大家好 ! 星期五真係全日O係街，屋企又無開TEAMVIEWER，攪到乜都無得睇又無得寫BLOG...=.=
朝早O係200附近已經走左隻小牛，再做左張小權LP186，不過睇美股夾得咁鬼勁，星期一都係要坐了，幸好張權都係200多點。
今日POST左好多張圖，其實都幾睇得唔係好通，依家逐張圖講，先講美股先。
美股小時圖已經吉穿左個小上升通道，如果係行長方形走勢，理論上應該目標係13400，但要注意一樣野，還記得之前既頭肩底 ? 頭肩底目標其實係13100，即係星期五既頂。
依家問題就係，究竟只係左依個頭肩底目標就算 ?! 定會行埋個長方形目標波幅13400呢 ?!
就係因為美股星期五既走勢，令我好睇唔透 !!
另外美股分鐘圖穿左上升楔形，預計星期一會回一回到12950左右位置，亦即係長方形既破位位置，之後如果有頂，就好可能係後抽出現。依家真係得個估字。
德股，夾返上上升楔形降軌位置，假若依家做後抽，就會落返去剛剛既底部，
圖形未轉好，除非破頂。星期一應該會揭曉吧?!
英股同德股一樣抽返上去，唔同既係，德股抽返上降軌，英國則抽返上破位位置，
同德股一樣，圖形未轉好，仍然可能只係後抽。
但美股同歐股圖大勢都幾唔一致，但星期一美股應要落一落，歐股又上左去後抽位，所以都應該係跌既多。
不過感覺上依家大戶好似要你賭大細咁，一係見頂，做完後抽回落 ; 一係破圖再上。@@
睇埋港股圖，先睇小時圖。
今次既底部係19675頂部後抽既目標，識得拉線就可以拉得到。
今次既反彈，直係完全無圖形去食，應該只係因為到目標淡友止賺所以先大彈。
而依家有兩個可能既走勢 (一係升...一係跌....癈話中....XDXD)
1) 上返穿升軌位置 19500左右打多個後抽再跌，咁目標可睇18000。
但如果做淡的話，上穿藍線降軌就要走。(聽日係睇下月期了，下月期有低水的...)
2) 又或者剛落18600已經行完依個楔形波幅，即短期跌完。
因為成個楔形最終目標又未到，形又未破，我都唔會做好住，最多唔做倉姐 !
張細權就睇埋期結再算了。
所以如果有淡倉既，要睇星期一開咩位，開O係19500以下當然係好啦 ! 如果開O係以上，就睇返藍色降軌要做止蝕，聽日大約O係19600左右。
吉倉既，我覺得無論開淡開好倉最好等一等，如果聽日裂口向上，就會出現一條升軌，睇埋圖形就可以決定穿位開唔開淡。而有好倉在手既都可以以升軌做止賺，聽日開市O係19250，每十五分鐘向上升15點左右。
加多張月線圖，我成日話今年走勢同去年好似，大家可以對比一下。
上年下半年主要係行緊個上升楔形既下跌幅度，各位拉一拉線就會見到16000就係依個楔形既目標。而今年亦都係行左個上升楔形，而17000係依個楔形既目標，但分別既係，依個楔形差緊一個後抽，趟若港股短期真係跌完，往後上穿20000破圖的話，就應該會上返20500左右做埋個後抽。
總括黎講，長遠大勢未變，仍然係要跌。
問題係依家跌 ? 定上返20500先跌 ?!
所以想長擺正股嗎 ?! 仲係未係時候 !
