6月16日大市回顧

各位好 ! 今日星期日，咁O岩又係父親節，O係度祝大家父親節快樂呢 ^^

今日只POST兩張圖吧，因短線無圖炒...

先講恆指吧!
上星期講希望做多隻腳，而6/13去到升軌位置都彈左500點，叫做做多隻腳了，
不過大家要留意一樣野，我用左個好大既圈圈住RSI，現時RSI確實超賣得太緊要，
已差唔多到之前既低位(甚至更低)了，而依家又O係升軌附近，所以，下星期我會比較睇升，但唔會有目標，因為並無咩圖形可言，純粹估佢反彈。
總之我就純粹估，無技術分析可言，如果你夠耐性，可以等一下，等真係見有彈，當將來跌穿升軌先食佢個跌浪，咁樣就最安全了 !

國指 :
同恆指講既都差唔多，唔同既係佢已跌穿升軌，所以按理應比恆指弱，但同恆指一樣，
RSI都係去到之前既低位，我唔會咁冒險依家先去PUT了。

另外，267LP插水呢，嘿嘿 ! 我已經放左，不過因為月頭買既關係，時間值蝕左好多，
最後得一倍利潤T_T
剛入左388既LC，不過只係將267賺來的抽少許出黎搏反彈，摸底係不宜太大注呢!!!@@

6月11日大市回顧

 

 

大家好 ! 遲左兩日出POST，太懶了，只要一有時間，就淨係想休息，乜都唔想做-_-

近依個星期港股跌得好急，跌穿埋目標位，但我上星期都特意講了，目標位係用黎平倉，千祈唔好諗住摸底。

 

今日三張圖，唔POST夜期了，因其實無咩位可以做，不論夜期定日期

先講國企:

國企日線圖非常非常淡，先黎跌穿頭肩頂，再黎試緊個長期上升軌，但我係希望佢有個大彈先跌穿會好些，不然我有點怕係假突破。

但點都好，既然個圖咁淡，至少唔好亂摸底。要轉勢，至少要升穿新畫既降軌。

 

恆指:

綠色橫線為整固平底，長期升軌亦快見，都係O個句，希望可以O係長期升軌度預到個幅度不

少既彈升，往後跌穿可以長沽了。

小時圖有條好幼細既下降通道，如往後長穿並去得到橫線，可以搏一搏反彈，升穿後應有400點升幅吧。

 

總括黎講，吉倉要繼續等，但唔好亂摸底，但暫時真係未有大圖形可以做倉。仍有淡倉的用條降軌做止賺，睇下食到幾多。

 

而我自己，則只有267的LP，坐左我成個禮拜，今日終於整固完識行。@@

 

 

5月30日大市回顧

大家好 ! 咁快一星期就己經過去，又到大市回顧呢 !!嘿...

上星期講恆指會行兩個位，穿下楔先上22950，最終夜市上埋去23000。
夜期上一上23000，做左個上楔，穿位即向第二個位22100進發。
如果以依個23000做後抽的話，目標可以再睇遠少少，約21650 ~ 21850，夜期圖同日市圖有點唔同 ! 要做好，暫看只有穿大降軌先可以做，不然唔好亂摸底 !
唔好再問係咪到21650或21850可以摸底，目標位只係FOR平倉，而唔係做倉 ! 

另外國指個圖乜都無得睇，無位做好，亦無位做淡。

5月26日大市回顧

 

恆生期貨連夜期圖

 恆生期貨圖

 

 國企期貨連夜期圖

 圖企期貨圖

大家好 ! 上星期無出圖，因為身體好攰，懶得濟，哈哈!!

前個星期一，國企穿左條升軌，而恆指亦中左止賺位，理應有好倉的都己食了吧?!

大家可以細心研究一下，當初我話國企穿升軌可開沽，但又話恆指未有可開沽既升軌，點解呢? 國企穿升軌後，一直O係後抽位徘徊，上星期一恆指大裂口高開破頂，上埋之前講既目標位，但國企都仲係O係後抽位無破圖。當恆指破頂並達標後，製造出一條可開沽既升軌，埋下上星期尾既大跌市伏線，依D就係圖表既威力了! 

前個星期四做左LP國企，連埋假期都坐左我成五日，嚇死左!!@@

上星期港股穿埋升軌後沽恆行 (11)，因做左島頂，共食左4倍，開心死^_^

 

今日POST左四張圖

恆指夜期 : 見到依張圖就超煩了，穿圖後目標係22100，大跌當日夜期一開市就即插即彈，我都唔知當唔當已達標好?!

恆指 :若果夜期幅圖唔當的話，大圖既目標係22100。O係未知既情況下，其實可以休息一下!
另有個小下楔穿左，目標22950，但我都唔多確定，所以都係細細地做張LC，臨結算買下大細吧!

國企 : 兩張圖都差唔多，我當初睇目標係10760，所以往下O個百幾點我食唔到了，暫時未有可以做好既圖出!

總括黎講，想做好，未有降軌可以做，有淡倉既，可以以前一日既DH做止賺，有好倉既亦可以以前一日既DL做止蝕，我估計臨結算應唔會有好大波幅吧.........

5月10日大市回顧

大家好，又過一星期了 !

恆指 : 上星期睇22850，今個星期到左有突，暫最終仍然係睇23500，仍有好倉的話用條近D既升軌去做止賺吧! 或者用橫線23050左右做止賺都得，暫未見有轉勢既升軌可做淡。

國指 : 上星期講既最終目標11300，今個星期己到，之後食唔食胡就睇大家心態了，當然仍可穿升軌先食胡。穿升軌應可開淡，睇睇幾時穿先啦!

另外1800 已食胡，轉左1299LC，暫睇37.6左右。另亦做左914LP當係對沖，因佢之前穿頭破腳呢 !

5月3日大市回顧

大家好 ! 我諗住應該會一星期出一POST了，希望可以幫到下大家啦!!!
(亦希望我堅持到啦...著實好攰................T_T)

上星期講左大勢恆指同國指圖均有兩個目標(一大一細)，國企最近既目標10960到左，即回，依家只欠恆指22850，應該快要見了吧!
兩者仲有個遠D既目標未見，恆指-23500、國指11300，渣住好倉既朋友仍然可用條升軌做止賺。

另外，上星期我入左隻1800權，超級峰迴路轉，依家要被HEAD住，但未破圖、恆指未見弱既情況下，仍然渣住先。
其實我係1211 同1800揀的，1211爆鬼左上去，唉......揀錯左.....>_<

4月25日大市分析

大家好.......................好好好呀!!! 好耐無寫BLOG了，心情有點激動，哈哈!!!
依大半年不知大家戰績如何呢? ^_^

其實我唔會KEEP住寫，因為工作真係太忙太忙，忙到我連炒都無時間炒。依家正考慮每星期出一篇叫做個回顧好無? 但點解要考慮呢? 因為炒股依家野實在有太多變數喇，我怕今個星期講會點點點，去到中途出現變數就煩了，一星期出一POST我怕想幫人變害人。
嗯......仲要諗諗...XOX

今日放幾張圖，恆指同國指都有大小目標，大家自行看咯...
仲有，4月頭開始有夜期，本來夜期幅圖唔洗理佢，但近日發現佢成交多左，要畫埋夜期先準，大家要留意了。

另外放左兩張股票圖，12恆地係我由51.8渣張LC到尋日56.5放左，佢穿左條下降通道超靚的。
仲有張係1800中交建，佢尋日穿左頭肩底，膽粗粗就買張5月LC75.50試下水溫，目標8.5呢!

(我就係太無時間所以轉左玩股票期權....-_-)