陰陽燭圖形既陷阱，加上今日唔似大戶沽貨，
所以都係無入。依家再睇返圖，有點慶幸無PUT，點解 ?!
今日另外POST左張十五分鐘圖，睇一睇今日既走勢，有點似咩 ? 似圓底，頸線O係21300。
本來睇分鐘圖係唔覺，小時圖都唔覺，係今日我上網睇財經新聞見到幅圖，之後再開黎睇先覺。今日會唔會大戶儲貨呢 ?!

聽日開市升穿21300可以做好，不過目標係21400左右，即小時圖藍色升軌位置左右，做好後以15分鐘圖既升軌做止蝕。如果開市跌穿今日DL就叫破圖，要再等圖形了。
做淡嘛? 暫時做淡只係搏調整偷位先做，不可長沽，仲要見好就收，暫時仲未見議做淡，亦未有位做淡住。

2月16日午市分析

大家好 ! 尋日先講完有D頂味，今日就裂口下跌，不過都好，第一枝燭上返尋日開市位俾位我放，哈哈......最好上過21330，即係尋日講既止賺線位有阻力，暫時要再做好，都應該要睇依條線。暫時黎睇又係整固圖，又可以乜都唔洗做住，等下新圖形出現先做。
而有keep960開既好倉唔想走的話，止賺位有兩個，一係21100線色橫線，一係等穿紫色升軌，下個鐘o係20950左右。
暫時開淡倉仲係要等。
另外如果keep住咁既走勢，日線陰陽燭圖係利淡十月懷胎，大家要小心見頂回落呢。

幅圖都無乜變化，所以都無乜好講了 !

2月16日市前分析

大家好 ! 今日整個下午都O係大陸，所以無睇到個市，張好倉就由佢游緊，如果聽日升多幾百就好了...HAHA...不過外圍又係死氣沉沉咁...........=.=

好了，先睇日線圖。如果仲有好倉O係手既，目標都係21500啦，升穿就會上21700，即係日線圖中既兩條綠線，此為裂口位。但今日其實已經好近21500，暫時有D頂味，係咪又要整固下呢?!

另外睇睇小時圖，今日兩枝大陽燭上左去之後就橫行，可能係做旗，亦可能係做雙塔回落，但今日好似俾條黑色升軌支持住。我諗我會O係穿第二條黑色升軌先行止賺，聽朝第一個鐘O係21350左右，但如果係想做長倉唔理佢既，咁你都可以睇紫色升軌，一日唔穿一日都唔走，睇下佢可以升到去邊都得 !

如果係吉倉既，其實隨時都可以做，但要注意風險問題，因離止蝕位好遠。

或者做好後穿第二條黑線做止蝕都得。

現階段不宜做淡倉長倉，之前個整固應該係做旗，所以穿位先會爆得咁快，按理應該未升完的。

2月15日午市分析

大家好 ! 今日終於吐氣楊眉，尋日張好倉今日有三百幾點食，真係爽。
大家又點呢 ?!
今朝其實個市都夠晒好人，無裂口夾上去，反而做多個後抽先夾。
今日到晒我目標位，一掂黑色上色阻力線就回，所以20292都平左了。

依家點呢 ?! 只能等...等佢穿上黑色阻力線先有得爆，依家暫時O係20340左右。
最怕佢沿住條黑色升軌慢慢咁上就麻煩了。如果穿到黑色升軌，咁21500就係下個目標。
長倉的話還可以KEEP，只係暫時未有一條好O既升軌做止蝕，可能要睇埋下午點行先得了。

做淡的話，你一係O係黑色升軌摸頂，但只FOR DT，長倉就真係唔建議了 。

2月15日市前分析

大家好 ! 今晚情人節過得開心嗎 ? 我就有FF陪左我一晚.....haha!!
講返大市先，今日尾市見夾穿左降軌，所以做左張好倉，
但睇依家外圍咁既款，真係又唔似升得上去喎 !
但點都好，都係睇位做。
如果同我一樣做左好倉既，目標先睇21130橫線，穿到的話就係黑色上升阻力若21300左右。
暫可以以虛線做止蝕，約o係20830，或日線10天線做止蝕，因為佢一直支撐住今次既整固。
而做淡的話，都係穿10天線先做好似安全D。
今次整固無論長倉短倉都唔好炒，因波幅少又行得慢，大家睇下今日小時圖D燭 ?
全部無燭身的，所以最安全計都係離開依個區域先玩。

2月14日午市分析

大家好 ! 今日係情人節喎 ! 祝有情人終成眷屬 ^^
今日持續悶市，仲係整固，唔上唔落咁，所以話整固圖係一D都唔好炒。
小時圖無乜大變動，都仲係O係下降通道行緊，依家下降通道頂約O係20970，
但仲要睇埋日線圖，250天線O係21000，如果升穿埋先做好。
今日咁既成交，做好你都咪話唔驚，陣間睇下點先 !?
而如果有淡倉長倉都仲可以睇多陣，暫時個圖都仲係幾弱，最好可以跌穿800先，
皆因日線10天線係支撐住近依幾日個底，跌穿的話吉倉者可開淡倉，目標仍然係600，
再落就日線後抽位，即20天線位20370。

2月14日市前分析

大家好 ! 今日返左成日大陸 ! 我張好倉竟然有得賺，不過822走左了。
都估唔到最後會上過21000.....都衝左四次了，衝極都衝唔到，究竟係咪真係見頂呢 ?!

個市O係依家依個位已經整固左好多日了，黑色升軌穿左，但又有一條三底升軌(藍色)頂返上去，上返今日高位又俾黑色升軌頂住，可能係後抽都未定。
整固圖最麻煩既地方係，無論上下都會有好多線位，所以成日都會日升日跌，
還記得之前19000~20000之間CHOK來CHOK去嗎?!
依家暫時都係脫離依個區域先做長倉比較好，主要都係做返DT吧。
今日形成左一條下降通道，向上穿可即市做好，聽日第一個鐘O係21000左右，上望都係21100後左右黑色升軌位置，而要做淡隨時可做，以依條降軌做止蝕。
做左淡的話要留意對落兩三條線，條虛線我未確認，但有可能係一阻力。
三條線分別係800、740、660。
整固圖係非常難玩的，要注意。
而依家未升穿下降通道前，短暫會以做淡為主。

2月13日市前分析

大家好 !大家上完星期六既堂，對TREND LINE既認識有無幫助呢 ?
我都好擔心自己講解得唔夠清楚....希望真係可以幫到大家啦 !

講返個市先，跌穿左兩條升軌，按走勢應該先會向20600進發，依個係淡友們第一個目標，
而跌穿埋的話，下個目標位就應該係20200-20300了，但要先留意一下小時圖，
O係20450左右有條之前既降軌，如果到位有明顯反彈，咁好大機會又係一個後抽，要留意。
而淡友止蝕位可先擺O係小時圖新畫既降軌，聽日首小時會O係20900左右，即係如果O係20900開始沽長倉的話，已經立於不敗之地了。

做左好既，穿590要走，向上目標暫時未有，長倉的話當然仍然係21500啦 !
我本來星期五想開始儲長倉，但依家又唔係好想儲 (最衰都係老豆....>.<)
最慘係聽日一早我又要上大陸，完全睇唔到市，所以我都叫左我朋友幫我SET穿580止蝕算。
如果聽日開市唔穿580，但又低開700以下的話，我會叫佢幫我SET690CUT~即係SET兩個位CUT。睇唔到市好鬼危險，等返到黎先再從長計議!!! 咁好彩高開的話只要有賺都會走!!

暫時未有可靠既降軌可穿，要等圖形出，暫時走勢偏淡，但我有點覺得係想向下做後抽反彈。

聽日下午出唔到分析，大家睇位做野啦 ! ^^

2月10日午市分析

大家好 ! 今日又係要出去，所以拿拿臨出分析先 ! 希望可以趕得切 1:30PM 返黎 ! 哈哈
今朝試左條黑色軌幾次底，最後20920平左好倉。
之後20930反手，見佢跌穿DL後SET20905平.....(已經又平左)
始終未跌穿下面條紅線都係唔係幾放心長沽..DT下算了!

依家條黑色升軌上到大約20950左右，如果彈上的話小心係後抽再回落。
而紅色線大約O係20800左右，穿的話最好配合大成交，如果有反彈最好，做多個底可以更加確認穿後可追沽。但暫時都仲未有一條靚既止蝕位，如果追沽後入返條軌就要小心了。
目標看20600。

如果O係穿900沽左的話，先睇會唔會上返950，上得返黑色軌裏面都要小心 !

2月10日市前分析

大家好 ! 今日午後個市CHOK到無朋友，似想破頂又無破，似想跌落又跌唔穿，
究竟大戶O係度部署緊D乜野呢 ?!

即市圖牛熊分界o係20950，佢唔跌穿，我都繼續keep住張好倉過夜，相信未破位，應該唔會有裂口大跌的。而黎緊聽日睇下有無位穿跟入啦 !
小時圖方面仍然係以黑色升軌做止蝕，聽日已經上到20900了，風險已經係好低。
當然，你仍然可以以紅色升軌做止蝕，聽日大約會o係20800左右。
一日唔跌穿，一日都仲係升勢，要切記。暫以21300做目標。
做淡呢?! 跌穿20900的話，睇一睇當時成交，如果大的話可以先入一注，先以紅色升軌做目標，穿埋的話可加多注，以20600做目標。但紅色升軌只做左兩個底，有機會一掂就即反彈，好似今朝咁，所以要加倍注意呢。
暫時做淡既止蝕未有，聽日破左位再講啦 !

2月9日午市分析

大家好 ! 今日早少少出分析 ! 因都幾忙。....
今朝低開，仲穿埋960添，按尋日咁講，940已經食左糊了。
之後一直急插，插到黑色升軌位置後遇強力反彈，一彈就彈返上21000，依條軌果然強勁。
依家好淡有個更明確既位了，穿黑色升軌就可做，下個鐘大約O係20840左右吧?
但要小心對落仲有條紅色升軌未試位，所以做左淡之後，要留意依條紅色線會唔會有大彈，
只要彈返入黑色升軌裏面都要走。紅線依家大約O係20770左右。

做左好既當然仍然係睇21250~21300啦，今日試左底，再向上試既機會都好大，
另外暫時睇資金流向仍然向好，所以暫不宜摸頂 !
止蝕就擺返O係紅線位吧!!

2月9日市前分析

大家好 ! 今日我上左大陸，所以無出午市分析。
今日差點就好似上次咁，一返大陸先黎爆，好彩早於760CALL左張細期，今朝臨走前SET左580做止蝕，返到香港有成300點渣手，太好了^_^
大家又點呢 ?! 穿21000時有無追好倉呢 ?!
(760CALL係基於止蝕位唔遠，我都話想做好隨時都做得....HAHA)

今日睇三個圖，先睇日線。日線依家係沿住條黑色升軌行，而上穿21000裂口阻力後，
下個位就應該係21500，依個位係好友暫時最好既目標。

小時圖，大家有見到最尾O個組圖行緊圓底嗎 ?! 所以下午一穿920頸線就好快咁爆上去，
如果繼續升的話，有機會會俾對上一條上升阻力線壓住，所以好友第一站應該係依個線位先，大約O係21250左右。如果升得穿，破左圖形，咁就好快會到21500了。但條線會隨時間上升的，要注意。

最後一幅分鐘圖，點解我POST出黎呢 ? 我淨係畫左一條綠線，係我認為係牛熊分界線，
大約20950-20960，好友既止蝕位可先考慮依個住，下穿就止蝕。
而好友最後既止蝕位係紅色上升軌20730左右，隨時間而上。都係O個句，只要仲未跌穿，
後市仍然向好，但大家要先了解自己能承受既風險可以去到邊 ?!
而如果穿左，乜都唔好諗，止蝕位係一定要嚴守的。

我自己就覺得應該會O係21000附近整固一陣，而940會係我止賺位。但攪咁多野升穿21000，應該係仲未見頂的 ! 不過都係O個句，睇圖做野，唔好俾外圍或心理因素影響最為重要。

另外，星期六記得帶間尺同筆 !^^

2月8日市前分析

大家好 ! 今日早一點出分析，因聽朝應該要北上了T_T
今個整日都係以整固為主，無乜好做，DT都難炒。
暫時確實無乜好講，哈哈 !

但可見條黑色升軌聽日都同590橫線重叠了，即係話，穿590都可以開淡倉，
而目標先睇20300左右位置先。到跌穿左先再畫止蝕位 (應該係21000同今既頂部連成的線)

好倉嘛 ?? 暫時都係o個句，入左，就已黑色升軌做止蝕，未入但你睇好，隨時都可以入。
穩陣D就等升穿21000先入。

題外話，試頂回落後，再整固左一日，開始聽到唔少人講升完.....要大跌......等等等....
咁樣其實都幾危險，第一，我頭先睇多次月線同週線，個升勢仲係好靚，剛穿左三頂降軌，
再做埋後抽，仲做埋圓底，剎那間要轉淡我又覺得無咁易。
第二，整固其實係大戶補貨既行為，
咁究竟係補好倉定淡倉 ? 無人知。但唔好見好似升唔上就覺得要睇淡，你覺得佢升唔上，
亦可以話佢跌唔落。一切一切，都係跟返圖去做會穩陣D。
就正如我之前話上穿19400就可以再開好倉，但當時好多人都覺得已經係頂寧願沽。
205XX左右亦講過，一日未穿黑色升軌，都可以以21000為做目標。
圖表分析可能會有陷阱，但大勢通常都唔會錯，暫時o係未轉勢時不宜硬淡。
當然我都唔係硬好，依家一日升唔穿21000，一日都怕真係升完呢。

2月7日午市分析

大家好 ! 今日俾間廠FAKE左，所以應該聽日先北上了=.=
今朝十點半前都幾悶，又難炒，但十點半過後就開始成形，易炒返。

先睇小時圖，其實都無乜野好睇，不過我新畫左兩條紅色平衡線，暫時有機會係行緊依條上升通道，不過都係O個句，要試多個底先能夠肯定，大約O係540，同黑色升軌差唔多位置啦。
暫時要開淡倉，都係需要O係線位做多一個底先開最穩陣。

要開好倉同尋晚講既一樣啦。唔重覆了 !

另外大家可以睇下分鐘圖，依家行緊條靚到爆既下降通道，只要一日唔穿，
個市都會慢慢向下尋，但如果繼續向下的話，就要小心尋日DL會唔會大彈了。

2月7日市前分析

大家好 ! 下午一開市就穿左DL，之後就一直向下尋，最低見上星期五DL添，
依個浪唔知大家又食唔食到呢?!! 聽日我就要上大陸了，唔知今次上大陸會唔會又miss一個浪呢?!=.=

今日21000見左，預計都係會向下調整，記住，o係上升通道行走時，一日未跌穿，一日都唔好睇得咁淡，因趨勢仍然係向上。
大家都可見，黑色升軌都好近了，聽日首小時大約會o係20530左右，如果有機會，都唔好一穿就入，最好做多一個底先穿，因為只得兩個底的話，係咪行緊依條軌都其實唔係太肯定的。
另外590有條橫線，跌穿都可以小注淡倉，但小心既係，如果o係o個度磨的話就唔好入，按理係應該唔會磨的。開淡後用返610做止蝕，先望黑色升軌。
如果o係590附近磨黎磨去最好乜都唔好做...睇多陣先。
想做好的話依家做就只係撈底，穿黑色升軌止蝕，上望21000。
或者等穿21000先做，上望21500。

2月6日午市分析

大家好 ! 今日唔洗北上，聽日先上，所以仲有分析出，哈哈。
今朝開O係21000以下，雖然吉穿過下21000，但留左條長影線O係度，
暫時黎睇都係見頂格。做左好既朋友應該食左糊喇掛 ? 我O係20980都食左了。

黎緊暫時咩都無得做住，做好的話至少要企得穩21000，做淡就至少要跌穿黑色降軌。
所以長倉的話其實無乜好做，依家只宜DT。我整左張分析圖出黎，好以好花好多線咁?
其實我已經刪左好多線喇，如果唔係仲花......哈哈
今朝兩個底其實俾星期五既一條上升阻力線頂住，剛剛穿過少少又升返上黎，黎緊如果再穿多次，或者保險D穿DL，即市都可以開淡，而上面我畫左條深藍色既粗線，大約20960左右，
係暫時既牛熊分界，升得穿就有望再識21000。

2月6日市前分析

大家好 ! 如果仲有好倉O係手既朋友，我諗星期一應該會有啖好食了。
無論IG定ADR都已經升穿21000水平，唔錯唔錯。
咁黎緊聽日點做好呢?

穿21000的話，下個目標就係21500，當然大家可以食左先，睇下企唔企得穩先再決定追唔追
如果你想再擺長D的話，可以睇返我新畫O個條升軌做止蝕或止賺，聽日大約O係20670左右，隨時間而上，應可坐和望贏了。
若果下穿返21000都唔好做淡住，其實條橫線大約O係20950左右，分分鐘只係後抽，
依家黎計，唔穿黑色升軌的話，做淡仍然好危險。
吉倉者要睇埋聽日上午點行先決定到點做了。
但我聽日有機會北上，所以可能一開市就會平晒所有好倉，下午都未必出到分析。
祝好運吧^^