6月1日市前分析

大家好 ! 今日大市好強，一定夾到淡友死死下 ! 真係由頭夾到落尾呢 !
不過午市分析都講，今日有機會上18550呢，所以我依個大淡友都做左半日好友，嘿嘿
正所謂心無好淡就係咁解。(雖然今朝都仲係俾淡友因子影響住T_T)

先講即市圖先，今日總共做得兩個TRADE，都係下午做的，依家逐個黎講

第一個紅圈就係我午市分析所講既向上破圖，破圖後上550機會大增。
當佢破左圖之後，我就已經想搵位做好，但想做好前竟先有位做淡。
1. 下穿楔形，18340沽，18305平 (目標其實係18295)
2. 上穿上升平頂三角，18370渣，18520平 (依個平頂三角目標係18510，但皆因之前既下降楔形目標係550，所以想等多陣，等到臨收市平倉)

大家應該可見，依家穿位通常會有後抽，所以唔洗急住追，O係後抽位追就得喇，
只要圖形畫得O岩就可以了 !

講返大圖，今日夾升只係行返個楔形既量度波幅，我並唔覺得已轉勢，
對上有兩條降軌，最主要係睇啡色O個條會唔會有阻力，只要到位有阻力 ，再升穿，就可以做好。點解最主要睇啡色O個條 ? 因為係得佢先出到圖形，先有目標位。
聽日大約O係18860左右。
而O係依兩條降軌以下都可以做淡，用返依兩條降軌做止蝕，今日尾市我本來想加多張LP，可惜MARK價太遠，做唔落手 ! 咁就睇埋聽日點行先算啦 !

現階段，我仍然認為會到17000，想做好既朋友要小心點了 ! 或者想做淡既我都要小心!!!HAHA...

5月31日午市分析

大家好 ! 午市得返一粒鐘真係好鬼唔夠 ! 都未有時間消化朝早個走勢就黎開市，
港交真係好討厭 !

講返大市，今日裂口低開，之後一路上返250頸線，雖然期權未走，但仍然未開期指淡倉，
睇埋今日走勢先算 !
下月既日線圖，有條X線撐住大市，可以以依條線做牛熊分界，對上一次touch到之後升左600點，今朝開市又touch到，暫時彈左一百，未知會唔會繼續彈，但應不會彈過600點。
最好拿拿臨穿左佢，咁淡倉先叫安心 !

分鐘圖方面，今日我無做過trade，不過今朝穿左個大形下降楔形後升左少少，現時暫時受制上升通道圖形，跌穿的話我先會開淡倉，但升穿上升阻力線破圖的話，有可能上18550左右位置，所以淡友要留意。

如果已開淡倉，亦想長擺，都係睇返小時圖既大降軌，穿左先走，依家大約o係18850，隨時間而下。
而想做好的話，其實依家都做得，以返即市既升軌做止蝕。
但只限於即市呢 !

5月31日市前分析

大家好 !剛剛掛住打DIABLO，依家先打完上黎寫分析...好眼訓...ZZZZZZZZ...........
長話短說~!!

今日期結，加上下個月大低水，所以幅圖有D難去畫，所以最後我決定睇晒下月同HSIS1兩幅圖。如果只睇下月，未穿250橫底，穿左就可以開淡。而目標就係17300為第一站。
止蝕以一條長長既黑色降軌做止蝕。先講講依條降軌，嚴格上黎講，依條軌只係剛剛做第二個頂，第一個頂做左成2000點跌幅，按理第二個頂都唔會少於1500點跌幅，所以大可一日唔穿依條軌，就一路放風箏，睇佢會跌到落幾多!?

而如果睇HSIS1 (即係即月/下月拼埋o係同一幅圖)，今日下穿左旗形頸線，
最初我都唔敢講算唔算穿位，但午後做左兩個頂，剛好係頸線位置，之後尾市仲要大幅回落，整個後抽圖形靚絕，所以我O係尾市都做左張LP17000，依家睇外圍個勢頭，看來我做對了 !!哈哈....

暫時一日唔升穿黑降，千祈唔好再做好 ! 我相信反彈已完，新一浪跌勢正展開呢 !

另外今日下午做左 4 個TRADE，超好玩，因為到晒位，等我解說下。
亦等有上研討班既朋友感受下計算幅度既威力，差唔多每個浪都食到盡 !! 哈哈...
1. 今朝講過上穿左下降楔形後有兩個目標位，午後開市即到第一目標，又即回，並無馬後炮呢 !^^ (365渣，440平)
2. 下穿上升通道，第一目標位為365，即下降楔形既破位點 (400沽，380平)
3.  365唔穿，即仍有機會上下降楔形第二目標460，可渣，第一目標係之前上升通道既破位處，第一枝到位燭遇阻力，如果第二枝都升唔穿我就會走，但結果當然係穿左啦 !
 (370渣，460平)
4. 一個大形既雙頂，下穿418頸線，以頂同頸線既距離計算幅度，下望18360
(415沽，360平)

全部都可以計出黎的 ! 但計算唔難，難在點先畫到一個O岩既圖形出黎 !
關鍵在於你點去介定咩為之頂 ? 咩為之底 ?

訓教了!!ZZZ.....................

5月30日午市分析

大家好 ! 今日裂口急跌，真係有點意外，仲以為等期結後先跌 !

尋日已經平晒好倉確係一件正確既做法。尾市其實走左去long兩邊，

LC19200 (14點) & LP18800 (26點)，本來尋日尾市見佢穿即日升軌淨係做LP，

但尾燭又見佢入返去先做返張LC，今日大跌，LP188上到去120點呢，差唔多成五倍 !!

不過我O係60點已經走左，叫做總共賺左20點。哈哈.....

之前做左好倉既朋友，今日開市後先跌穿止蝕(或叫止賺)位，由之前升穿綠降到今日，就算無賺都應該唔洗蝕吧 !?

今日即市做得一個TRADE，升穿下降楔形O係370CALL左兩張，午市前O係400走左一張，

對上兩條橫線係目標位，下面橫線係止賺位，又睇下上唔上到去先 !!!!

小時圖都無好睇，都係等穿位，今日用返下月期去睇呢 ! 橫線位係18250左右，穿左做淡 !

暫時我都係比較想等期結後先做，期結時乜都做得出，分分鐘今朝震完倉下午又夾返你 !!!

日線圖係JASON叫我POST的，依家應該行緊旗形，只要破底，就好快會見17000了 !

不過都係O個句，最好下個月先穿啦 ! 哈哈 ! 

5月30日市前分析

大家好 ! 今日好友應該食個翻尋味了吧 ?
下午一路夾升，夾到差60點就上第一個目標位，
不過我O係18900已經全部走晒，係即市上升通道既頂部，
升得太慢，都係食左先算，依個TRADE我當完左，之後繼續升都唔關我事了 !
我都預佢期結唔會有咩波幅，相信DT都難炒........當休息下 ! 哈哈 !

暫時圖上無咩圖形出，都係得D好友既目標位，19060 & 19300。
依家再做好，風險就高了 (入市時機係好重要的)，RSI有條上升阻力線，今日剛好TOUCH到，唔知會唔會咁快就見頂呢 ? 所以依家最好都係等待圖形或六月呢 !
我比較想佢做多D圖形出黎，最理想係升穿19060，上到19100左右見頂回落，再向下吉穿18450，咁依個旗形就算做得超靚了，咁行的話就會好快見17000。 (幻想中...HAHA)

請謹記，19060係好友目標位，並唔係阻力，升穿唔代表可以做好，可以做好既位只係之前升穿綠降一個咁多。

另外受朋友所托出多幅下月圖，其實走勢都係咁上下，但係同上個月一樣，都係低水成二百幾，好誇張，所以如無意外期結應該會夾呢 !

5月29日午市分析

大家好 ! 今日終於叫有反彈了 ! 起碼唔洗磨，哈哈 !
今朝一早裂口穿左條小升軌，之後就即刻夾上去，
成日都話裂口穿位信唔過，尤其係細位。
見佢上返通道，650左右加左兩張期擺下佢，收市前食左一張，
另一張睇下之後點行再算。

睇返圖先，新加左條藍色降軌，剛剛升穿左，所以可以唔洗理佢，
依家對上既阻力係紅色橫線，升得穿，就可以望19070左右既黑色橫線了。
如果個反彈係咁有力夾穿埋黑線，就會上望19300了。
止蝕或止賺位都可以睇返紅色升軌，下小時大約o係18650。
或者跌穿今日DL先止，但要做淡，都係望返18450，或者等多D圖形出黎先 !

期結前，暫不宜沽。
但期結後，不宜渣，因六月我睇得好淡 ! @@

5月29日市前分析

大家好 ! 今日個市好悶好悶 ! 即市做左一個TRADE，等左成十枝燭，贏10點，
之後收手了~~~專心工作好過 !!! HAHA~~
期指O係740，即係穿即市上升楔形時平左，換左張即月18800LC，都係細細地玩下。

今日升穿綠降，應該會有少許反彈，但係我相信依個只係反彈，而唔代表轉勢，
所以一見勢色唔對就要走。對落條小升軌已去到640，即係今日穿位開倉既朋友，暫時最多輸50點左右，只要越耐唔跌穿，風險越細。
但O係依個區間好友仍然好危險，因為仲O係整固區間裏面，最怕佢係想做旗向下插，所以要盡快升穿紅色橫線，至少叫做有得HEAD住先啦 !
希望期結前可以上到19000啦 !

要做淡，都仲係睇實條450橫底先。
不過如果上19XXX的話，我可能會開始儲LP都未定 !
(20500時我買O個張LP19600應該唔鬼放啦~~真係蠢過隻豬>.<)

5月28日午市分析

大家好 !日半假期就咁就完左...好唔捨得T_T
近依兩個禮拜都好得意，都係星期五，無論IG定ADR都跌，但星期一返黎就平開，
奇怪奇怪。
今朝早好倉同LP都走左，淨計依個過夜倉，加埋剛剛好打和。
我情願佢大升或大跌呢-.-

睇一睇圖，今日升穿左綠色降軌，我都O係18670開左張CALL，最終止蝕位係18450，
大約二百點既風險，先睇19000。(因為無圖形，所以我唔識計了，可能會上19300都唔定)
要過夜就要睇下今日收咩位，若果HEAD得多當然唔洗驚啦，最好收到O係裂口頂紅線位以上，即約18900啦。但如果今日收市入返軌裏面就要小心了。

睇15分鐘圖會有條升軌可以做第一個止蝕位，依家去到18580，隨時間而上。
如果想做淡，都係睇返450依條橫線啦 !
不過我認為跌勢應會暫止了，一來向上破位，二來期結，期結前大跌機會應該比較細吧 !
但六月就.........................@@

即市無乜好睇，今日只做左一個trade (唔計長倉)，升穿下降通道，得30點=.=

5月28日市前分析

大家好 ! 一個星期就咁過左，而大市亦持續沉悶呢 !!!
不過唔知係好彩定唔好彩，工作比較忙，悶唔親我~~嘿...

今日個市同預測差唔多，叫做合格啦 !
今朝講會上560，上左。先跌後彈，都叫中呢。
不過始終升唔穿綠色降軌，看來依條軌都幾強。
講左大圖先，今日o係600升穿左第一條降軌，上望綠降，都到左步，剛好一百點，
有朋友食得到嗎 ? 之後無以為繼，咁淡友就要留意了，下面450橫線，如果跌穿，可以開淡，已綠降為止蝕，我覺得有機會跌得好急，因為大市已用左成個星期做整固，
隨時要爆了，依家圖形有點似做下降平底三角旗形，跌穿後分分鐘直落17000。
而要做好，好明顯係等升穿綠色降軌啦，不過無乜圖形可睇，升穿後我都唔知目標o係邊了。

講一講即市，首先先說明，所有橫線都係目標位，並唔係支持或阻力，要注意呢 !
整個下午都o係出面，所以DT無炒到，不過就午市開市後CALL左兩張細期，穿DL止蝕，
因我今日都幾有信心會彈穿第一條降軌，哈哈 !
升到上18700時，跌穿上升楔形平左一張。之後都無做倉....不過俾個線位大家，睇下大家又計唔計到個目標位 ?

最後KEEP左一張細期同埋LP18200
LP係O係穿即日降軌做的。
升唔穿綠降同埋跌穿即日升軌，真係要對一對沖 ! @@

5月25日午市分析

大家好 ! 尋日諗住搏今日裂口二三百，點知佢同我平開=.=
攪到我兩張LONG都要蝕，已經走晒，加埋要蝕40大點....慘!!!
揀得太遠了，衰貪心=.=

今朝淨係做左兩個TRADE，同尋日走勢好似呢，
都係一朝早就開上升楔形，605沽，532平。
之後做左個圖中圖，細圖係下降通道，490渣，540平。
大圖係下降楔形，560做目標，再落490時其實可以再渣，DL做止蝕，望560。
不過我無做到 !!!

大圖方面，圖形漸出，但仲未成晒圖，對上一條紅色降軌，升穿可以小注做好，
上望綠降，穿埋的話先睇19000吧 ? 圖形未成，大家要步步為營呢，最好都係等成圖先入啦!今日係星期五，過夜的話要過WEEK，大家要留意喇 !
紅降O係650左右，綠降O係750左右。依段時間我都係覺得小注比較好~

而想做淡，下面無乜位做，反而見到D下降阻力線，所以唔太敢做淡住，
當然，O係紅降以下做淡都得，以紅降為止蝕。

主觀意見係，今日會先低後回彈，哈哈~~唔知會唔會呢!?!?

5月25日市前分析

大家好 ! 依家真係好早出post...哈哈!!!
今日個市應該好好玩的，不過中段要開會，所以做得兩個trade。
LC 賺左 8 點走左，之後又入返，同時入多張LP18000，LONG兩邊， 希望爆啦，爆上爆落都好~ 兩張期權金都係 80。爆個四五百點就穩膁了..HAHA....

首先睇下大圖，暫時未跌穿450橫線，都唔敢齋睇淡，不過今日跌穿左依兩日既升軌，
可能依個圖係做左跌水平台再插一野都唔定，所以我做多張LP就係咁解，
淡友目標可睇18450左右先。
不過始終係無乜圖形出黎，所以用期指過夜都仲係未係時候，再等下添啦 !

今日即市波幅都幾夠，不過D目標位今日做五個TRADE有三個都係差十點左右...好鬼邪....
跌O個浸大浪無食，玩埋三角形就食得到 ! 但我最近唔可以成日望住個市，只能玩有得計幅度既圖形，三角形就留返俾大家玩了 !
穿左即日降軌O個度就係我開LP地方。

5月24日午市分析

大家好 ! 尋晚去到中段IG都跌緊百幾，但尾段美股一個大V彈，過夜果真危險~~@@
不過圖形未出好難做過夜倉，就算佢真係跌二三百都唔關我事! 嘿嘿....

睇返小時圖，仍然未有圖形出黎，不過一日跌唔穿450低位，我都覺得可能係後抽，
所以用左80點買左張即月19000LC，八舊水買個希望 ! 哈哈 !

即市方面，今日話唔好炒又唔算，不過我依家只玩圖形，所以只做得三個TRADE，
第一個剛開市既上升楔形，690沽、630平
第二個下降楔形，590渣、628平
第三個下降楔形，依個追唔切，610先渣，620平左
橫線係破位後目標位，除左第一個圖形之外，其餘都差少少先到位，所以唯有用其他止賺方法。
下午前都有條升軌待穿，不過暫睇係細位，可能得廿點左右，穿位我都未必會入，睇情況啦!

5月24日市前分析

大家好 ! 今日都係要把握時間，返屋止打機...haha
今日夾上夾落，真係幾好玩呢 ! 不過暫時o係綠色降軌下仍處於弱勢，
只係我無膽過夜，不過即市都夠玩了 !

今次先講左即市圖先，今日叫做行左幾個大圖形，
今朝一個上升楔形講左啦，亦已到晒位，所以就算穿DL都只係不淡倉而唔係追淡呢 !
之後今朝亦畫左仲降軌，當時只有軌，無圖形，不過午後做多個頂後下降楔形就出來了 !
總共有兩個楔形，所以就有兩個目標位，第一目標係700左右，最後目標係18730左右。
依個浪我o係685平左倉。
之後亦做左條上升通道，穿左做淡，目標係18520左右，不過因為已收市，收市前平倉了 !
依幾個圖好易食亦唔難計目標，各位有上研討會既又食唔食到呢 ?

依家大圖無乜變動，不過假若裂口低開二三百，咁新畫既虛線降軌就確認了。
所以都係聽日先算，今日吉倉過 !

5月23日午市分析

大家好 ! 尋晚話睇外圍會升，所以唔敢沽過夜，歐洲真係爆升，但港股今日都係跟返圖去行，
要跌幾百=.= 係咪真係唔洗理其他圖呢? @@

大圖無乜野睇，小時圖俾最後o個條綠降壓住，但只係一條趨勢線，無圖形，穿左做好就都係睇返19300左近啦，下個鐘大約o係19000。
而如果尋日做左淡既，18700目標已到有突，暫時可放下風箏先，分鐘圖畫左條虛線降軌，
可以用黎做止賺，但圖形未夠，穿左的話即市做好都可以，但要見好收，唔對路就走。
今朝做左個上升楔形，圖中亦有個上升通道，對落兩條虛線係目標位，都已到晒步，
依家要睇下午點走了 !

至於過夜倉，今日因為已到時目標位，暫時我都係等圖形出 !
今日分鐘圖係向下趨勢，反而仲驚會彈，加上尋晚美股再上穿大位 (我又黎~~XDXD)
所以更加唔敢淡倉過夜了。而要做好就真係要睇下午點行先決定 !

又係O個個字 ------ 等 !^^

5月23日市前分析

大家好 ! 今晚要留返時間玩diablo，所以早D出分析 !

今日下午夾多轉，但後勁不繼，跌穿即日升軌後再跌穿埋今朝畫既升軌，
之後急插。我兩張LC當然已經走晒啦 ! 蝕左幾十點時間值，係今朝張188LC有得食下，
總括黎講都要輸幾十點 =.=
可能有D朋友話，乜我唔係睇193嗎 ? 請記住，目標位只係參考用，實際仍然係以線位圖形為依歸，穿左位就要走，依個係投機既鐵規。
今日18960左右先下穿升軌，咁至少都有百多點食啦 !

有朋友做淡嗎 ? 如果做左淡，187就係第一目標。
不過我無做淡過夜，因為一來見水位唔多，二來都講外圍剛剛破位，唔知佢會點行，所以都係等下先 ! 如果外圍幅圖都差埋，咁今次反彈我會視佢為做旗，分分鐘要插多一千呢=.=

不過現階都係要等 !

5月22日午市分析

大家好 ! 今日終於有裂口，不過唔多，得百幾點，唔通又係慢升?!=.=

破位後做左好既朋友，依家已肯定唔洗輸了，因為依家出左條紅色升軌出黎，
大約O係18870左右，破位係18800，所以依家基本上叫做穩賺
而跌穿依條升軌，可以細細地開淡，但依家開淡相對危險，因為我睇返外圍D圖都係剛剛向上破位，應該會有一段反彈睇下 !
今日升穿 (應該叫磨穿)尋晚畫既第一條阻力，依家應該向對上綠色O個條進發，
相信要穿綠色降軌先會行得快少少，目標暫定19300先!

我將其中一張194LC轉左去188，都係買返隻價內的，唔洗蝕咁多時間值!!!T_T

今日即市炒條毛，除左剛開市有個下降通道可入之後，其餘時間得個磨字，
不過午前穿左870，可能會落一落840左右呢!! 

5月22日市前分析

大家好 ! 今晚好夜呢 ! 因為我最終不敵DIABLO III既誘惑，走去買左部電腦T_T
但好景不常..............原來我無WINDOWS碟......所以攪左成晚得個吉...唉~.~

今日暫時都仲係渣住兩張LC，不過佢再唔爆，真係蝕時間值都蝕死! 聽日可能會諗一諗轉返期指或轉落下月都唔定~

睇15分鐘圖先，今朝畫O個條升軌用唔著，因為佢無爆上去，所以向下穿都無走到，
而整固橫線似係有點支持，今日都未到就彈。睇返圖形，現時走勢似係後抽，
暫時幅圖仲係向好，不過對上阻力重重，首先係裂口頂19000，另外有條幾大既降軌聽日可能會同裂口頂有重疊，若果升穿晒兩條線位，之後應該會行得快D。
好友目標暫時係19300先，止蝕先放O係18680左右吧!
同今朝一樣，暫時唔做淡位，依家上返去係好事，咁即係有升軌俾淡友準備了。

另外今日即市D圖好正，好易玩，大家可以參考下 !
綠圈係入市位

唔知大家對線位圖形仲有無疑問呢?!
有問題真係要問啊 !

5月21日午市分析

大家好 ! 初初仲諗住今日會跌二三百，點知一開市只係跌幾十，仲要即刻夾上去，
我張LC命仔保住了，哈哈 !
不過睇返外匯走勢，短期確實見底，應該去返193左右做下整固先啦 !

先講大圖先，星期五畫o個條線色降軌無用，因為今日唔可以裂口低開，所以已被deleted，
但剛剛都升穿左藍色降軌，依條通道既量度波幅大約為19350~19400左右，
即最頂o個條綠線。不過做左好既都唔好咁開心住，小時圖其實係未穿的，不過下午開市只維持返現水平開都已經穿了。暫時未有一條靚既止蝕，可用返分鐘圖既升軌，或十五分鐘圖既整固底 (18690)做止蝕。
破位後對上第一目標係裂口橫線19000左右，對上仲兩條黑色降軌，我都唔知會唔會有阻力，所以到位時睇下會唔會有升軌可做止賺，小心為上 !

另外講一講今日分鐘圖，可以講好炒到爆。
今朝跌穿第一條升軌就插幾十 (Jason叫佢做兩個窿窿，好好笑。雖然我研討會度都有講過，哈哈)，之後做双底上穿頸線，再做双頂下穿項線，做埋下降楔形上穿降軌，
依個下降楔形應會上18950左右，而再大點既圖，有點似做緊上升平頂三角，上穿的話可能19250見呢 !

總括係，暫不宜做淡 !

5月21日市前分析

大家好 ! 星期五下午出現左個大彈，由低位彈上去都夾左400點，好鬼勁 !
但今次我只做左兩個TRADE，一個賺70點，另一個蝕返35點，
真係無估唔到夾得咁勁 =.=
我張細權就望到家鄉了，但心癢癢加多張細權，即係依家手上有兩張LC，
尋晚睇一睇幅圖就知加急了~~~
點解 ?! 星期四同星期五做既底，拉一條平衡線，做就左今日既DH (即係紅色虛線)
所以所實真係好兇險呢 ! 跌市做好，真係小注怡情，除非穿左好明顯既位，所以我一直都係用細權玩，依家成本金都係講緊270點。唔排除O係紅線前加多張LP沖一沖...
(如覺得爆邊先會LONG兩邊的)

如果星期一係裂口跌二三百，依條下降通道就成立，除非又向下破圖，否則上穿都可以小小地做好，目標係破位後加400點左右，但要留意再對上既藍降，我相信至少要企返18900樓上先會暫時止一止跌。

之前有講過，長遠去睇， 17000~17300係應該會到，但應該留待下個月吧?!?! (估)

5月18日午市分析

大家好 ! 今日一個大裂口，嚇死人 ! 咁大個裂口，都估佢會橫行架喇=.=
暫時DT今日無得炒 (對我黎講)，朝早做得兩個細圖，不過無玩到，或者等下午吧 ?
我仲有張LC194 o係手，暫時輸緊90點呢 ! 依家真係放又唔係擺又唔係，睇埋下午點行再算 !
一張細權輸極有限，輸晒都係講緊百零點，可能真係會由佢擺下都唔定 !!! 但亦有可能會做返張SC或LP做對沖，睇睇點先啦 !

睇圖先，今日一開就破晒圖，今次跌浪係破圖再破圖，真係好似仲未跌完咁，15分鐘圖好、小時圖好，基本上都無野好睇，咁唯有睇日線了，但睇日線有度唔好，就係唔可以穿位入，一定要睇收市係收O係線位上定下，所以比較煩。
日線穿左黃金扇會跌得好急，依家真係跌得幾急，可惜係裂口。
有條橫線頂住今日個底，係 1/9 既開市位，如果攻穿DL，就可睇18300 了。
但長倉做淡我不如DT算，或者用細權細細地玩下，因真係有點怕會彈。

暫時分鐘圖都無乜大圖，今早只係做左兩個細圖，加埋都有70~80點，但因為位太細，我都無做到 ! 哈哈..暫時都係觀望下先 !

PS. 加多句，要做淡的話，止蝕太遠...講緊差唔多去到19200...所以除非你有好多點HEAD O係手，否則都最好唔好做了!
做好嘛? 更加無位!!!....等下啦!!!( 分鐘圖可能行下降通道都唔定!!!)

5月18日市前分析

大家好 ! 今日無端端走去睇某生果新聞，無端端著左火。
近排都好忙無睇過新聞架喇，一睇就係講拉布 (都好似講左好幾日)
但今次主角係反拉布o個班，我唔係想講幫邊邊，而係想講咩叫新聞報導 ? 咩叫操守 ?
報導新聞應該係中立報導、報導事實， 但佢就全程以主觀方式去指責、取笑反拉布O個班，
之後仲讚揚社民O個班人，真係越睇越火，你話地產霸權嗎 ? 我話傳媒霸權就差唔多 !!!
勞氣過鬼，火都黎>.<

講左咁多野，講返市先 !! 15分鐘圖無乜好講，都係睇住條會爆600點既降軌，
依家O係19370左右了，不過最好就到位先回一回再穿，否則會比較危險。
而今日下穿過19000，但都唔敢開PUT，一來無圖形出，二來成條下降通道出左黎，
好怕會夾返上去，所以都係等下好。

講一講分鐘圖先，尋日、今日，基本上都只係行得兩個圖形，尋日行左個下降楔形，升穿目標係19300，今日已到步，之後上唔到去，就做多個上升楔形，目標係19060，到埋。
兩日兩個圖，加埋三百幾點，如果有上研討會既，又食唔食到依兩個浪呢 ?
(兩條藍色橫線係破位後目標位，基本上係到晒的，食大圖確係好玩^O^)

最近玩得大圖多，對頂同底既定義有左一個新既體會，依個殊不簡單呀，
依個體會暫時我明， 但就係唔係好知點想表達出黎俾大家知，
我睇下星期六或日抽D時間寫份NOTE出黎E-MAIL你地啦
但只FOR有上研討會既朋友...哈哈.....別怪我偏心 !

PS. 我做左張細權過夜，原因? 因我預計今日外圍會先開跌，但離軌底不遠，所以跌幅應該有限，仲有機會先跌後彈。當然，我做得細權就証明我信心不大啦 ! 哈哈
(執筆時美股突然裂口下跌50點，整大左個下降通道既空間，到軌底彈緊上去....快D彈啦~~!!哈哈)

5月17日午市分析

大家好！今日下午又無圖睇了！ 要出去見客嘛！ 今日高開唔多，不過仲做左個好鬼靚嘅後抽，19243亦做了一個平頂，整幅圖黎睇點都係向好，所千祈唔好覺得彈一彈會即刻跌返落去而開淡倉！ 暫時大圖黎計要升穿尋晚畫嘅下降通道先會有明顯嘅升幅，但現時應該會先上19300先，之後會唔會先做整固再上就之後再算啦！暫時只要唔穿19000都唔好做淡住呢！ 好友可暫以今日dl做止蝕！ 我可能打和先會走，即19033呢

PS. 補返張圖先 ! 綠線唔係阻力線，係目標線。
目標已到 ! 吉倉先 ! 又等...........................zzzzzzzzzzzzzzzzzzzzzz......

5月17日市前分析

大家好 ! 今日真係到19000，真係得人驚，不過我反而覺得係真正既終極一跌 (純粹主觀意見)
講一講今朝講過穿下降楔形o個度先，首先佢越低位穿，目標位就越低，第二係佢係先向下破左圖再向上穿，我就當佢行唔成個圖形架喇，所以就算向上穿都無做到倉。
不過下午好好炒，一跌一升加一跌，咁又二百幾點，哈哈 !

先講15分鐘圖先，我認為今日見底，係因為今日有個急跌，我一直話無大圖出就係因為欠一個急跌，估唔到係今日呢 ! 依家行左一條下降通道出黎，區間大約有600點左右，好友要留神了，不過聽日先o係19600左右，有排先到。
另外我覺得今日見底既原因係因為一項指標，黃金比率，都係近期先用，又發現幾好用喎。
大家可以睇下日線圖，用黃金扇可以畫出三條主要阻力，第一條就係我之前畫既升軌啦，
中間o個條一穿，就好快向最底o個條線進發，o岩o岩今日做左個底，如果之後有反彈再跌穿，個跌幅相信真係不得了，大家要留神呢 !
不過因為都係o岩o岩用依項技術，我先唔多講點用，做多點research先，費事用錯 !

另外今日我終於唔用權，而用期指去做過夜倉，由19033call左上黎，見佢穿埋即日下降通道，一來有咁多點o係手，二來咁多項指標都顯示見底，咁就膽粗粗過一晚夜，
第一目標先係19300。應會以虛線升軌做止賺 (或止蝕)

5月16日午市分析

大家好 ! 尋日講入返通道唔應該做好，但又做左，攪到今日要損手了 !
不過只敢買細權，今日蝕左50點，o係有變數既情況下不宜太搏呢，尤其過夜倉~
所以大家都見我近期多玩左權就係咁解 ! 風險管理，切記切記 !

今日唔講15分或小時圖，因為破晒圖，無圖形做無乜好講，所以講日線先，
還記得前幾日我post張日線圖出黎，話好似行緊上升楔形，如果真係的話，目標係17000，
我當時都唔肯定，但依家跌成咁，再加上歐洲o個邊d圖都幾爛，看來真係會到呢 !
但幾時 ? 無人知 ! 可能六月掛?

講返近D先，暫時最近既阻力位係對落兩條裂口橫線，如果穿19130，真係分分鐘19000都見得到，但如果佢唔識得彈上去，又真係好難O係依個位做淡，所以我都係選擇DT算了 !
再想做長倉要多D圖形出黎先得。

今日DT方面，今朝好白痴咁320摸低，去到380都無食，最尾倒輸廿點=.=激死我 !
之後都係做左兩個TRADE，第一個TRADE穿位後一條大豬腸，等左半粒鐘都係得十點。
第二個TRADE一條降軌玩晒，唔過市既情況下食返100點，還好 ! 哈哈
依家可能行緊一條下降楔形，升穿分分鐘上返20300，大家睇位做野啦 !!!

5月16日市前分析

大家好 ! 今日下午開市，標左上19630，到位即回落，真後悔無過市，俾個上升楔形嚇窒左.....T_T 尾市終於穿左藍色降軌，但好可惜，四點後即刻跌返落黎，仲要入返通道內，
最後我都係渣左張LC20000細權，想做好，但又要顧及風險，唯有都係細細地玩下。

但正常黎計，入返通道就唔應該渣過夜了，不過若果渣左，就繼續跟住幅圖去行啦。

做左好既，首先要定返止蝕位，依個係首要，但其實依家無一條可靠既升軌去做止蝕，
所以暫時只可以今日DL做止蝕，大約三百點既風險。但短線D既，可以今日即日升軌做止蝕，聽日大約O係600左右，因為我係細權既關係，都係睇返DL算了，加上今日既成交分怖，應該暫時係跌完的。(不過依家外圍好得人驚....)
如果以正常圖形判斷，就算唔即刻升，都應該會係O係19400至19700中間整固再上 (因為上穿左降軌)，若果係先跌、整固、後升穿今日DH，就會出現一條升軌，到時風險就會變得細好多，依個係完全跟圖既做法，不過穿DL就點都要走，等下次機會 !
好友暫以20000點為目標，目標聽日可能有變，聽日再算。
最好盡快升穿星期一既頂 (19853)，咁就更加確認了。

要開淡的話，暫無位，要等。

5月15日午市分析

大家好 ! 先講下我張icu牛先，頭先計過，只要今日唔穿DL，我總共係輸$5 (未計手續費)
哈哈哈 ! 5蚊買個希望好過買六合彩XDXD

先講15分鐘圖，近期我多用15分鐘圖，因為D位仔細D，真係再大D既位先睇返小時圖啦 !
情況有少許變動，就係本來係一條下降通道，依家開始變形變做擴散下降通道，基本上都係穿降軌做好，做好後都係先睇200點升幅 !
暫時吉倉既唔建議做淡住，因為目標位已到，暫時有反彈實屬正常
有淡倉既如果已經穩賺，可以KEEP到穿位先走。
藍降位置 :午後 19740

另外講下今日DT，依家我都話我只玩大圖，所以一日可能只做兩至三個TRADE，
佢有圖就玩，無圖就慳返，哈哈 !
今朝個升浪無食，不過大家有見到紅線位嘛，一個好大既下降楔形，
520穿位做好，目標睇630。有上研討會既，你地會點搵止蝕同止賺呢 ? 目標價點定呢 ?
你想知有無錯既，可以SEND E-MAIL俾我我答返你。
不過我O係午市前已經走左，一來唔想過市，二來行緊上升楔形，依家等穿位沽呢 !