3月30日午市分析

大家好 ! 今日裂口低開，但估唔到只係裂口二百，地產股跌左成千點呢。
不過一開都到左第一個目標位 400，各淡友食左糊未呢 ?
食左就恭喜晒，但未食既就要好好諗下食唔食了，因為睇睇日線圖，
我成日最怕既下降阻力線，佢今日發揮到作用，一日未破形，一日都仲會O係20300~21600間上上落落，單邊夾還好，最怕佢CHOK上CHOK落，所以我都仲未諗住開過夜倉。
而想搏撈底既都危險，始終穿左頸線。
有機會夾返上去做後抽再跌過都唔定。
所以暫時最好咩都唔做住，睇定D先，最好離開依個區域長倉先有得諗。
但有位做好，升穿20700裂口的話就會上20800，想穩穩陣陣食 100點既就要留意了。
順帶一提，如果今日做過夜就係過WEEK了。

今日DT非常唔好炒，可能又係 3 點先有波幅睇掛 ?=.=

3月29日市前分析

大家好 ! 今日下午無出分析，因為出左去見客，返到公司又好鬼多野做，累爆=.=
今日跌穿左一個頸線加一條長期升軌，但500橫線頂住大市跌唔落，
就好似尋日幅圖咁，800頂住跌唔落，之後一個裂口跌穿佢=.=
臨尾幾秒鐘我本想開淡倉過夜，可惜打得黎都已經收左市，都係O個句，時也命也!!!

依家睇外圍個勢，聽日都應該會裂口低開200~300，但仲追唔追淡呢 ?!
實在太遲了，時機已過，唔好再亂追了。
做左淡既朋友，第一目標O係20400，繼而係下降阻力線20300左右。跌得穿當然可以睇20200啦 !
吉倉想做好的話，暫時睇至少升穿700裂口先做得，唔好亂搏反彈呢 !
但想做淡的話，頭先已講，時機已過，除非佢日佢平開，跌穿500就可以做。
我都係本來想等佢跌穿先做，咁就錯失左個機會，無計 !
依家只望聽日波幅大D可以DT返D點數啦 !

3月29日市前分析

大家好 ! 今日下午收市前又係咁夾升，簡直係尋日既翻版，聽日唔知係咪又係會向下開呢 ?
今次我吉倉了，期結前真係不宜過夜，風險好大。

今日午市我本來畫左條升軌，但佢彈都唔彈下，所以條升軌戶癈了，
依家暫時企穩O係800橫線上，亦係早兩日既頂，如果即市跌穿都可以開淡倉，
目標看20600先。依家暫時局勢仍然未穩，要穩穩陣陣做淡食大浪，就一定要先試對落咁多條阻力線，去到O個個區域看來會幾CHOK!!
而做好會明朗D，但就要等....等升穿21170橫線，升穿就可望21600了。

本來今日應承左HIN POST個即市圖，但今日身體不適，實在好唔舒服，
唯有下次先啦 !!! 但今日可入市既機會都唔多，依D市一定要識得忍，唔係俾佣都俾死咯 !

3月28日午市分析

大家好 ! 今日要損手了，各位做左好倉既，o係邊度做止蝕呢 ?
以我風格我係應該穿綠色升軌止的，點知今朝肚痛得好緊要，痛到連市都睇唔到，
最尾本來只需輸 50 點變左輸 100 點，唉........時也命也。
之後我好專心咁DT，所以都無上chat room同uwants喇，但都係做得三個trade，
都仲未補返條數......期結前真係好難炒....哈哈.........(分鐘圖綠圈為我入市位)

好了，呻完一大輪，講返小時圖先，尋日升穿黑降本來覺得好好，但始終升唔穿綠色橫線，攪到貪字得個貧，哈哈。今日既DL暫時係早前既升軌，我寄望佢彈高D先再跌穿，咁樣就更加確認依條線既作用，但如果即市穿的話都可以開淡，過夜就..........睇下點先啦 ? haha
(已經有陰影...)
以大勢去睇，其實都幾淡下，因升穿一條大既下降通道，之後變形做窄既上升通道，依條上升通道會極似做上升旗，所以所有好倉穿依條藍色升軌真係要止了 (o係700左右開好倉既朋友都叫有得食!!haha)

今日DT都好難玩，少D耐性都死，大家要小心D做喇。

3月28日市前分析

大家好 ! 今日最遲o個一夾真係夠晒精彩，如果唔貪心，o係好短時間就可以食到60~70點了。
哈哈........

睇一睇小時圖，o係尾市升穿左黑色降軌，之後就坐火箭咁升左上去，最後停左o係綠色橫線前收市。佢最好聽日升得穿綠色橫線啦，咁就可以上望21600了。
做左好既朋友，暫時都未有一條比較好既止蝕位，所以睇短既就先睇綠色小形升軌，或入返降軌都走人，或者睇埋紅線裂口頂。我諗要行多幾枝燭先會出現一條比較好既止蝕位。

而做淡嘛? 未有位做住，要等。

3月27日午市分析

大家好 ! 今日一開就21000，先恭喜好友，唔知做左好既食左糊未呢 ?!
我都無後悔尋日無做好倉過夜，事實上太危險了。
今日整日都無波幅可言，基本上唔洗點炒，不過分鐘圖顯示依家行緊條上升通道，跌穿的話有機會挑戰返DL呢。希望跌穿的話波幅會大返，如果唔係今日真係唔洗入市了。

小時圖方面，吉倉既要留意一下黑色降軌，依家已經好近，大約O係21070左右，
如果到位再回一回就最好添啦，之後升穿就可以安心做好，
而相信依組跌浪都會O係升穿黑軌後完結，但問題係，會唔會期結前升穿呢 ?!
如果想做淡，依家依個位做風險會比較細，因可能只係講緊100點風險，降軌亦係隨時間而落，只要你能承受都可以做，但穿位一定要走。

3月27日市前分析

大家好 ! 今日下午悶到三點，哈哈 !
不過三點O個轉升浪其實好易食，但自己有點舉旗不定，想長又想點，MISS左個機會。
(雖然都有得食...但食少左好多...>.<)

睇一睇小時圖，今日叫做升穿左條藍色降軌，按理應上黑色降軌位置約21000左右，
不過都係O個句，臨近期結，加上成交少得可憐，都唔知大戶想攪乜，所以最好睇返分鐘圖D位去做止蝕止賺，換句話說有食好食。
而跌穿條綠色短期升軌要止蝕(或止賺)，聽日O係670左右。

長倉仍然要等，又或者跌穿最底O個條紅色升軌就開淡，跌穿前最好彈一彈試位啦 !
依家大約o係20450左右啦 !

DT研討會竟然未搵到地方，大家要等一等了.....!!!*o*

3月26日午市分析

大家好 ! 今日一如所料，好chok，所以DT非常好玩，哈哈...

小時圖方面，已經好接近條降軌，依家大約o係710左右，不過做唔做好倉長倉就真係見人見志，因為依家成交太低了，再加上臨緊期結，我就唔玩住，DT下仲穩陣呢 ?

分鐘圖係俾大家睇下今日點食依幾個浪，一個朝早就可以手握百幾點了。
綠圈係入市位。
而臨收市前吉穿左降軌，我都做左張好倉過市，穿650綠色橫線止蝕。

3月26日市前分析

大家好 ! 今日係香港特首選舉既大日子，大家心目中對依個結果感到滿意嗎 !?
我本身就想CY做。皆因我至憎泛民，除左只識用民主黎做口號，就乜都唔識。
成日都會因為無人出黎反佢地而感到好氣忿...>.<
唐唐就更加咪攪，我唔係介意佢咁多負面新聞，而係佢既危機應變太差。
我好希望新一任特首會帶領到一個強勢政府出黎。
唔講咁多了，講返個市先，其實睇返港股，再對比返美股，大家應該睇得出個對比，
美股o係高位回落都係跌得o個二百幾點左右，但港股由高位已經跌左成千點，
依個就係唔洗睇得太多圖既例子，因每個圖形走勢其實都係獨立的，
雖然可以以其他圖去做參考，但唔好用黎做入市既理由。

我o係小時圖畫左好多條線，差唔多會係阻力既我都盡量畫出黎，等大家見到，依家依個整固圖其實係有幾咁亂局 ?
依家應該係行緊一條最斜既藍色下降通道，佢最好做多個頂之後有大幅回落再升穿，
咁就可以安心做好，最好係一枝陽燭插穿佢啦。聽朝o係20750左右。上望21000。
而黑色既下降通道其實未確認，最起碼都要做多個底先確認。
而最落o個條紅線可能先係開淡倉位，最好到位有個大彈先跌穿，咁黎開淡先安全。
聽日大約o係20360。
而整個升勢頸線係20200，所以如果失守，我相信個升勢真正要結束了。

暫時雖然圖形偏淡，但我仍然覺得長倉唔穩陣，另外仲有四日期結了，
期結前唔排除會chok得好緊要，如果好chok的話只會對DT有利，對長倉係百害而無一利，
最好緊係等埋期結先做啦 !

另外DT研討會我諗會定O係四月第二個禮拜六，明天再確實吧 !

3月23日午市分析

大家好 ! 今日一開跌百幾點，可能對好多人黎講好失望呢 !哈哈....
今日既即市唔洗講，係頭頭一粒鐘叫做好d....之後悶到爆燈，唔洗玩
睇下下午會點行先 ?

小時圖方面，依家最好盡快落紅線位，之後再試位彈一彈 (彈得越高越好)，
再跌穿的話，咁就開得長倉了，依家真係只能等。
正值美股尋晚都試一試條升軌，但仲未穿，可能今晚先知龍與鳯呢 !
所以...................等 !!!!
但想做淡都得...用新畫既啡色降軌做止蝕，因為依條線包含左一個裂口下跌，所以升穿的話可能可以做好，但暫時我就唔會做長倉住，都係等下先。
啡色降軌約o係850

DT研討會今天last day，想參加就今日之內send e-mail俾我啦 !
treekc169@hotmail.com

3月23日市前分析 + 3月22日即市買賣

大家好 ! 今日全日真係幾好炒，如果大家有睇到我今日O係CHAT ROOM POST出黎既買賣實況，可能會覺得好神奇，因好多時O個頭入完，依頭就一枝大陽或大陰。
並唔係因為我係先知，都只係TREND LINE既威力，所以如果你識畫，你就可以脫離散戶行列了。^O^

先講小時圖，今日隊穿左條綠色降軌，但可惜即刻變形。老實講，今日我淨係望住分鐘圖，無望過小時圖，因為我仍然覺得依家係整固圖，要等佢再行多幾枝燭先確認到走勢。
依家變形後有點似行三角形，如果成組圖去睇的話，仲好似做旗添，走勢都幾淡，
再加上外圍依家跌咁多，看來聽日都係裂口向下，再向下的話就要睇綠色橫線20430同紅色升軌了，而如果跌落20430綠線的話，一個大型既M字就會形成， 跌穿的話整個形態就會淡到不得了，分分錯會落返去19600依D位，睇下聽日點行再算啦。
總之無論開淡倉定好倉，長倉既真係未係時候，同埋要時刻留意圖形變化。
或者聽日有方向時再O係午市分析講吧。

分鐘圖係今日我DT既記錄， 其實應該唔止的，我記得我TRADE左15次，不過個圖O係公司，我都係憑記憶畫出黎的。第一個紅圈係我SET左入唔到，可恨>.<
之後綠圈係入市位，紫圈係平倉位，大家慢慢研究啦 !

另外，DT研討會聽日係最後一日了，如果有興趣既就E-MAIL俾我。
最好話埋我知4月7-8日、4月14-15日邊日唔得，等我統計下去就一就時間。
之後下星期一前會覆大家電郵了。

3月22日午市分析

大家好 ! 今朝向穿左下降通道，但好快就即時變形，
o係我見到時都即刻出post，唔知大家有無逃過震倉依一劫呢 ?
我o係923開左好倉，但960(約通道頂位置)平左倉。
之後就急跌了。其實急跌都有原因既，因為小時圖綠線降軌連同分鐘圖上升阻力線發揮作用，
但仲未破圖形。

依家分鐘圖比較多D野睇，依家行緊上升通道，個市只要一日唔穿升軌，都會慢慢震盪式咁升上去，所以你想做好，隨時可以做，跌穿升軌走人。
依家個圖形有點似做圓底，因為圓底其實係由一條下降通道加上升通道所形成的，
頸線應該係o係21100，不過等行多陣先能確認。
暫時都仲係整固圖，暫不宜長倉，都係DT下算，等多D圖形出黎先。
不過如果升穿小時圖綠色降軌，可以試開好倉，以分鐘圖既升軌做止蝕。

3月22日即市圖表

今日穿左下降通道
但尋日既頂加埋今日既頂，連同尋日三底，圖形變為上升通道(藍線)
因為角度太少，一日唔破圖，都只會好慢咁樣升上去
所以做左好既要諗諗係咪走左先再睇定形勢 ? 或再上上升阻力線就平倉~~~
穿升軌一定要走。

3月22日市前分析

大家好 ! 今日上CHOK下CHOK，其實應該幾好炒，但MISS左好幾個有浪既機會，無計~
聽日全日做自動盤先，可能要咁先唔會MISS~~~~

暫時小時圖都無乜好睇，未上穿既時候，都係向底下既綠線橫線同紅色升軌進發。
淡友仲可以KEEP住貨。而想做好既朋友，今日差少少就可以做好了，睇一睇分鐘圖，
今日下午既頂(20954)就O岩O岩俾條降軌壓住，一掂就回，依條降軌將來升得穿應該會行得好快，好友要睇實呢 ! 但一日未穿，一日都仲係睇淡 !

3月21日午市分析

大家好 ! 今日本來高開以為有機會會上穿上升通道，點知都係穿唔到，無得做。
DT又唔係咁好玩，本來應該可以食到個100點既跌浪，點知又俾佢CHOK走左。
個市初初行得太慢了，對我依D無乜耐性既人黎講好不利=.=

依家形勢無變，仍然係行緊下降通道，下降軌已到20990左右了。
而RSI都一樣，大家可以留意RSI穿位O個下，如第二枝燭係確認穿位，可以小注偷步，
因為RSI係先行指標。
上穿降軌就可以做好，好友要好好的等了，總有穿位的一日的 !
持淡倉既朋友暫時都可以繼續KEEP，如果係穩賺既可以放下風箏都得，穿位先走吧。
吉倉的話，其實只有CALL位，PUT位就只能摸頂，大家自己去衡量風險啦。
我都仲係吉倉中，個市成交太弱，行得太慢，炒乜都唔好炒，長倉更加唔諗住。

3月21日市前分析 + 3月20日即市買賣

哇~~人數突破 10 萬，開心 ^o^

大家好 ! 今晚早少少出分析先 !

今日總括黎講都幾chok，不過午後個市幾好炒，好可惜最尾有客黎，食唔到個跌浪。

大家可以先研究下我幅分鐘圖，試下諗下點解咁畫 ? 唔好以為我係事後先畫，我就係用佢地黎做今日既 trade 架喇 ! 不過有D追唔切，錯失左機會，哈哈...

另外，我都係吉倉中呢...

好了，個市跌到咁，究竟跌完未呢 ? 唔知。不過就見到個開call靚位，

小時圖我畫左條紅色線既下降通道，升穿就做好，聽日大約o係21030左右。

順便都係淡友既止賺或止蝕線位，長倉既一日唔穿一日都可以唔洗走。

上穿後目標係對上一條21150橫線先。止蝕可能要睇返分鐘圖，依家未有住。

 另外rsi都係下緊下降通道，分鐘圖都係，而量度波幅大約有300點的，

大家睇位做野喇 ! 哈哈....

另外已收到不少報名DT研討會既電郵，如果仲有興趣既朋友請o係禮拜五前發電郵俾我，

我會o係下星期俾有關資料大家。

treekc169@hotmail.com

3月20日午市分析

大家好 ! 今朝開市上唔返21150，最高都係21147，唔知各淡友有無走呢 ? 無走就發了。
今日又跌多百幾 ! 850目標眨下眼就到，有淡友倉既朋友恭喜恭喜呢。
我都係繼續DT算，朝早尚算好炒，但臨尾十幾分鐘就真係不敢恭維了。哈哈.....

暫時大市都係俾850條橫線支持位，叫做抖一抖氣，但個圖形仍然偏淡，有淡倉既朋友長倉的話可以繼續keep，keep到穿綠色降軌先走(或上21150走)，降軌現大約o係21260左右。
依家應該無人有好倉掛 ?
吉倉既都係同一句，你覺得你承受到二百點險的話就依家開淡倉，先下望20400。
睇下行多陣會唔會有條靚D既降軌做止賺啦。

3月20日市前分析

大家好 ! 今日臨尾一個大跌，簡直係提神之極 !
今朝先講上返750綠線先好做好倉都叫無講錯，因為就算今日高開，個圖形都係偏淡。
唔知大家有無食到依個浪呢 !?我就食足咁濟，21303開淡，21069平倉，嘿嘿....
不過因為今日一直都係好悶，食依個浪之前都係講緊每個trade食5點10點，所以都費事o係chat room或uwants講出黎，曾經有諗過今日唔DT添了，好彩無放棄...哈哈...

先講分鐘圖，講下點樣食到依個浪先....其實我都係臨尾先畫條線，因為悶左成日，我都睇唔清方向，之後就試下睇遠D個圖，大家就應該可以發現第一個底開始連到今日個底，剛好連到三個底，依條線靚到不得了，而佢係行緊個上升楔形，大約有300點量度跌幅，所以今日跌穿升軌，立即急跌。即係話，大戶其實O係上星期四已經開始搭依個棚呢 ! (正值上星期有財演講會上22000，真係唔知關唔關事了....=.=) 我再講多次，TREND LINE唔係撞彩，你識畫，今個浪你係食到盡，而每個月都總有四五次依D機會，只要能把握，每個月要有500~1000點唔係夢想呢。

睇睇小時圖，其實比較複雜，因為你話之後會KEEP住急跌嗎 ?! 我又認為未必，因為仍然有好多未知既線位，皆因依家仲O係整固位裏面，畫埋條平衡線仲似係行緊下降通道，剛剛到底，所以隨時隨地會夾返上去都未定，所以我都無KEEP過夜。
做左淡未走既，止賺位係紫色橫線，21150左右，你想KEEP到藍線降軌都得，聽日會O係21340左右，隨時間而下，下望20850。
做左好既，穿紅線升軌好走了，都係O個句，避免輸大浪 ! 
吉倉既DT下算吧，一定要脫離依家既整固圖先有位開長倉，一係上穿750橫線，一係下穿最底條紅線，不然長倉唔洗諗住，實CHOK到你暈 !

另外，小弟應該真係會攪個DT研討會了，我最近我整合了自己既一套DT方法(秘寶^_^)
我絕對相信可以幫到各位點樣DT，不過大前提係，你要有時間同有畫圖既軟件，
工欲善其事，必需利其器呀 !

主要會講 :
1. 點樣析認分鐘圖既頂或底
2. 點連線
3. 點搵止蝕、止賺
4. 咩時候睇咩分鐘既圖
5. DT時既心態、守則.....等

如有興趣可以E-MAIL俾我，之前有mail過俾我既最好mail多次啦，因我想由今日開始統計一下，費事亂^^ (或PM或FACEBOOK MSG都得)
我應該會O係四月第一個或第二個禮拜六或日攪，有邊日唔得請都講埋，好讓我統計一下再就一就時間。

treekc169@hotmail.com

3月19日午市分析

大家好 !今日chok爆艇，一開市裂口穿阻力，不過我以前都講過裂口穿位唔追，所以無做到好倉，但之後急回，仲插穿埋上星期條升軌，o係295我都開左淡倉，不過好快又夾上去，我o係紅圈位置cut lost的。

睇返大市成交仍然好低，連帶即市都唔好炒，我淨係trade左一次，之後都唔敢trade了。
小時圖方面，綠線算係淡友最後止蝕位，穿左要走，記住要避免輸大浪。
吉倉既最好都係吉住先，o係依個區間攪左咁耐，只要把握到爆o個下好大機會會係一個又急又大既浪。就咁睇應該係升穿最頂條綠色橫線先開好倉最安全。
如果繼續夾上去，就好有頭肩底feel了。
吉倉想做淡的話最好都係等一等，或者依家開倉並以綠線降軌做徹退位。
但整固圖實在好難玩，我就唔玩了 !

大家可以睇睇小時圖兩個紅圈位，圖形真係非常似，都係整固形態。

3月19日市前分析

大家好 ! 今日提早出分析呢 !哈哈
星期五著實係太悶，下午係完全得個睇字無入市，下穿300 o個下我有諗過入，
但見佢穿得咁急，我都係睇埋條上升通道先，最後o係21257做反彈，圖形未穿，更加唔洗入，不過可能已經有人已做淡，但止蝕位又未穿，黎緊止蝕係o係400左右，可能最多會輸百一二點左右吧?!

睇返小時圖，當日午市分析畫既阻力位，下午做晒出黎，依D唔係撞彩的，確實係線位既威力，哈哈。大家見到依家行緊個三角形同埋上升通道，上升通道有少少似上升旗形，所以走勢偏淡呢 ! 不過點都好，都係穿位做野。上穿三角降軌做好，第一粒鐘O係400左右。以升軌做止蝕，第一粒鐘O係300左右，上望上升阻力線540，每一小時加10點左右。
下穿升軌做淡，下望紅線上軌約21000，止蝕係三角降軌。
今次穿後俾D信心去入市，因為圖形線位都幾靚呢。

3月16日午市分析

大家好 ! 今日我SL，因為尋晚踼波整傷左隻腳，看來都係要去照一照好，分分鐘仲要做手術T_T。今日個市好悶呀，行得好慢，一D都唔好炒，睇返成交就知點解行得咁慢~希望下午會好D啦 !

小時圖方面，今日仍然係O係條升軌上面磨，不過下個鐘就到21300左右了，會唔會跌穿後急跌呢 ?! 另外畫多條短期既上升通道，唔知會唔會有D阻力 ? 跌穿埋就更加好啦，大約O係21270左右，下望紅線位20800。黑色虛線係當開淡倉後既止蝕或止賺位，下個鐘大約O係21450，得150點左右風險，再加上隨時間而落，風險好細，但回報好大，所以大家要留神了。

做好嘛，都係同一句，一日唔穿升軌都仲可以做。
尋晚話升軌O係21260，今日開市見唔穿去做的話，係用20點搏到百幾點呢 ?
不過我無做，因為唔再摸底了。哈哈.......

3月16日市前分析

大家好 ! 今日下午要去見客，攪到無出到午市分析。
不過今日做左兩個底，都係唔穿條黑色降軌，確實有點料到，大家就等跌穿依條降軌做淡啦 !
小時圖我畫左條虛線，係咩黎呢 ? 就係萬一聽日穿，依條線就係會止蝕或止賺位，
但升穿唔代表做得好，因為如果聽日係升的話，依條線就要報銷了。
聽日升軌大約O係21260左右。穿得下望紅線20900。

想做好，都係同一句，隨時可做，穿位走人。上望21700左右。

今日唔寫DT了，好攰。
尾市既長方形輸左我幾十點，長方形無波幅真係玩唔過。=.=
不過朝早同下午中段係幾好炒。

開始收到e-mail了，如果人數夠的話會正式通知大家
所以有興趣的話就E-MAIL俾我啦 !

treekc169@hotmail.com

3月15日市前分析+3月14日即市買賣

大家好 !好似每次講親做長倉都會奶野...=.=
不過無論O係uwants定o係chat room我都講左我570cut，唔知大家又能否避過依一跌呢 ?
點解我唔到止蝕先cut呢 ? 陣間講DT時會談及。
先講小時圖，今日跌穿左條止蝕升軌就爆跌，究竟係咪又一次升完呢 ?
又未必 ? 大位O係下面黑線同紅線，穿黑色升軌要走好倉，聽日大約O係21160，
一日唔穿，一日都唔洗走住，依家咁近的話，其實可以以百零點去搏升勢未完的。
而做淡都係，最好O係條線度抽一抽再跌，咁就開PUT，目標睇紅線升軌約20830。
題外話，如果彈返上去21700左右位置，成個圖形就會似係頭肩底，不過當然穿位先做啦。

到DT了。
點解我會走好倉呢 ? (今日俾人寸我既長倉得 2 個鐘T_T)
因為今朝原來行緊大圓頂，今朝因為太悶，我都無睇過個市，但下午開市後睇返，
就知自己入錯市，所以O係跌穿短期上升通道後即止蝕並反手。

往後好彩我cut左，因為確實好好炒，紫圈係開倉位，藍圈係平倉位。
大家可以睇返我上一個post既DT守則就會知我點平倉點做止蝕。
尋日講過可能會攪DT班，但其實講既野都係依D，如果大家可以吸收到就最好了。
如果真係唔明，想我開班的話就SEND E-MAIL俾我啦! (或facebook或uwants pm)
不過今次如果開得成，可能會講得深少少，未識畫線既朋友有可能會聽到一頭煙，
自己決定啦 ! 哈哈.

treekc169@hotmail.com

3月14日午市分析

大家好 ! 今日又夾三百幾，個市由穿位到依家都夾左6~700點，如果係一直keep住好倉既朋友，認真要恭喜一下。
我就無咁好膽量了....haha.........
今日個市好悶，做左三轉DT就收手了，o係640開左張好倉做長倉，綠線位做止蝕，
依家暫時o係380，收市時會上到460，換然之只要捱埋聽日跌唔穿就至少打平了。
上望綠色橫線平頂760左右，升穿埋當然最好啦，咁22000就應該會到了。

暫時做淡真係未有位，最好等多陣，等佢整固一下等多D線位出黎先再睇 !

3月14日市前分析 + 3月13日即市買賣

大家好 ! 都係O個句，好眼訓，長話短說。

先睇小時圖，暫時我係吉倉，因為基本上已到左我目標位，再加上日線RSI後抽未穿，
仍然係幾擔心。但係點都好，唔好笠亂做淡，做淡要等，至少等跌穿綠色升軌先做。
聽日大約o係 21040左右。
做好，都係o個句，隨時可以做，但因為依家先做的話離止蝕好遠，好易會被chok走，到時就左一巴右一巴，喊都無謂。風險依家野，自己去思考吧 !
今日做左三頂，我應該穿三頂會做好，不過應該會用即市既線位做止賺或止蝕吧 ! 小時圖既止蝕位太遠了。

而另外貼上今日分鐘圖，俾大家參考下點樣畫線做DT ?
綠圈係入市位
紅圈係平倉位
依家做DT有四個守則 :
1. 入市後如果有蝕，就以當時升或降軌做止蝕(我畫既紅線就係咁既情況)
2. 如沒有升軌就用O個下反彈或回落既最高或最低點做止蝕。
3. 當有賺時，如果係賺少少，只係磨的話，都係用當時升或降軌做止蝕或止賺。
4. 如果有好多點O係手，咁就用每一枝燭既底部做止賺。

假若大家有興趣學畫線DT，就SEND個E-MAIL俾我啦，我再諗諗整唔整個班 !?
其實唔難，只要你肯等就得 !

3月13日午市分析

大家好 ! 今日有客到，所以咁遲先出分析。
今日果真裂口高開，我張好倉已經平左，不過唔代表佢會跌，只係到目標位就放咁解姐。
好了，依家點做呢 ?
唔好亂沽，依家無位俾你沽，所以只能等。
而依家先做好既話，都得，但風險會大好多，所以我成日講入市時機係好緊要，
小時圖畫左條虛線，唔肯定係咪俾依條線壓住，所以最好有一定幅度既回落先可以確認佢係一個頂，咁吉倉既朋友就有位入了。
如果虛線成立，升穿後就睇21600頂線了。
另外，日線圖主要係睇RSI圈住既部份，升唔穿後抽位，做好仍然有危險，所以我先平好倉。

如果仲keep緊好倉既朋友，睇長遠的話，可以跌穿止蝕先走，過埋今日就已經係至少打平了。

3月13日市前分析

大家好 ! 剛打完機好眼訓，長話短說了....
今日尾市升穿左黑色降軌做好，之後O係綠色軌度仲打左個後抽，現時目標先睇兩個，
1) 日線圖既20天線21230。2) 對上一條降軌，約21300左右。
止蝕的話可以擺返O係最近O個條紅線，約 21900，但我諗如果入返降軌我都會走了。
或者睇埋分鐘圖點行吧?!
今日下午穿軌我都有做淡，但見第二枝燭都磨左好耐仲磨返上去所以CUT左 !

要做淡，先睇最近O個條紅線有無阻力先可以開，到位彈一彈再跌，即做淡唔洗諗，
目槱21750左右.
 

3月12日午市分析

大家好 ! 今朝個市都幾脆異。
朝早一早21015就開左淡倉，點知好快夾返上去，21065cut左，而o係今日個頂畫到條降軌，
覺得穿左升軌，上降軌回落，可能只係挾倉行為，所以21050再沽返，最後20950平晒所有淡倉，因為見到成交、資金流向都唔係幾似樣.....

剛剛新畫左幾條線，今日個頂同大跌前兩個頂連到線，所以穿位可小注call，但要睇住條黑色升軌會唔會係後抽再落，最好兩條都穿晒又或者整固時間長d，等條黑軌可以離條降軌遠D，咁就有D水位。
而有淡倉既，依家最多打和，你可以唔穿降軌唔放，降軌大約o係21100。
如果穿到下面紫色線我會開淡倉。大約20900
止蝕都係擺返降軌 !
下望紅色升軌20700左右 !

3月12日市前分析

大家好 !又係依句，假期就咁就過左了 ! ...T_T
不過依假期過得好開心，因為星期六同屋企兩老去左九龍城打邊爐，貴係貴左D，不過勝在佢地打得開心又好味^_^ 星期日就做左一日新郎..........既司機 !! 哈哈...
每每見到身邊朋友結婚，都會諗...........幾時先到我 ? T_T

星期五大家有可能有做到好都未定，因為穿左位，但又未穿止蝕，
大家留意下最尾o個枝燭，都仲係俾條升軌頂住，所以依條升軌確實係有點料到，跌穿就要開淡。而做左好既都唔洗咁驚住，星期五尾市都未穿軌，相信星期一開市會大跌既機會都不大，如果高開固之然好啦，總之都係睇住條升軌做止蝕或止賺，千祈唔好唔捨得cut...
聽朝第一個位大約o係21050左右。
吉倉既，做好隨時都可以做，睇返條黑線做止蝕，或者睇rsi，升穿並企得穩一枝燭做好，
上望一樣係21300降軌位置。
跌穿黑色升軌做淡，暫可以紅色升軌做目標，約20700吧。
止蝕聽日先講!

3月9日午市分析

大家好 !!! 恭喜恭喜 !! 恭喜各好友又贏一仗，尋日開倉既朋友，只要今日一直唔穿黑線，
到依家為止已經食晒成個浪，又講緊二百幾點，可喜可賀。
請大家感受下圖表線位既厲害吧 ! ^^
今朝我都有追call，因為見止蝕位近，都叫有得執下...哈哈....21050平晒倉了 !

睇圖先，首先要留意兩個位，一就係藍色後抽位，佢依家o係依個位置度磨，主要係因為第二個位RSI做左三頂，升得穿的話就好有機會見21350黑色降軌了。
做左好既當然可以依家食糊，因為始終到左線位，但想貪心D既仍然以黑色升軌做止賺或止蝕。吉倉既如果下枝燭升穿藍線可小注做好，但收唔到O係藍線上收市就要走。

要做淡，穿黑色升軌可做，下午第一小時約O係 20900。
但未有止蝕位，要睇埋下午點行先有得畫...

3月9日市前分析

大家好 ! 今日真係由頭夾到尾，今朝畫O個條旗形都已經破晒做唔到旗，
不過條升軌應該仲有用的，跌穿可以開淡倉，聽朝第一個鐘O係20580 左右。
今日升穿左紅色阻力線後大家有無做好倉?! 我就無了，今日硬係唔係好有信心入市，
所以最尾都無玩到。
如果做左好而又未放既朋友，先以黑色升軌為止賺吧，依家仲係整固圖，有食好食呢。
目標仍然係看21050後抽藍線。

吉倉中既要等，暫時係得開PUT位，未有開CALL位，最好聽日做多個頂，有條降軌俾我穿咁就好了^^

3月8日午市分析

大家好 ! 尋日走左淡倉係正確的，哈哈...今日彈返上去，可能會挑戰紅色下降阻力線 !?
大家可睇一睇RSI，我話穿左可以小注做好，今日第二枝燭已經肯定穿左，所以有無跟圖做?!
有既話就應該HEAD住100點左右了。

睇返圖先，下面畫左條升軌，最好到位彈一彈先跌穿，咁就可以開淡。陣間個鐘O係540左右。對上我都畫左條紅色上升通道虛線，因為未確認，不過如果陣間依條線真係發揮作用，咁即係依家行緊上升旗形，咁幅圖就會淡得交關。
但無論如何，如果O係穿RSI做好既朋友，應該要食左糊先了，最好等破圖先再做，以策萬全。
吉倉要做好的話，今朝MISS左唔緊要，黎緊如果到紅色下降阻力線 回一回，第二枝燭先升穿就可以做好，如果無回直穿都可以做，但就要小心，第二枝燭落返軌道外就要走。
最後徹退路線係底O個條升軌。

3月8日市前分析

大家好 ! 今日下午穿左止賺住，大家最終係咪食左和味既PUT呢 !?!
今日穿左降軌都唔行，最終就要走了。
暫時黎睇應該又再一次進入整固圖既局面，即係升下跌下咁~
如果要做好，就先睇下條紅色下降阻力線有無阻力試到個頂，如果試到再上穿就非常好了。
聽朝會O係20800左右，上穿就上望藍色上升阻力線，但最大問題係未有一條好既止蝕位，
要多D圖形出黎先得。
又或者RSI上穿降軌都可以小注試下水穿先。

而要做淡，我諗暫時要忍一忍手，行多D圖形出黎試位先，
或者跌穿今日DAY LOW都可以一試，下望20270綠線位。
暫時都係未有一條較好既止蝕位
等埋聽日睇下點行先再算好了.