6月29日午市分析

大家好 ! 今日暫時夾單邊，都幾好玩! 我隻過夜小牛今朝走左...食70蚊...有早餐食..HAHA!!^^
尋日講左條虛線升軌只係FOR即市用，大家今日應該明點解啦?!
今日開市上返升軌，就証明依條升軌其實無乜用，所以要記住，只穿升降軌的話，只宜即市做，主要入市時機係穿"圖形"。亦係正正我一直唔敢亂做淡既原因...

睇一睇大圖，我放左日線圖同15分鐘圖出黎，先睇日線，主要睇RSI，之前有提過，RSI係可能打緊後抽，而依家睇就更加像喇 ! 依家最主要要睇可唔可以升穿綠色橫線，升得穿，20200見 ! 所以如果今日升穿收市，我應該會有好倉過夜。另外15分鐘圖方面，升穿左大三角下降軌，見19600橫線，其實睇返仔細D，由19624拉過黎既阻力其實係輕微向下，剛好做左今日個頂，換言之，穿大三角後既目標其實已到，依家就要睇可唔可以穿今日DH，穿左可以追，最好企到O係19624樓上收市，咁就可以好倉過夜了。
另外畫左兩條紅色虛線升軌，用是旦一條做住止蝕位先，但要當升穿19624先可以用黎做開淡位。

即市方面，其實今日係幾好炒，因為行得好快~
1. 穿下降楔形，目標係19045 (我AO渣的)
(19019CALL，19040平)

2. 當時先畫到一條下降通道，仲做埋好靚既後抽，目標兩個，19075、19105
(19010CALL，平均19090平)

3. 依個TRADE我係偷步的，因為見佢做左個大圓頂，又似頭肩底，所以O係右肩做左CALL.
如果以做旗既升幅，19450係目標，但我19400平鬼左了...)
(19185CALL， 19400平)

之後買左張22000既大權(4點=$200)，同埋19480左右ON居居咁買左隻牛牛，贏得有點心雄添，雖然唔係大注碼=.=
希望午市後升穿DH啦!!!! 如果今日唔穿阻力咁就咩位都會走架喇~~~~

6月29日市前分析

大家好 ! 依家好似要打風呢~~~ 大家出街帶定把遮好D喇 !
今次我想先講即市圖，想交代返我點輸o個30點，同埋......原來我係唔應該輸的，
我係睇o岩左個市，只係俾個市夾走左............唉!!!!

大家睇午市分析，應該見到我畫左條藍色上升軌，仲要係跌穿左既對吧 ?
不過其實係一條上升楔形，今朝我就係見跌穿依條上升楔形，o係200沽左張，
當時睇19000，定左30點止蝕，點鬼知佢一跌係咁夾，夾走左我~T_T。之後整個下午原來都係後抽黎，到三點就目標波幅進發，當真頭也不回。唉........
不過都做左一個trade，皆因見到有條上升軌做左個三底，又見目標位(橫線)未到，所以就等佢再試升軌時沽左張，食返30點走人 ! 成個浪成200幾點..........食得30點.....真係想講粗口>.<
我用o個三舊水買左隻850牛，皆因見港匯又無弱，圖形又到左目標，是鬼旦搏一搏。

講返大圖先，今日o個條大降始終未升穿，先以唔洗做好住，而跌穿左紅色升軌，但依條軌只宜俾你即市做淡，因為佢只係一條三角形升軌，仲要做得兩個底，都唔知真唔真的，所以尾市先跌穿就更加唔洗做淡。黎緊可以做淡既位都係18830橫線，大陰燭跌穿可做，最好就回一回先再跌穿，咁就成一個好大既平底下降三角，咁淡友就可以出擊了，如果成圖，將會見18000。等左好耐既做淡圖形終於等到，依家做好做淡都有位了。好緊張呢 !

6月28日午市分析

大家好！大家見到個咁古怪嘅圖就知我又喺出面啦！哈
今日一開市就開喺第二目標位350！不過我平唔到，因為我係牛仔呢，最後等開市平，都有12格！

大圖黎睇，今日個頂位剛好俾一條由21700拉落黎嘅大降軌壓住，要再上車，就要睇住依條線，穿後上望19600橫缐。藍色虛缐升軌係止蝕！如果今日即巿穿降軌，咁睇下head住几多先決定過唔過夜啦！
穿藍色虛缐升軌可即巿做淡，即巿好了！

即巿方面今日做左一轉，輸左三十點，希望下午追返啦

6月28日市前分析

大家好 ! 今日真係好悶好悶...個市完全係唔識行咁...即市做得一個TRADE...食左廿幾點...不講也罷....!!! 張CALL O係175都止賺埋，不過O係140左右位置入左隻小牛過夜，都係用期指既利潤去入，穩穩陣陣的好...HAHA~~

睇大圖，穿左191橫線後，上極都上唔到250，不過仍然未有新圖形，所以暫時不宜睇淡。
整固左三日...我諗唔會就係為左升O個百幾點吧?!?!
做左好未走既，如果穿返落19100可以當打和走左先....想睇長D就穿虛線先走，聽日已到18960，目標仍然係19250、19350，之後就睇可唔可以上穿19600了...
暫時未有位做淡呢!!!!

6月27日午市分析

大家好 ! 今日終於可以一吐烏氣，因為終於升穿左長方形，唔洗再受長方形整固既煎熬 ! 哈哈 ....
先睇大圖，今朝升穿19100橫頂，第一目標係19250先，今日最高上19230，差廿點，我就有一張O係19190止賺左，另一張放19170止賺，依張由得佢隨風飄吧 !
依個長方形，同我之前講既下降楔形目標都一樣，都係19350左右，會唔會借勢上穿19600橫線呢 ? 咁就唔知了 ! 所以如果想睇長D，可以以新畫既虛線升軌做止蝕，又或者入返19100當打和走人~ 其實我覺得O係依D大位做兩張最化算，一張SET住止賺，至少賺左個本先，另一張由他飄.....不過當然要睇得準啦 !!!
想做淡，都係O個句，至少穿18830 先 ~~~~

即市方面，今日做左兩個TRADE
1. 尋日講有一條升軌穿左可能會挑戰18830，就係依條了，不過佢穿左之後第三枝燭就入返去，所以DT2我都有講要等，等個形態似先入，所以依個唔洗入。
2. 上穿平頂三角，目標19020。依個當佢穿位時唔夠1分鐘已入，因為剛剛向下做左個假穿，經驗話我知每次大升或大跌前，都會有假突破出現，所以當出現假突破時個心態已經向好了。
(18975CALL，19020平)
3. 依個唔洗講啦，穿19100，陽燭穿，O係上面企左三枝燭以上，等佢回少少就入。
穿升軌平 !
(19110CALL，19190平)

6月27日市前分析

大家好呀 ! 今日可謂DT日，因為今日個市好易炒，所有圖形都到晒位，
有上DT2既朋友今日應該有得食吧 ???
尋晚美股跌百幾，都諗住今日張CALL要至少蝕二三百，又真係估唔到18830依個底咁硬淨，跌唔穿不突止，仲要倒升。不過今日成日要去客度開會，初初諗住個會有排開，分分鐘收市都未開完，驚驚青青諗就算擺止蝕都會跳格，驚止蝕唔到，所以18900就平左好倉去見客，咁樣無90點真係過份>O<
兩點半左右返到公司後專心DT，做左兩個TRADE，賺返今朝O個D先 ! HAHA.....

先講大圖啦 ! 形勢無變，都係長方形，是旦穿一邊都可以做，上穿19100做好，望19250、19350、黑色升軌後抽位，睇下會唔會挑戰埋19600啦 !
下穿19830做淡，望19600先，之後唔識睇。哈哈
暫無止蝕位，先定50點止吧! 風險幾多自行決定啦 !
暫時維持偏好，因為暫未有一個較差既圖形出黎，同埋都係O個句，仲爭一個頂呢 !

即市圖方面，今日可以做 4 個TRADE，我只做到最後兩個 !
1. 一朝早做左上升楔形，目標18890，但下午開市先到，死得啦=.=
2. 上穿下降通道，目標19010。好快到步。
3.  上穿下降楔形，目標18980。
(18950CALL，18980平)
4. 上穿平頂三角，目標19025。4:00後先上，玩牛熊就屎左了=.=
(18985CALL，19025平)
大家應見到有一條大既上升通道限制左今日既升幅，如果聽日唔可以裂口穿上升阻力線，而仲係O係空間內，咁跌穿升軌的話就應該有力跌穿18830橫線了，淡友們要注意 !
但裂口升穿上升阻力線就當然會比較好啦 !

6月26日午市分析

尋晚美股急跌，但今日港股一開市就夾上，做左双底双頂嘅長方形形態（18830~19100）穿邊邊都可以開倉，若270點幅度

今日喺街忙，無圖呢

忘了講！18900平左好倉！轉倉期間吉吉算

6月26日市前分析

大家好 ! 今日都未到19100就遇強大阻力，差點跌穿DL，不過佢唔穿，我又無cut到，
曾經有一段時間，我真係寧願佢穿左佢，等我cut左張好倉計數算 ! 不過最後都係過左夜，雖然今日大上大落，但臨尾都只叫做被個市head住30點 ! 依家外圍跌得好差，唔知聽日點呢 ?@@
題外話，我曾經o係度諗，如果下下都夜媽媽先出post，即係等美股出方向時先出post話自己做左咩倉，咁我就真係可以立不敗之地喎 ! 哈哈.....
不過我都係諗下，股票依家野唔係贏就輸，無乜好癮暪 ! 可能就係咁，大家先對我咁不離不棄吧 ? ^_^

睇返大圖，唔知係咁o岩定咁橋，今日兩個底都係虛線位留左隻腳，不過如果佢會彈返上196就可用 !!!! 暫時黎睇，19100做左双頂，而頸線係18830，穿頸線就有機會落18600左右位置，所以如果聽日穿今日day low，咁所有好倉都要cut，真係埋單計數。
唔穿，唔洗走，仍然睇19250先.....
開淡嘛，穿18830都可以開，但我偏向等圖形出，我都唔知擔心D咩，總之就好擔心啦 ! 因為無論港匯，港股圖表，成交等...都唔似會大跌 (雖然都跌左好多.....=.=)

今日post埋日線圖，主要睇兩樣野，一係黃金線，如果聽日收o係黃金線61.8%以下，真係所以好倉要走人~! 而另外係睇rsi，之前升穿RSI降軌，今日剛到跌到RSI降軌既位置，就睇下會唔會係後抽 !?

即市方面，本來無時間玩，不過襯食飯時間玩左兩轉。
我本身係有兩張CALL，一長一短的 ! 都係O係18990做 ! 午市開後跌穿上升通道走左一張。
之後用黎做下月DT

1. 下穿上升通道做淡，目標915
(950PUT，920平)
2. 跌穿頭肩頂，等佢行穿上升通道目標，上返黎做後抽再入。
(930PUT，880平)
3. 之後要做野，所以870入返張CALL，之後就一路坐，坐到尾市又上返黎，O係臨尾十幾秒860CUT左一張，留一張算 !

之後仲有兩個圖形，但睇到食唔到，因成日要入房開會....
一係個平底三角，另一個係W底。
午市後跌穿上升通道

6月25日午市分析

大家好 ! 今日星期一，係我既例牌大忙日............真係好忙T_T
今日低開，開O個位其實都好靚，剛好開O係星期五做既圓頂頸線，好快就到左18850目標位，但我隻850牛竟然唔洗死...哈哈!!!
唔知大家仲記唔記得我講過，要再上車，就要跌穿上星期五朝早既底 ?
今日就真係跌穿左，所以做左個好靚既下降楔形，之後仲要遇降軌再回一回先穿，
我O係18990做左好倉 ! 目標係19250、19350 !

講返大圖先，O係升穿下降楔形之後，就黎到19100既裂口橫頂，未上車既朋友可以睇一睇依條線，升穿就會見19250，但暫時未有穩陣既止蝕位，只能擺止蝕O係今日DL，風險都幾大，所以入市時間係好重要就係咁解 !
若果做左好既朋友，今日穿返入楔形就要走，如果升穿19100並企O係上面收，可以睇多日。
若果上埋250或350唔穿的話，可先行放一半。要注意條黑色升軌，如果入得到去收，咁就升穿19600再上20000既機會就好大 ! 不過都係要見步行步，到目標位我都係建議分段止賺，
最多升穿19600先再追 !
(目標有兩個係因為，19250係裂口目標、19350係下降楔形目標)
下面畫左條藍色虛線，若果你覺得今日係見底，認為上20000機會好大，咁就唔應該跌得穿依條虛線，所以你睇長線的話，可以以依條虛線做止蝕或止賺 !
但切記，升穿19600後依條線先算確認，一定要升穿19600可以依條線做開淡位 ! 

做淡嘛 ? 都係O個句啦 ! 未有圖形唔會做住 !

即市我都係做左一個TRADE，就係穿下降楔形O個個 !
圓頂都無做 ~~ 太忙了 T_T

6月22日午市分析

大家好 ! 尋晚美股急插，攪到今日港股跟住插，但插好多又唔算，依家跌緊二百幾啦 !
我隻牛，蝕左三十幾格走左LU，幸好只買40K股，即等於細期120點左近 !
好多人都關心我D權點呢，暫時埋單輸緊100點(計埋贏O個D，以今個TRADE計)
真係將我月頭辛苦搵返黎既打個大折=.=
不過其實都係一個好經驗，今次點解輸? 都係衰偷步。因為到19600時依個係大下降楔形既目標，其實點都應該要食糊再等圖形，穿位先再追，真係貪字得個貧，或者係因為之前講既位太神，講親都中....攪到有點意氣風發.....要好好反醒下先得!!!@@

講一講大圖，今朝裂口穿升軌，但我未開淡，基本上就算佢一直插落去我都唔會開淡，
因為根本無圖形，一直都講，仲爭個頂，無圖出黎我係唔會做淡的，所以我覺得現時係無位做 ! (唯一可做淡既地方都已經裂口穿左.....並已到目標)
要做好，最穩陣係穿19600橫線先做，咁就可以上望20000~20200了。
又或者陣間下穿今日DL做多個底，就會有圖形做好，但係頭肩底就唔係太像樣。所以你或者可以偷步依家CALL，穿DL CUT，但最好都係等穿19600。

可能會有D人講，咁依家仲有成500點，升穿600先做咪錯過左依500點，咪好ON居? 我好耐以前都會咁諗，但當你玩得多，睇得多，你就會知咁諗係錯。睇圖形係為左預測未發生既事，破位就係會跟預測既目標走。但未破的話，仍有機會唔係咁行，所以如果你等穿19600入，你雖然食唔到之前既500點，但你可以穩食往後600點。如果你依家入，你分分鐘連O個500點都食唔到要倒輸(就好似我咁....戒貪心@@)

今日POST埋美股圖，因為我覺得美股同港股實在太似，而我對後市少少預測，睇下會唔會係咁行?!
1. 美股同港股都係上穿左下降楔形後再做頭肩底
2. 破位後大家都係O係目標位有止賺盤而急速回落，美股係12900，港股係19600
3. 大家回落都係到頭肩底頸線位置
預測 : 會唔會就係等行完下降楔形既延伸浪之後再行頭肩底既延伸浪呢 !?
嗯......無論往後係升定跌，都要好好記住依次經驗(，我相信往後仲有大把依類圖形出現 !

即市方面...唔洗玩...豬腸一條 !
19100看似有條橫線....不過今日波幅好窄，暫時用返第一次研討會既DT方法會好D !

6月22日市前分析

大家好 ! 今日又係一整日跌單邊，所有下降通道都唔到目標，反而上升通道就ok喎 !
如果一早信尋日既上升楔形，今日就食足成個浪啦 ! 真失敗 !
不過我會好好記住依個經驗 !! (HinHin.....係咪有心同感受??@@)

講返大圖先，今日由頭跌到落尾，我365入既好倉，依家仲keep緊 (其實係牛)，
因為我骨子裏仍然相信個頭肩底，仍然係睇20200，所以本來係315止蝕，我都決定做長倉。
跌穿19300長方形後，即試紅色升軌即19250位置，之後有少許反彈。總之一日唔穿，我一日都唔會睇淡。
依家睇埋即市圖，收市前升穿小下降楔形，所以o個幾張權繼續keep~(無錯，又成手好倉-.-   D權蝕到嘔....=.=)
聽日如果升得穿比較大既降軌，就有力向上挑戰19600橫線，升穿埋的話，就可以睇20200了。降軌大約o係19370左右 ! 做好後，以紅色升軌做止蝕 !
如果跌穿紅色升軌，可以做淡，但只FOR即市，因為無圖形，無得計。可能會去19100吧?
總之要有圖形，就一定要升多600~800左右做多個頂啦 !
如果做左好倉過夜，基本上聽日係裂口向下都要止，當然可以睇埋19100橫線先啦，
要睇裂口幾多先決定到，但都係要搵位止蝕喇 !

即時方面，我無做TRADE，因為做左好之後就一直無理佢 !
不過今日有個上升通道都幾靚，跌穿後即到250目標位，皆因係尾段15分鐘，通常唔打後抽的，直插 !!!!! @@

依家我有三張權一隻牛..........願主保佑 T_T

6月21日午市分析

大家好 ! 今日無預期既20200添，皆因仲未破頂，所以反而我隻近熊有得食，
不過買得細，叫做賺左個早餐...HAHA~~~
不過今日身體不適，痾到九彩.......好無精神 ! T_T

睇大圖，19300~19600做左個長方形整固圖，如果下穿，可試少注淡，目標係紅色升軌，
不過皆因無降軌做止蝕，風險較大 ! 紅色升軌依家O係19180左右。
如果穿紅色升軌，可沽，但只FOR即市，因為無圖形既關係，再加上頭肩底未到目標亦未破圖，要小心 !
想做好，都係睇196橫線啦，穿左就可以做，記得唔好偷步 !
不過O係未下穿升軌前，我都仲係好友一名 !!

下穿升軌的話我D權都要走了~~ 如果真係走，減返上次既利潤，可能都要輸少少，不過到時再計啦 !(其實我係19420入權...依家都係跌幾十點...時間值真係蝕得好快T_T)
D權最遲會聽日走，過WEEK D時間值會蝕得好甘的，險非上穿大位另計^^

即市方面，今日做左三個TRADE
1. 上穿下降楔形，不過之後行左長方形，穿底止蝕。(465CALL，445CUT)
(其實一日未穿頂，即係未破之前上升楔形既圖前，或者未到330目標位前，應該不宜CALL~)
2. 中間位沽，因為看來會行埋上升楔形個目標，所以沽左，不過中間位入市較危險，所以保持今日正數就走左 ! (420沽，390平)
3. 長期既下降通道，午市前O係365CALL左，目標係445。暫時315係止蝕，等緊升穿375就會有條升軌做止蝕或止賺 !

6月21日市前分析

大家好 ! 今日即市無炒過，不過朝早入o個隻"完整牛"，o係560左右已經放左，
因為大家應該見到即市圖有個上升楔形，依個楔形既最終目標係19330，
所以穩陣起見，都係平左隻牛先，但三張LC仲keep 住，暫時蝕緊時間值，總共蝕緊60點 !
另外尾段補左兩手196熊，依個係保險，用五百蚊做個保險，就算打靶，權o個度都有得食 !
不過依個上升楔形，o係臨跌前做左做多個後抽，而依個後抽既目標位就係虛線位置，即係話可能依個楔形既跌浪已完 !

睇一睇大圖，今日個反彈位原來剛做左三底，係由上穿頸條個底開始連成一條升軌，
整個形態係一個上升平頂三角，升穿頸線的話，目標波幅係 600 點，即又係 20200 (講到口水乾了...)，就睇下聽日會唔會穿啦 !? 如果穿位，可以call，止蝕放返o係依條升軌先。
但跌穿都唔好做淡住，要等圖形呢 !


尋晚請教左個朋友，咩叫"銀山谷、金山谷"，之後再走左去做RESEARCH，
意思大約應該係咁.......(有錯請糾正)
銀山谷 - 意思係5天線升穿10天線再升穿30天線，而10天線隨後亦升穿30天線 ( 日線圖第一個圈圈)
金山谷 - 出現銀山谷後，如果再O係相約或高於銀山谷位置，再出現一次穿線，而方式是跟上一次銀山谷一樣的話，這個便只做金山谷。是利好信號 ! (即今天)

6月20日午市分析

大家好 ! 今日確實高開，但真係高開得太少了吧 ?
成朝都係一個悶局，無做DT，不過就補返O個 3份2牛，終於成返一隻牛了 !HAHA
我加返牛，係因為我已經穩賺，一來尋晚過夜O個隻有利潤，二來賺左尋日個升浪，
依家入返，止蝕用返藍色虛線，點都有得賺，只係賺多賺少咁解 !

睇返大圖，形勢都係不變，等緊升穿綠色橫線。
而條虛線只係俾我尋日既倉做止賺的，係未成立的，唔好見穿左就沽呀 !!!!
至少要升穿綠色橫線先成立 !
做淡仍然係無位 !要繼續等 !

即市方面，唔洗睇，乜都唔洗做 !一個字，悶 !
睇下下午會唔會有返D波波啦 !

6月20日市前分析

大家好呀 ! 今日個升浪大家有無食到，我相信有上研討會既，一定食得到，仲要係o岩o岩o係頂位平倉，對吧 ? 但如果去到目標位無走到，回到中間先走的話，就要記住依次經驗了。
依家我都仲係成手好倉，三張權加一隻牛牛。點解係牛牛 ? 因為唔想玩得太大，所以都係少少地玩隻牛算......都講緊18950回收........!!!! xox

講返圖先，今朝畫既下降軌穿左，即市黎計到左目標 (490)，但唔代表會跌呢 !
因為如果以大圖去睇，依個可能係旗形，如果旗形成立，個升幅真係不得了 !
有位靚女今日叫我模擬畫個旗形出黎，所以大家請看日線圖 !
由18750升到上19600，依枝我先當佢係一枝旗桿，尋日同今日既下降通道係下降旗，今日已升穿下降通道，所以如果成立，升幅會係等同旗桿既升幅，即由低位起計約 850點，亦即係頭肩底既目標大約20200，聽落好似好誇張 ?不過睇圖就係咁睇。信，你就入，放返止蝕 ; 你唔信，就寧願唔入都唔好亂沽，知道嗎 ?
吉倉既，如果聽日高開，可以睇返綠色橫線，如果升穿可做好，止蝕就放o係藍色虛線。
如果做好過左夜既，都係睇返紅色降軌做止蝕，聽日約19060。或者跌穿今日DL止蝕都得 !
想做淡，未有位。至少要升穿綠線先會有位做淡。

即市方面，下午唔計上午過市O個個TRADE做得一個TRADE。
1. 依個上午做落，要輸呢 ! 不過穿DL後HIT唔中我止蝕，所以最後18360平，輸少左 !哈哈...
(18390PUT，18360平)

2. 依個TRADE O係午市分析有講過，穿下降通道會有大約100點目標升幅，370穿位，最高到494，足足124點，相信有上堂既一定食得足，對吧 !?
但我依個TRADE無技分可言，因為止蝕後突然想做長倉，又無端端唔想做期想玩牛熊，所以O係340~350左右位置入左隻牛，依次係心血來潮的，大家唔好學。 ^^
食左12格，當120點啦 ! 但只走左3份2，仲有3份1過夜中......

3. 依枝係旗形，因為頭先講左日線既模擬旗形，所以依家拎一個實例俾大家睇。
旗桿係490~400即90點跌幅，之後做上升旗，上升旗頂部係430，跌 90點就等於收市前既底部340。

6月19日午市分析

大家好 ! 尋晚掛住睇意大利，攪到今朝超眼訓，好彩都贏波 XDXD
今朝高開少少，之後就回落，但我O個三張權都未走，係蝕緊時間值囉T_T
但形勢未轉，仍然向好。今日個跌勢仲更加覺得添 !!!
點解 ? 睇一睇大圖 !
都係o係紅色升軌上面，再加上未有新既大圖形出現，即係話依家應該仲係行緊頭肩底既延伸浪。尋日同今日加埋行緊個下降通道。大家可以睇一睇兩個藍圈位置，覺得個形態像嗎 ?
所以如果穿降軌可以做好，分分鐘即爆上去20200都唔定 (幻想中..haha)
不過穿位後第一目標係綠色橫線先，上穿綠色橫線就可以橫一條升軌做止賺，到時就由得佢向上自由表現吧 ! 穿升軌或到20200左右平倉 ! 止蝕擺o係今日穿降軌前既daylow先 !

想做淡 ? 無位 ! 要等圖形出黎先有得做 !

另外即市方面，今日做左兩個trade~
1. 上穿下降楔形， 目標係19440 ~ 19450 左右 ! 中途要出街，所以平左倉 !
(375call，395平)

2. 返返埋位又call返，哈哈
(390call)
穿今日daylow止蝕。

而依條大既下降通道，上穿後大約有一百點目標升幅 !!!

6月19日市前分析

大家好 ! 今日下午真係落去400左右，既然個頭俾我估中左，咁我唯有O係O個度做張LONG CALL啦 ! 本來諗住細細地玩下，點知尾市見到幅圖，穿左降軌後打左兩個後抽，臨收市仲要升穿埋整固降軌，攪到自己忍唔住加多兩張LONG CALL~~依家又變左成手好倉了 !
IG依家跌緊，都咪話唔驚...>_<

講返大圖先 ! 我都刪左唔少線，因為已經無用 !
依家無圖形出，通常破位後既延伸浪都係無圖形的，所以係好正常 !
我先講解一下圖裏面既線係咩黎先 !
紅色橫線係對稱線，最頂O個條就係整個頭肩底既目標所在，即20300左右。

藍色虛線同線色橫線係同一組圖，只要聽日夾穿綠色橫(即今日DH)，咁藍色虛線升軌就成立，大家可見依條通道係好斜，即係意味住只要夾得穿今日DH，可能會升得好急，頂位會係20200~20300左近，而升穿橫線可以做好，以藍色升軌做止蝕。
另外，只要升穿今日DH，藍色升軌就可以用黎做開淡倉既位置，所以無論係好友定淡友，都請求神拜佛聽日裂口升啦 !!! HAHAHA...^O^
當然如果低開，依條升軌就要作癈，要再等圖形出喇 !

紅色升軌一如過往，用黎做止蝕同開淡倉用，大約會O係18960左右。

至於即市，今日真係好好好好好失策.....真係O岩O岩寫分析前先見到個大平底~
就係藍色圈住位置，目標位就係今日DL..........唉 !!!失策 !!!
今日即市做左兩個TRADE
1. 午市分析講過，穿540會見490，而我565偷步沽啦 ~~~ 可惜睇唔到有個更大既平底=.=
(565PUT，500平)
2. 430做左個平底，跌穿後上返黎430PUT左，但SET止蝕時禁錯掣，O係433平左倉=.= 之後見佢入返空間裏面都唔敢再沽，但正常黎計，因為入返空間，所以之後係要有食好食 !!!!
(430PUT，433平)

尾市講左我點解做LONG CALL，唔再重複了 !
今日連埋朝早輸既28點，都有34進賬啦 !

6月18日午市分析

大家好 ! 今日又高開了，仲要穿埋條上升阻力線，所以便即刻到第一目標 19600 !
一高開迅即回落唔算出奇了，所以尋晚我寫分析先特別提到，唔好一開市追call，消息還消息，圖表還圖表。
我o既好倉今朝已經走晒，賺左先算 ! 哈哈 ! 不過仲未係時候睇淡。
如果你好倉未走，睇返15分鐘圖，你可以用紅色上升阻力線做止賺，下午大約會o係 19510左右，再長遠D既，就下穿綠色升軌先走，大約o係19350左近。
不過我覺得，如果要升上20200~20300頭肩底目標，咁至少要回一回返落19400左右，
如果落返o個D位，我應該會做返張LONG CALL。
總之暫時形勢無變，仍然係向好，所以唔好亂沽過夜 !

另外即市方面，今朝要輸了，穿左下降楔形，見佢做左個後抽，所以等佢返落545左右CALL左張，但之後HIT到我止蝕518，暫輸緊28點 !
中段行左個下降通道，睇到畫到但做唔到....因為突然有野做=.=唉.....
最後有少少似行緊頭肩頂或平底三角，再加上今日我比較偏淡，所以偷步O係565沽左，頸線應該係540，穿位後目標係490，不過今日咁既市我會MARK住止賺黎做，至少做到打返個和先 !

6月18日市前分析

大家好 ! DT研討 2 終於完滿結束，如果仍然有咩唔明就SEND E-MAIL問我啦 !
星期五下午既急升，大家有無食得到 ? 條頸線等左咁耐，終於穿左，之後就即刻向上無回頭，依D就係圖形既威力喇 ! 哈哈....

今晚希臘選舉，都算係一單頗大既新聞，正常黎計係應該開兩邊LONG 的，但最後我都係決定單邊LONG CALL，皆因一. 我相信依個頭肩底、二. 我渣住100點權証既利潤。
不過我都唔敢渣期指，風險管理係好重要的 !!!

黎緊星期一，無論高開定下跌，千祈唔好受新聞報導影響，一切都係看圖為先。
即就就算希臘O個邊係好消息，都唔好一開市就CALL、壞消息就沽，咁樣只係散戶做既市，係一件好危險既事 ! 切勿模彷 !!!!
依家升穿頸線後，持貨既朋友第一目標係對上既上升阻力線，大約O係19470左右。如果開O係上升阻力線以上，咁就可以睇19600，最終目標係20200(頭肩底目標)
止蝕同樣係擺返O係紅色升軌，聽日已去到18830左右。
畫左一條綠色升軌，可以用黎做止賺用，但並唔係用黎開淡倉的 ! 切記 !
吉倉既，如果高開的話就追唔過了，但係如果低開落返頸線可以試下做好試一試，但注意既係，紅色升軌係你既風險所在。如想穩穩陣陣做倉，咁唯有等穿紅色升軌開沽啦 !

6月15日午市分析

大家好！我依家喺外面，剛下載左個blogger，第一次咁樣打分析，仲要有圖，哈哈！
尋日兩張權，加埋都有一百蚊賺！哈！今朝一早就走左張put，反手加多張LC同一張期。點解？因為尋晚美股已向上破大位，所以今日一朝早就走去偷步！依家暫時會做住長倉先，如果收到喺19100橫線上會過week，不過可能只過權呢。
又可能臨尾加張long put都唔定！
始終要過week同埋大選！@@

大圖方面，今朝上穿第一條橫線位後，睇19100頸線，其實實際點數係10975，已經到步，暫未升穿可以先行平倉獲利，想睇長線就用返紅色升軌做止蝕。若果升穿頸線，第一目標當然係之前上升阻力線啦，破埋圖就會見之前講嘅19600啦，再向上睇有可能會到20200呢！
而暫時真係未係時候做淡，胡亂摸頂會輸得好慘的，好似尋日一下急跌，如果追左淡就大獲，想做淡的話只宜即市！不宜過夜！除非跌穿升軌啦！

即市方面，今朝穿左個上升楔，但我只係平左一張期止賺（一張長倉一張短炒），今日連即市都唔敢沽！最後真係破埋圖上試頸線！下午我諗都係唔會做DT住！

6月15日市前分析

大家好 ! 今日大部份時間都係好悶，我都無從入手，尋日張期已經平左，平手，不過期權有賺，嘿嘿....今日下午只做左兩個trade，跌浪食唔到，信心未返黎前少做為妙 ! 哈哈 !!

今日下午跌得好急，我仲以為會跌穿升軌俾我開淡倉添，不過最後o係升軌前停左步，
最後我決定LONG兩邊，本來諗住聽日先做，不過我諗緊今晚美股會唔會偷步升左先或跌左先呢 ?所以LONG兩邊試下，希望今晚美股大跌或大升二三百就好了 ^O^
升軌依家o係18720左右，最好係一枝大陰燭插穿佢，咁就可以開淡倉，
目標大約係穿位後600點左右，大家要注意了 !

而做好，都係睇返上面既橫線。空間已經越黎越窄，基本上聽日，最遲禮拜一都應該會出方向，時值希臘大選，係龍係鳯就快有得分曉了 !
我打算聽日尾市牛熊各入一隻近價的，搏一個大爆邊就夠了 ^_^

入得黎依個blog，大家都係信圖表，所以出面o係依段時間一定會有好多消息去左右大家既思考。千祈唔好信消息，信個圖，圖自自然然會俾方向你 !

即市方面，做左兩個TRADE，都係食好少。個跌浪理應食得到，但信心唔夠，無襯佢後抽入。T_T
1. 本來以為係頭肩頂，點知又唔係太似，因為太CHOK，所以入左之後食左10 點走左。
 (870PUT，860平)
2. 升穿小型下降通道，目標890，如果唔識計目標波幅，我一定死得好慘 !!! HAHA...
(875CALL，890平)
3. 其實個大跌係因為跌穿左尋日同今日既一條升軌，而今日一整日都似行緊一個頭肩頂 (只係我睇將頸線睇高左一格-.-)，用對稱尺去量度，就會量度到750係目標了。

***我仲未寫好notes...........今晚看來要開夜車T_T***

6月14日午市分析

大家好 ! 望一望個鐘，依家已經點半了 !無計，朝早出左去見客，剛剛先返到公司 !
今朝無做過trade，只係朝早平左張LP，咁都有700蚊執，嘿嘿 !!!
而張細期仲KEEP住，睇下午市點行先再決定平唔平啦 ! 反正有 70 點可以蝕 !!!

大圖形態就似做左三頂，升上穿的話應該會挑戰19100頸條，
想做好又想穩穩陣陣既，我諗都係上穿頸線先做好，
做左好之後就以返紅色升軌做止蝕，最好係一枝大陽燭插穿佢，咁個形態先叫靚。
想做淡都係O個條升軌啦，依家已經去到18680喇 !
都係O個句，O係頭肩底形態既情況下，唔好亂做淡。
因為如果你做淡，你只有一個止蝕位，就係19100，已經FIX死左個風險
但如果你做好，你有條升軌，升軌係不斷向上移，意味住你風險只會越黎越細，
再加上形態利好，所以寧願唔做都唔好做淡倉住好D !!
(DT除外)

6月14日市前分析

大家好 ! 今日下午好難炒，D燭好細，又chok又慢，一路行長方形，真係頂佢唔順。
但今日我有過夜倉，一張細期call 加一張long put，即係我係睇升的，只係做對沖買個保險，
下面會講做過夜倉既原因。

睇圖先，大圖方面，連埋收市，做左個三頂形態，假如聽日唔可以高開要回落，依個三頂形態就更加明顯，所以吉倉的，如果聽日係裂口向下，咁升穿依條橫線就已經可以做好，先睇19100頸線，順利上穿埋就先睇19600了。止蝕當然仍然係紅色升軌啦，但要留意條上升阻力線。而我畫左條虛線係咩黎呢 ? 係假若聽日O係唔跌穿條虛線既前提下升穿橫頂，咁條虛線就可以用黎做止賺位了。
想做淡都係等穿紅色升軌先，依家已經o係630了。我重覆一次，依家形態利好，切勿亂做淡。寧願唔好做都唔好做淡住，風險太高 !
假如聽日裂口高開的話，就睇下可唔可以上穿頸線位，如果頸線有阻力回一回再穿就更加好啦 !

即市方面，午市分析時我所冀望既平頂，佢竟然一開市就直接插穿，做唔到平頂就當然無追入啦 ! 下午做左兩個trade，難炒到喊。
1. 穿小型下降楔形，目標係DH，但大家都見到，佢行左足足一小時先去到目標位，我O係中間抵唔住咁磨法，已經平手走左~=.=

2. 上穿長方形， 目標係18930。
(18895CALL，18930平)


另外點解我會做一張CALL期同一張PUT權呢 ?
1. 今日收市時15分鐘升穿左頂背降軌。
2. 假若穿三頂，我估計佢要穿頸線都唔難，如果真係裂口穿，就分分鐘係大裂口呢。
3.  張LONG PUT係慎防聽日如果裂口跌會大跌，點解會大跌? 因為今日正正收左O係三頂下，要是有阻力，可能有個一二百點既向下裂口呢。O係依D位太尷尬，所以都係穩陣至上 !!

6月13日午市分析

大家好 ! 今朝高開，我兩張權算係執返身彩，賺左 1 點走人，都有 100 蚊，
食到個早餐 !! 哈哈 !
今朝大市看來唔算太難炒，但因為尋日既唔順，今日有D失左信心感覺，
希望可以盡快調整返自己心理啦 !

今日形勢都係整固格，但剛剛做左双頂，最好可以回一回先穿，咁依個上升平頂三角就叫做成立，目標可以去到19100頸線位，而穿位後可以尋日同今日既底做一條升軌做止蝕。
要做淡，都係穿大升軌先好做呢，加上依家形態咁似頭肩底，勿亂做淡喇 !
依家升軌去到570左右了 !

即市方面，今日做左兩個TRADE
1. 今朝一個高開後急插，中間做左枝上升旗，本來諗住會試返DL，但O係穿下降楔形降軌止賺左。
(755PUT，730平)

2. 穿下降楔形後，一直都唔敢做好，因為之前個形態太像双頂既關係，所以都係等佢穿返上頸線，再見佢整固一輪先敢CALL，目標有兩個，一個770、一個790，不過我770走了 !
(745CALL，770平)

之後O係街無做過TRADE了~~

6月13日市前分析

大家好 ! 一天過去，心情好返少少，但都係唔多好，再加上今日做左兩個好白痴既錯，
下午真係有段時間心情沉得好緊要......心情唔好都係唔好炒股好 !!!! @@

大圖無乜野睇，都係咁既形勢，不過可能有好多朋友都睇得到，依家有點像頭肩底，對吧?!
但唔知點解，就係因為太多人睇得到，反而仲擔心......
頸線係19100左右，如果按幅度計，升得穿會上返20000左右，所以升穿頸線，最好升穿埋上升阻力線，咁就可能真係有力喇 !
當然，依家做好都唔係唔得，但一穿止蝕就要走了 ! 大約200點風險 !
做淡都係紅色升軌，依家已經去到18500喇 !!! 淡友要留意了 !
不過O係未穿升軌前，係應該仍然向好的!!!!

即市方面，今日係咁多日以黎最失敗既一日，失敗到唔識講....唉.....!!
下午做左兩個TRADE
1. 今日午市分析講O個條升軌，穿左後我考慮左幾枝燭既時間，最後都係沽左，應該再睇多幾枝燭........
(715PUT，750平)
2. 依個TRADE，我都無話可說，一個平頂三角，18770頸線，目標係830、840。
我O係穿RSI偷步入左，但唔係入期，係入左兩張權，點解?! 唔知...神推鬼拱....
唔識SET止賺，諗住到位手動平，突然有客黎開會，以為唔會攪好耐，點知一攪就攪到四點半...............返到埋位一睇........唉~~~~~無端端有兩張權過夜，真係唔知是福還是禍...T_T
希望平安無事啦!!!!

PS. 好似仲有幾位朋友無覆E-MAIL，如果當日唔得閒的話最好都覆一覆啦 ! 我好難做的 !T_T

6月12日午市分析

大家好 ! 今日心情非常不佳，所以唔講咁多野喇，睇圖先 !

大圖變化不大，仍然係O係個空間度行，依家關注會唔會有機會今日做多個頂，
重點係今日或者聽日跌穿今日DL，咁就可以有條升軌出黎再上車做好，
不過前提當然係唔跌穿紅色升軌啦 !
而跌穿升軌可以做淡，而家大約O係18460，跌穿得大約會有600點跌幅，想做淡便要留意了。

即市方面，今朝做得一個TRADE，搵唔到位做 !
之後升穿平頂，但要擺觸發先做得到，所以都無做。
1. 跌穿升軌，本來諗緊係咪上升楔形，不過個頂唔夠，所以最後以降軌做止賺，
RSI升穿降軌走人
(705PUT，690平)
2. 依個係上升平頂，但無回過落黎，所以都無追入，依個浪目標係760，臨收市前枝燭已到758，如果我做左CALL就應該食左唔過市了。

今日即市有條升軌出左黎，萬一跌穿，好大機會會試過DL呢 !

6月12日市前分析

大家好呀! 今日係星期一真，真係忙到想講粗口，我諗識得我耐既都知點解星期一會特別忙T_T
今日午市分析尾段出O個個DT，最後都有回少少俾我入，不過位唔算好，所以無等到去890就食 ! 有得食就算 ! 依家成日午市前都有一個圖形行出黎俾我寫，攪到好似每日一DAY TRADE咁，哈哈.....(不過如果做錯trade會打爛自己招牌，我玩緊火 ?! T_T)

先睇大圖，形勢無變，基本上有八至九成時間形勢都係唔會變的，股票就係咁，你想贏，就要識得等，圖形係會自自然然行出黎俾你的 ! 依家叫有個上升通道就已經好好架喇 !
暫時想食穩陣既浪，就係等沽，條升軌已經上到去 420，看速率每日都可以向上 100 呢，
所以可能要等到希臘大選了，哈哈 !!!^^
如想做好食，風險已經大了，上星期講過，除非你係由183左右渣上黎，否則去到依D位，
只適宜有好倉既逐步平倉，要開新倉風險過大，回報率亦唔高，所以吉倉最好 !
當然，你仍係要做好，就穿紅色升軌先走。
依個升浪我其實唔係幾睇得透，之前我只係好有信心上18900，但再往後既191、194、196信心真係不大，加上今日依條上升通道唔多較斜，所以真係要上到終極目標19600的話，睇黎要磨到今個星期五或下星期一呢 ! (剛好大選日子........@@)
或姐O係依個空間裏面睇下會唔會再做一D利好既圖形先有得再上車 !

即市圖了 (好似好多朋友都喜歡睇我即市圖多一點.....@@)
今日三個TRADE (其實有四個，o個個要輸15點，係星期一害的T_T 朝早既事，唔提了>O<)
1. 午市分析講既双底，吉穿835頸線做好，目標890。(剛到即回...)
(850CALL，870平)
上面講左點解唔等890啦 ?

2. 跌穿上升楔形，目標820。依個有少少搏，但見890目標到左，形態又似似地，最後都做左淡倉， 不過大家都見我穿左軌好耐先做，要諗清諗楚丫嘛!
(870PUT，825平)

3. 依個唔知有無人睇得出依個係頭肩底呢 ? 870頸線，目標925。
(890CALL，925平)

今日共賺80點，感恩 !!

PS.有關研討會，未覆電郵的明天內要覆喇 ! 感謝 !

6月11日午市分析

大家好 ! 今日裂口高好開，都好鬼大個裂口 !
我張期權今朝已經走左，升左倍幾呢 (82買，181平) ^^
不過話好開心又唔係，因為知道有好多朋友做左淡倉，但我都講就算做淡都最好用權，
風險細D，始終上星期跌穿既都只係一條TREND LINE，唔係圖形，
但唔蝕都蝕左，要好好記住錯左O係邊就得了 !

依家大圖方面，成條上升通道出左黎，只要以下面條新既升軌，再畫條平衡線，就剛好做左今日個頂，但我唔係叫大家沽，千祈唔好，唔好偷步，因仍可以向上破圖的。
皆因今日個頂做好咁靚，再加上第一個目標位 18900已經到步，所以我決定平左張權，暫時吉倉。想開淡倉依家終於有位，跌穿升軌就開得，依家大約O係18360左右。
而依家暫時都係要睇埋即市點行先決定會點做 !
但過夜的話暫不宜沽，但想做好倉長倉的話，就要睇紅色升軌做止蝕 ! 太遠了，自己衡量做唔做吧 !

我比較想佢下午跌，咁先有位上返車 !!! HAHA~~~

PS. 剛剛做左双底，835係頸線，不過打緊分析做唔到T_T，睇下會唔會落返去俾我入啦，
即市會有條升軌做止蝕，或擺穿810止吧，目標18890。