大家好呢 ! 今日個市真係好厲害 ! 低開、夾上、再質返落去跌穿埋開市價，
如果識睇圖形，至少可以避過高追依一劫，但可唔可以高沽呢 ? 就要睇你點睇幅圖了。
午市前我講左我o係300同360都開左注熊，之後夾上去460我再開多一注。無錯，我今日做左樣唔係好應該做既野，摸頂。但點解呢 ? 因為我覺得已確認跌穿之後條三底升軌，理應無咁快跌完，同埋就算穿降軌止蝕都係講緊十格八格，風險唔大，所以決定咁做，暫時拉混叫做head住 5 格過夜。
小時圖仲未擺脫長方形格局，收市仲係收o係250橫底入面，不過已經過左第一間，穿左條升軌，只要聽日穿到250就到下一個阻力18120左右，依條線好緊要，因為差唔多可以話所有支持聽日都o係晒18100~18130，如果裂口低開穿100固然好，唔穿的話，行到落去都要平一平好。而做左淡既止蝕都係擺o係紅色降軌(FH18450)
吉倉的話，暫時唔好入住，等埋聽日睇下上午點行再作決定吧。
而做左好的話，如果聽日低開18100以上，都仲可以睇100既支持力，穿左要走了。
你貪心既睇到18000先決定都得。
KC兄恭喜您！其實炒作唔摸頂撈底，特別中短線，很難可以贏到，小弟都主張要摸頂撈底，當然要很講完藝術。
回覆刪除小弟有個小時系統測試中，就是運摸頂撈底，由今年一月一日起計，經測試有三萬一千多點的利潤，set 350點止蝕。系統共trade33次，只是二次loss 246點。
有機會同您研究。
我好少摸頂撈底的，再加上我暫時仲玩緊動物，尾十五分鐘太多變數，今日穿頂我就奶野了。哈哈。
回覆刪除你個系統都幾強喎，平均每個月有三千點喎，係DT定會過埋夜 ? 真係要研究一下喎^_~
KC兄晚安，是過夜的。如果唔摸頂撈底，只有6700點，
回覆刪除同樣trader 33次，贏11387，不過輸 4632。