12月23日市前分析

大家好呢 ! 今日同樣都係臨尾十五分鐘吉穿條升軌，玩期指就應該入得到，牛熊就要搏了。
我都有牛O係手，雖然唔多，但睇外圍個勢，應該唔洗輸吧?!

先睇小時圖，聽日如無意外高開，做左好倉既先要睇三個位，500橫線、黑色升軌(600)、RSI橫頂，開500以上的話，可下穿500止賺，如此類推，當然你想跌穿紅色升軌先止蝕都得，聽日FHo係18280左右，或者RSI跌穿四底升軌止。
穿升軌後我一直唔建議做淡，所以如果真係做左淡，我都唔知有咩止蝕位了 !........
吉倉的，都係睇依三個位做，RSI依條橫頂每次掂到都回，所以要小心。而RSI有條四底升軌，穿左都可以小注做淡。

另外再睇睇日線圖，首先我畫左條升軌出黎，未確認有無用，不過穿左都可以走好倉。
但係咪可以開淡倉，就要視乎條軌會唔會做多隻腳先再跌穿。
聽日O係18400，即係今日開左倉既都至少唔洗輸。之後對上有兩條降軌，一條O係18750左右，另一條O係19000左右，即係如果開18600以上，只要跌唔穿，第一個目標都係18750。
提醒大家一次，千祈唔好貪勝不知輸， 到目標唔行就賺左先，之後再等機會 !