依幅國企圖係我為朋友JANET特意安排的
其實好易畫，總共得三條線，
升穿左下降通道，目標係11500，依家沿仲先升軌行，
以穿位10870起計，依家已經有利潤，而止蝕位係10890左右，星期三係10910左右。
即係如果入左市的話，下一個交易日就已經穩賺了。
2012年4月30日星期一
4月30日午市分析
但係就係因為咁，所以今日超級忙，極多野做..T_T
剛剛發現，原來TQ有個code係HSIS1係將下月同即月調整到同一個圖睇，
唉.....點解剛剛先發現=.=
仲有樣野好失策，就係睇錯線，星期五破位後既目標位其實係450左右，
有上研討會既朋友可以計一計，對下虛線就係目標位，不過真係要睇HSIS1依個圖先畫得到...
好失策。再加上升穿左藍色降軌，我張LP都輸五十點走左 !
之前我確實係睇得好淡，但因為睇唔清個圖，依家可以叫做清晰D，反而無咁淡了。
因為原來做左條都幾靚既下降通道，想做好既依家可以做好了，因為升穿左降軌，按理係唔會穿返入去...穿返入去就要小心了 !
過夜的話睇下下午有無得HEAD先再算！最好升穿埋對上既黑色降軌大約20980左右，咁過夜就安全點。第一目標會係21300左右。
做淡的話，暫時完來係無位做淡的，我諗至少都要跌穿黑色升軌先可以做。
如果升得穿黑色降軌，好大可能會上到22000呢 ! 牛市重臨???@@
2012年4月28日星期六
4月30日市前分析
不過我都係O係穿700開沽，最後平左期指轉入左張long put，因為過week唔想渣期，
控制一下風險先。依家開始研究期權，D組合真係幾複雜，不過就咁睇落去，配合圖表，絕對可以發揮期權O個種爆炸力呢，等我研究一下，有成果後先再同大家分享...
好了，黎緊點樣呢 ? 星期五晚無論ADR定IG都做好，星期一都真係有機會高開呢，
不過又未洗咁驚住既，最緊要有徹退路線就得。
如果PUT左過夜既，即月期既止蝕位係卡其色降軌，大約會O係21000左右，而下月期就O係20800左右，最好都係兩個圖睇啦，依個位穿圖要走，唔穿，即係未轉勢，可以再KEEP下先，如果係摸頂沽既，有利潤都可以走，但切記唔好反手住。如果星期一收市都仲係貼住條降軌位置，我諗我會選擇止左先。
淡友第一目標先睇20300左右 (小時圖橫線位置)
要做好，就睇有條卡其色既降軌，即市升穿都可以做，再睇下有幾多點KEEP O係手再決定
過唔過夜啦 !
我暫時仍然看淡大勢，但僅屬短暫，大家可睇一睇日線圖，依家應該行緊一個頗大既下降通道，依家最好會有個好深既調整，最好就跌落去20000點水平，咁依條下降通道會更明確及更具威力，如果真係咁行，穿位後大約會有1000~1300左右既升幅，大家要好好注意了。
(感謝JANET叫我睇日線圖...哈哈)
2012年4月27日星期五
4月27日午市分析
大家好 ! 尋晚估錯左，今日高開，哈哈 ! 不過今日個頂就係之前話做好既目標位 (可惜已走T_T)
即係前上升通道既升軌 (亦即後抽位)，除非入返去通道內，否則我依家仍然係淡友一名，
不過都係吉倉中，等沽 !
要做淡，就要等穿升軌，睇返下月升軌O係 20540左右，上車位都幾遠下，所以最好今日升多浸出條近D既升軌就好了 ! 不過看來機會都好微 !
所以一係就等，一係就依家摸頂沽，但皆因無圖形出，所以摸頂沽風險都好高 !
只要唔入返軌內，淡友第一目標係20400左右啦!!
做好嘛 ? 都係o個句，有圖形先好做，依家不宜做好了 ! 因為做好既時機應該係小時圖紅圈位置，依家係收成喇 !想做好要繼續等，等圖形出先好做 !
今日係weed end，我諗吉倉最好啦 ! haha!!!
不過心癢癢想做張Long Put.....睇下陣間點先 ? (寫完都開市了.....插左落去=.=)
2012年4月26日星期四
4月27日市前分析
大家好 ! 今朝真係害人害物，做左好無耐就到止蝕位，超慘 !
裂口穿位唔做............講左過百次，終於到自己奶野，嗚嗚 !
不過今日同尋日既走勢真係一模一樣，上午好難炒，下午超易炒，
幾個trade都執百幾點，如果有去研討會既，今日下午只要用升降軌做止賺，就基本上食晒成個浪咁濟，仲可以即刻反手，所以我都post張分鐘圖出黎俾大家參考下 !
不過其中有一個藍圈要注意，見到有背馳嗎 ? 有記得我講過捉背馳唔好摸頂捉嗎 ?
依個就係其中一個例子了 !
好了，講一講大市去向先，今日一夾，係咪要重拾升市 ? 我覺得唔係。佢今日一夾，我反而仲驚會有個頗急既跌浪O係後面，我前幾日一路講，下月期低水百幾點，但有一樣野我無講，只係自己諗，會唔會下月期夾返上去20700呢 ? 如果真係的話，當下月期開始o係即月期度行時，20700就剛好係之前條上升通道既後抽位，咁係係意味住大市既夾升只係為左抽升下月期 ? 講到好似好複雜咁，其實我都唔係好明自己講乜，總之就睇淡啦 ! 哈哈...
今日一夾，夾到去紅色上升阻力線，剛剛夾唔穿，再加上向上水位唔多，聽日低開機會應該比較大。如果真係回落，仲跌穿埋新畫o個條紅色升軌，上升楔形就成立，淡友就可以開淡倉，聽日大約o係20680，我都唔係好清楚係咪應該用下月期既位去配返即時圖，聽日要睇下點走先決定到 ! 記得聽日要用下月期呀 !
做好嘛 ? 講起就嬲，CUT左先黎夾，其實上穿線位後，只要跌唔穿條升軌都未確認係跌勢，只係又好似無乜膽量擺咁遠，下次都係擺遠D止蝕，總好過左右一巴掌呢 !
因只要跟足圖去做止蝕止賺，圍大數係一定贏的 ! !
但依家無乜位做好了，因為上面水位有限，除非升返入升軌裏面，否則依個位會比較偏向睇淡。
今日聽到有朋友講今日DT要輸好多點，如果你唔介意你可以話我聽你點做TRADE ?
E-MAIL你個圖俾我都可以 (只FOR畫線...其他我唔識的..HAHA)
等我睇睇有咩問題 ? 我開研討會就係想大家可以把握到好似今日下午依D市呢。
今朝早要輸其實都好正常，因為無波幅既市對我地圖表派既係好不利，
但下午波幅大到咁，除非方法錯，否則真係無可能會輸的。
點都好，大家睇位做野啦 !
2012年4月25日星期三
4月26日市前分析
大家好 ! 今朝好難炒，諗住今日可以投降，但估唔到下午可以好好炒，今朝午市分析既15分鐘圖已經畫左條小升軌，不過因為係即市位，我都預唔到會跌到去邊，所以都無講可以沽，只係估唔到會大插 !! 哈哈...上午輸o個D可以追返晒了 ! 嘿嘿.....所以我都POST左張分鐘圖出黎俾大家參考下。
大圖的話，真係玩死，依家好明顯係一個整固圖，CHOK上CHOK落，暫時無咩好確認既圖形出左黎，我估至少要維持到期結後先會明朗。
小時圖方面仍然係O係藍色三角形裏面，即市穿位可做，但過夜就真係.....免了。
升軌O係20570左右，下望20400
降軌O係20770左右 ，上望20900
十五分鐘圖方面，有條小形下降通道被夾穿左，不過只係細位，但亦有可能借依個勢夾穿埋三角降軌，都係估...哈哈........反正依家整固圖，觀望比較好啦 !
4月25日午市分析
最後估唔到車仔打少一個，先落後，但最後竟然2:2添，我又唔係話佢假既，只係咁既賽果，連即場都輸緊 9 成既賽果，究竟邊個會係最大得益者呢 !?
o係依度真係要同各位講，賭搏無贏硬，尤其個操縱權o係人地手上的話，所以用閒錢玩下就好了。
今日一開市升穿左下降楔形，去到770就回落 (差30點...haha)
之後一直都浮浮沉沉咁，即市好chok，線位好似唔係太大用處咁，時有反應但又有時無，
所以做左三個trade之後發現唔對路都係收工了。
今日post一張十五分鐘圖，比較易睇D，由跌穿上升通道到依家，都好似無乜反應咁，
一D都唔似係穿位後既延續浪，反而依家似做旗多，當然依家都係估估下，
不過幅圖由本來好淡，到依家又唔係好淡，反而做淡好似有D風險添 !
想做好有兩個位可做，一係期指圖既紅色小形降軌(20770左右)，一係RSI穿降軌做，
但最麻煩係有個綠色上升通道阻力線(約20820)，整個空間都好細，做唔做倉就要自己考慮一下，我諗我都係等下月先攪，下月期指低水百幾點，到下月配合返即月圖的話，又會唔同晒樣，好難攪呢 !
總括黎講...都係咩都唔做住最好 !
未必向上，又未必向下，真係估大小呢 !
但如果入得返下降通道的話，幅圖又會淡返呢 !
都係等下啦 !
2012年4月24日星期二
4月24日午市分析
今日好麻煩，要睇即月同下月。
即月上穿返上升通道，但係就去到尋日畫既分鐘圖止蝕降軌就即刻掉頭回落，所以如果你忍得到，你就一定賺緊呢 !如果你選擇左穿降軌先走，就一定要嚴守，唔好笠亂止蝕。
而睇返下月五分鐘圖，今朝個頂原來係未穿升軌，只係即月圖穿左，但依家正值轉倉期，兩個月都要睇。而打後抽位置係做淡最佳位置，無做到，就要同我一樣繼續吉倉唔好亂做住了。
因為圖形又有少少變化，如果跟據打後抽位置去睇，依個浪應會跌到20100，但係尋日同今日兩個底剛好形成一個下降楔形，所以依家追沽有風險，依家最好咩都唔好做住，除非向下破圖。我o係期結前應該都會係吉倉過呢 !
4月24日市前分析
大家好 ! 今日尾市跌到咁既款，如果有上DT研討班既朋友，我相信今日要食二百點以上一點都唔難 (已經回晒學費既本啦!!!HAHA)
首先朝早跌穿中型上升楔形，及後再跌穿小型上升楔形，尾市跌穿埋上升通道，依度食足都有三百點呢 ! 哈哈 !
好 ! 睇圖先 !
今日跌穿上升通道後即刻急跌，我相信好多朋友都應該有淡倉、甚至過夜 ? 淡友第一目標位應該係黑色升軌，聽日約O係20300左右啦 !
依個圖型既最終目標係20150左右，但淡友唔好咁快開心住，見到今日個底有條橫線嗎?!
分分鐘佢會係一個支持都唔出奇，如果跌唔穿而有反彈，唔排除會上返700打個後抽。
淡友聽日有三個選擇
一. 如果裂口低開過20540，咁就上穿橫線做止賺。
二. 高開過540的話，可以食左先，睇下540係咪真係一個支持，係既話，穿左再追。
三. 如果你心臟負荷到，你可以用分鐘圖O個條降軌做止蝕(或止賺)，你忍得到，有可能俾你食晒成個浪，亦有可能輸返出去，自己決定喇 !
而要做好的話，未有圖形可以做，分鐘圖條降軌升穿的話確係會有段升勢，但我未搵到目標位，睇埋聽日點行先算啦 !
2012年4月23日星期一
4月23日午市分析
長話短說，講圖 !
今朝一開市就跌穿左小型上升楔形，之後即刻急跌百幾點，
最低去到20828。今朝20980開左淡倉，目標其實係20760左右，
但我用返分鐘圖去做止賺，最後20886平左倉。大家又點呢 ?
就算依家未平倉都仲叫HEAD住呢，不過如果升穿午前O個枝燭既高位就最好食左佢喇 ! (即955)
目標位係用黎參考的，再加上無一條好靚既降軌做止蝕 (或止賺)
不過依家做好或做淡都唔會再做住，最係做多個頂再跌落去，咁就有條降軌出黎，
到時就有位做返好倉了。
如果要開大淡，就要等跌穿上升通道底，依家大約O係20700左右，
跌穿就以黒色升軌做目標。
今日DT左一次..等左10分鐘食10點，哈哈....唔玩好過了 ! 反正今朝都食左 100點 !
2012年4月22日星期日
4月23日市前分析
不過其實我比較鐘意巴塞，但唔知點解想皇馬贏，可能有鋤強扶弱既心態，哈哈...
DT研討會完滿結束，今次大家有D咩收獲 ? 都可以SENT E-MAIL同我分享下喎 !
我就覺得最後講既五分鐘圖真係好精彩呢 !
哈哈哈....不過歷史雖然話俾我地聽我既計算係對的，但還要將來去証實我既推測呢。
雖然方法我講左，但請大家唔好摸頂，因為無人可以真正摸頂的，摸頂，你只係50/50，唔肯定的 ; 但穿位入，你係100肯定的。
份NOTE入面有D吉既圖，係俾大家試下自己親身畫一次，圖要多睇多畫先會熟，先會搵到D玄機，大家努力啊 !
另外尋日講入市O個PART，掛住講點偷步唔記得講觸發，其實要食大燭只能靠觸發，
例如阻力O係20000，咁觸發SET 20003~20005(你喜歡)，買入價係20006。
但我本身比較鐘意用"增強止損"去做觸發(SP)，因可以SET埋追價，我通常會SET 20002，追價1。
好了 ! 講返圖先 !
星期五差D相開淡，因見佢跌得咁急，仲諗住會穿升軌，但就點知又頂住，對上三條虛線做好倉後目標位，第一個目標位星期五已到(之前畫錯左D野，依家依個目標位先O岩)，大有可能慢慢行上去呢 ! 唔排除有可能沿住條上升阻力線慢慢咁行上去21300呢。但虛線只係目標位，並唔係阻力，千祈唔好攪錯 ! (目標位點搵 ? 恕我唔可以透露，因為唔想對有上堂既朋友唔公平)
但我已經平晒好倉，因為太少水位了(以為-.-之前畫錯左線...)，當然可以繼續做好，穿紅色升軌閃人。下穿紅色升軌做淡，大約會有200點左右目標跌幅，依家紅色降軌O係20980左右，想做淡既要注意了。
要做大淡，就要穿淡卡其色既升軌，大約會有五百點跌幅，但想做長倉淡倉，就係黑色升軌，跌穿的話，唔排除會落返18000水平!!!!好似好驚咁....係呀! 我都好驚呀!! 哈哈....
2012年4月20日星期五
4月20日午市分析
不過最後930都平左好倉，過夜食10點，讚!!!
今日超悶，除左頭30分鐘好炒D之外，其餘時間烏龜上身，行得超慢。
幅圖好似慢慢咁升上去，但個勢著實唔係咁好。
大家先睇 5 分鐘圖，依三日既走勢，RSI呈現背馳，上升動力唔夠，
加上係貼住綠色升軌行，如果跌穿，有機會會落返800，甚至700，即市穿位都可以做淡，
但如果想過夜，最好睇下會唔會穿位後做後抽，後抽意思係唔會入返條綠色軌內的，
如果成個圖形係穿位加後抽，咁我就會沽過夜了。
不過如果RSI升穿降軌，咁就破左背馳圖，就可以繼續睇好。
KEEP住好倉者，可以選擇依家食糊，或跌穿綠線先走人。
今日成交好低，唔太似有得升，我既21150已經放棄左了，哈哈。
小時圖方面無乜變化，只係貼住尋日畫O個條升軌行。
大位都係睇卡其色既升軌了。
吉倉既朋友，都係O個句，等沽吧 ! (我已經唔再做好友了)
2012年4月19日星期四
4月20日市前分析
但走了，唔洗再咁辛苦，其實都算係一件好事。爺爺，安息吧 ! ! ! T_T
唔開心野唔再講了，講返圖先
今日下午跌穿左上午講既O個條升軌，之後確係插左五六十點，
但因皆因升幅唔夠(要至少夾穿上升阻力線先跌)，所以圖形未成立，只能視為一般既趨勢線。
之後好快就夾穿左上升阻力線，夾穿之後就坐火箭咁升左上去。
我都O係920做左張好倉，依家又過夜，但外圍個勢好似麻麻，聽日可能又係低開?!
不過我都係恃住有5XX點渣手先過夜，同目標位得返150點水位，真係無乜必要過夜。
但我相信，如果全程跟圖做既，好友最遲最遲都係690開倉，行到依家依個水平已經係穩賺，所以聽日第一個止賺位，可以先擺O係新畫既紅色升軌，大約20850左右。
但如果係今日破圖先剛開倉既，咁就麻煩D，因為入市時機唔好，你可以擺850做止蝕，
而最終止蝕位係淺啡色升軌，大約O係20560左右。雖然外圍依家跌緊，但我仍然覺得會上21150~21250左右位置，可能係CHOK住上都唔定。
吉倉既，我諗依個位都係等PUT比較好，因對上水位唔多了。
等穿上升通道開PUT啦 ! 依條上升通道我諗大約會有500點既跌浪啦 !
4月19日午市分析
雖然我鐘意既巴塞輸波，但只係欠點運，中左兩球柱呀T_T。
不過藍戰士確實打得返，期待次回合^O^
今朝一開市就穿左昨日DL，但唔會追沽，因為裂口穿，講左好多次點解啦 !
之後一路夾返上黎，最後我張好倉o係865平左，因為我想DT下。
我O係中段先開始DT，所以線位O係中段先開始畫，大家不彷參考下，今日都幾好炒的!!
小時圖方面，無乜變動，但有樣好緊要既野要注意，依幾日既頂做左條上升阻力線出黎，
如果一直破唔到圖，唔排除頂已見。當然亦有可能裂口穿，依家都係得個估字。
如果夾破圖，咁分鐘圖由下數上第二條升軌就成立，可以做止蝕或止賺，
條線係由前日個底同今日個底連埋的。
但唔破圖的話，條線未必成立，最好掂到回一回再跌穿，但跟據經驗，就算條軌有用，跌穿後就會上返做後抽，倘若係咁行，尾市仍然上唔返軌道內，就可以沽過夜。
但皆因係估估下既關係，最後都要睇收市前幾分鐘點行先決定到。
依家千祈唔好諗住偷步，就算唔破圖圖形都係偏向好的，21150仍然係目標位。
2012年4月18日星期三
4月18日市前分析
大家好 ! 今日裂口高開就到第一個目標位，真係次次都係咁=.=
我將好倉O係750走左，但我唔係睇淡，只係想DT姐。
做好既最好入市位其實係今日個DL，因為係前既頂，但你話依家做得唔得?!
都得...但止蝕稍遠，今日收市會O係20500左右，而我認為跌穿深藍色橫線先會轉淡，約20590。但佢整固左三日，今日先叫彈幾百，我唔覺得佢會得O個幾百點升幅，所以做淡真係未係時候。
即市黎講，穿今日DL就會見650，再穿就要挑戰深藍色橫線，所以穿今日DL都可以做淡，
但過夜的話，除非穿升軌，否則不宜過夜。
即市圖可用兩個字形容，<<把鬼>>
哈哈...唔玩好過玩 !!!
係今朝再一次摸底，728CALL左張有幾十點食之外，其餘時間都係幾點上落，睇下下午會唔會好返D啦 ?!
2012年4月17日星期二
4月18日市前分析
大家好 ! 今日既走勢好似好反覆咁，但其實前兩日都係咁樣預測過，
穿降軌，回落至星期四既頂，反彈.........依家只差一步，就係升穿今日上午講既降軌。
今日既底部就係我畫既好友止蝕位，佢係穿過380，最低去過371，但數字穿，圖形唔穿，所以大家應該明白之前點解我會擺350做止蝕啦 ? 大位穿十點八點唔算穿，已講過好多次了。
最後392摸底做左張好倉，依家過左夜。
睇睇小時圖，降軌剛好做三頂，明早三頂o係590左右位置，升穿後第一個目標係820。
最終目標係21150。有一條新既升軌出左黎可做止蝕或止賺，但已做好既要留意條上升阻力線，若升穿820的話，上升阻力線就會係之後既目標。
要做淡的話，尋晚已講穿尋日DL可沽，睇380，今日已完全達標，但再貪心就無辦法了，
因為已再無位做淡。依家要做淡，就要跌穿新o個條升軌，或等將來有條新升軌出黎先做得。
另外後補左張即市圖，本來都唔諗住post，因為今日即市無做倉乜濟，擺明馬後炮~haha...
但都係畫俾朋友睇
最值得注意既係紅線位置，旗指圖同RSI行緊好明顯既背馳，促使我走去摸底 ! 哈.....
2012年4月16日星期一
4月17日市前分析
大家好 ! 今日下午去左開會，所以寫唔到分析，而今日都因為太忙既關係，
好倉無平，擺左350做止蝕就一路做野，幸好無DT，今日個市真係悶到抽根，
而D大升既燭都未必食得到 !
收市前平左張好倉，輸幾十點算。不過唔代表我睇淡，平倉主要睇返成交好似唔太似樣。
但平倉後又有點後悔無楂住忠旨做人.......算啦 ! 橫掂都平左 ! 睇下聽日點先再算
小時圖都係KEEP住行整固，今日個底同RSI都有少少似後抽，但再睇睇日線圖，
RSI係有條降軌壓住，希望聽日可以爆邊。
好友未走既，仍然KEEP住睇820先，最終目標係21150。
止蝕位O係今日DL或20380。
要做淡，可穿今日DL做，當然都係O個句，最好彈一彈再穿先做啦，目標睇380。
淡倉長倉要跌穿黑色升軌先可以做。
今日即市無咩睇，唔SHOW出黎喇
下午基本上一條升軌玩晒成個浪。
題外話，我星期六開始寫緊有關DT既 NOTE，好鬼攰，不過當係俾你地對我支持既報答啦 !
哈哈...............今個星期六面世了，希望我有時間可以加插圖表入去啦 ! (雖然有點困難....)
2012年4月14日星期六
4月16日市前分析
大家好 ! 今日晨早出分析 ! 因為我做左好倉，所以要睇下咩事急插....哈哈哈
唔知大家有無同樣好倉過夜呢 ?! 癈話少說，去圖...
睇一睇小時圖，星期五已經穿左黑色降軌，做好係一件非常正常既事，但仍然有機會回落，
最壞情況係回落到星期四既頂部即20380左右做後抽，如果穿唔落，第一目標係對上一條紫線20820，最終目標係第一條紫線21150。另外我放左另一幅上年11月既圖出黎，佢既走勢同今次走勢確實好似，首先佢上破下降通道，但迅即回落，回到日前既頂部反彈，之後一日大裂口到目標位，而MACD當時正好剛剛轉牛。當然，如果破晒圖就應該要走了。
我自己就有可能先走，因為我仲要DT嘛，如果唔跌穿前日頂位應該會KEEP返好倉過夜，
睇埋星期一點行再算啦 !
即市方面，下午波幅大左好多，始料不及，臨尾夾穿小時圖降軌仲有一段升幅睇下，
大家睇一睇我個圖去參考下啦 !
1. 午市分析都有講依個位穿左可入，只係因為要過市入左有風險咁解，但係估唔到都有三十點跌幅。
2. 上穿降軌做好。點解依條可以做一條降軌?! 留返研討會講，嘿嘿 !
3. 下穿升軌做淡。依個浪好CHOK，食唔到幾多。
4. 上穿降軌做好，依個TRADE局輸，不過大家可以留意RSI，係有位偷步入的，頂盡打和。
5. 上穿降軌做好。同樣係好CHOK，加上波幅細，都係有食好食。
6. 上穿降軌做好。終於破左平頂整大左個空間，留下之後大夾既伏線。
7. 同樣上穿降軌做好。夾穿埋第8點既小時圖降軌，已意味住會大夾。但第8點好似TOUCH唔到中間O個個頂 ? 大家可以睇返 5 分鐘圖就會好清楚架喇 !
2012年4月13日星期五
4月13日午市分析
追左的話最好上穿820就穩陣過夜，止蝕放返o係今日DL。
我比較希望佢唔好穿住，等依個三角收窄D先爆就最好不過了!! 無論做好定做淡 !!
即市方面都無乜好講，悶到抽根。應該入市既得三個位
第一個，急跌，聽人講點都追唔到。(O個時我睇緊493既圖，之後HANG機..就係原來急跌=.=)
第二個，穿三角，但即變長方形，都叫有得食，至少唔洗輸先。
第三個，穿升軌，但一來收市先穿，二來波幅太細，可能都係得十點八點，不做也罷。
希望下午會好返D啦
2012年4月12日星期四
4月13日市前分析
一直都話，裂口最好食，最無風險的 ! 哈哈....
今日臨尾夾得好勁，依家最希望佢可以回一回，做一條升軌，做個跳水平台做淡就好了。
大家看一看小時圖先，圖形無咩變化，藍色降軌O係大約550左右，聽日上到佢回一回再升穿就可以做好，先睇再上一條降軌約有一百點。
但大家可以先睇RSI同MACD，RSI升穿並企穩& MACD上返正數，就可以做好，但暫未有升軌可以做止蝕，先以黑色升軌做止蝕，睇埋聽朝點行先再算啦 !
要做淡既都一樣睇返黑色升軌。
即市圖方面
1. 升穿20210，目標20260，20190止蝕。
2. 升穿三角做好
3. 跌穿升軌做淡
4. 都係跌穿升軌做淡
5. 一個好靚既三底升軌，跌穿，做淡。
6. 升穿升軌後，一直沿住升軌上到收市...收工!
4月12日午市分析
穿210會補埋260既裂口，不過係咪之後會跌就唔知，反正都係等穿位，唔穿唔做。
尋日我講錯左，原來聽日先係最後一日....哈哈.....
睇埋聽日週線係咪收O係軌外就知黎緊既方向了。
要做好，隨時可做，但跌穿升軌閃人，講左好多次摸底有風險，自己衡量喇 !
升軌大約O係20040左右。記住...跌穿或升穿支持位，一定係陰燭或陽燭插穿，而唔係摸穿，當時O個枝燭係收O係軌外，而下一枝燭都要收O係軌外。
今日既即市圖，初初都幾悶，但後尾有個升浪食下，都幾好..^^
1. 依個浪我無食，未起身..HAHA! 不過畫出黎俾大家睇下，依個尋日做既三頂都幾鬼靚呢!!
2. 插穿三底做淡，但之後個調整浪都幾CHOK，有食好食..
3. 升穿三角做好，止賺位平倉。
4. 又係一個超靚三角，但除左三角，仲有好多圖形O係入面，包括W底、平頂三角，所以之後爆咁多點係應該的。另外大家留意下RSI，我O係RSI圈O個個位偷步入的，因為升穿左降軌，而都講過RSI係先行止標嘛 ! 不過唔可以成日用，個圖形一定要夠清晰，而有個明確止蝕位先用得。
2012年4月11日星期三
4月12日市前分析
大家好 ! 今日係延續尋日既忙，好橙.....>o<
大市午後無跌穿大升軌，唔要收返上通道內，可以唔洗開淡住，
依家睇睇外圍同IG，都升緊，睇黎今日我想佢彈返百幾二百幾希望成真喎!!哈哈...
今日POST左好鬼多張圖，一幅幅黎講，先講週線圖。
週線圖今日跌穿左三底升軌，聽日就係今週最後一日，收得返上去固之然好，
收唔返，大市都真係危危乎了。點解我畫左兩個圈呢 ? 就係要大家小心後抽，
就算跌穿左升軌，係咪會一枝箭咁插落去呢 ? 未必，因為週線穿位，只能夠話你知佢將來既走勢向淡，依個係大方向，係講緊數以千點既波幅，當中D反彈二三百點係無可預計的。
就正如之前穿左降軌O個枝燭都仲係開陰燭，之後仲要跌多浸先肯彈。
月線圖既三底O係17100左右，所以我今日下午講有機會落返17500就係因為咁，
不過要用幾多時間就無人知了。
小時圖方面，同今朝講既一樣，都係有條升軌頂住，如果聽日高開，就應該會補埋260同今日既裂口，最好俾條近D既軌我去做長倉，無論做好做淡都好啦，DT好攰...HAHA~~~
要睇埋聽日點行先知有無得開長倉，不過我真係希望佢彈高D，咁可以更加證明個軌有力嘛!!!
要做好，至少升穿黑色降軌，聽日先O係20600，要等下了 !
今日即市都真係幾悶，不過都有D TRADE幾好做。依家多左POST即市圖，
攪到好似賣廣告咁，其實唔係，我只係想大家先有個概念，等到時去到聽我講唔知我講乜仲死，不過我依度畫圖講既止賺位，有某D時候我都唔係用佢黎做止賺，有時我會用平衡線的，用平衡線可以做到做沽摸底走，做好摸頂平，好爽的，哈哈...但O係度唔知點講好 !?
1. 依個TRADE一睇就知要輸了，輸不過10點。
2. 升穿三頂做好，有20點進賬
3. 升穿平頂做好，有10點進賬
4. 一個好靚既跌水平台，穿底做淡，有30點進賬
可能大家會問，點解有D線位唔畫 ? 點樣先成一條線 ?
好似依幅圖最後O個條降軌，明明穿左我又唔講話入 ?
依個唔係關乎線既問題，而係圖形既問題，線位每分鐘都有，但依D並非圖形，
我地要睇既唔係只在於線，係主要睇圖、睇形態，
其實畫一條線有好多守則，唔係見頂見底就畫，並唔係每逢兩個頂或兩個底就算係一條可用既線的，但確實O係度講唔清，我依家都開始寫緊DT守則，有機會可以公開俾大家參考下啦 !
DT研討今日最後一日了，大家參加左既，多謝支持，我會令你地滿載而歸的，哈哈。
2012年4月10日星期二
4月11日市前分析
大家好 !今日o係公司真係忙到九彩，忙到完全唔想講野 ! =.=
小時圖無變動，但下午走勢同我感覺一樣，跌唔落，如果無估錯，好大機會會o係200上面橫行一段時間，所以做兩邊都要等。等確認左先做係最安全的。
依家條降軌落到830左右，都唔算好遠姐，就等下啦 !
下午即市有點亂，大家可以參考下。
1. 穿左升降做淡，曾經升返上去，不過唔到止蝕可以繼續睇，當中出現左三枝香，所以可以繼續睇淡，紅圈升穿第一個目標橫線止賺。
2. 升穿降軌做好，依個trade風險頗高，但亦有相應回報都好高。
第一點唔入，中間都出現左個平頂可做好，風險低好多，跌穿止賺線平好倉。
3. 依個浪唔易食，有個小平底 (連續三枝377做底)，跌穿做淡，升穿止賺線平淡倉。
4. 點解唔用止賺線做好倉呢 ? 大家自己諗下 ? 嘿嘿....不過依個trade得好少有得食。
5. 一個好易睇既升軌跌穿，臨收市，有食好食。
順帶一提，DT研討會明天最後截止了，我都儲緊圖了，頭都暈......@@
訂閱：
文章 (Atom)