2011年10月17日星期一
10月18日市前分析
今朝聽個財演講, 今個月會O係21000定20000結算~
我真係想問下佢, 憑咩會上到20000?
憑依家經濟咁差? 憑依家O個反應兩千幾點? 真係想打獲甘既佢...........
好! 講返圖!
今日對我黎講係好好炒, 因為完全係我想佢做既野
全日都係O係上升楔形裏面行, 幾次掂到軌頂就回落, 大勢已現, 跌勢將至.
首先講下日線圖, 今日軌頂O係18850左右, 現收18802, 對淡友係一個好好既消息
期指點數收市收O係咩位, 對下一個交易日有好好既啟示作用的~
小時圖無乜好講, 因為收左O係中間, 就係依個原因所以我無熊仔過夜, 因為佢仲有空間升(當然亦都等於有空間跌啦)
不過值得一提既係, 187條橫線已經俾我刪走左, 因為依幾日點數O係依條橫線度上下來回走左咁多轉, 佢既作用應該已經無左了.
聽日部署 :
大家先留意我特別劃深左既粗線(以下指數係指10/18的)
日線圖: 18870(升軌頂), 18750(升軌底), 18545(大降軌)
以日線圖睇, 聽日只要低開過18750基本上已經可以做淡, 但要小心18545依個降軌底, 可能會越到唔少支持, 當越親支持, 都會反彈反上一個阻力, 去到依個位你想點做, 自己考慮一下.
止蝕位的話, 聽日大約18900吧
小時圖:
上升楔形頂- 19000(10:15) 19025(11:15) 19040(12:00) 19060(2:30) 19070(3:30) 19080(4:15)上升楔形底- 18645(10:15) 18680(11:15) 18720(12:00) 18758(2:30) 19805(3:30) 19840(4:15)
大降軌: 18510(10:15) 18500(11:15) 18485(12:00) 18475(2:30) 18455(3:30) 18435(4:15)
日線同小線圖會有少少唔同, 即係話, 例如跌穿18750, 之後第一個底可能會係小時圖既線.
但其實唔洗太執著, 因大家唔係DT, 係想食大浪, 所以只要O係邊段時間一破位就入貨就得.
如果一開市就跌穿大降軌當然係正啦, 但如果一開市唔穿, 但又掂住條底條, 咁當然唔好追住, 因以經驗計, 通常會即刻反彈上一個阻力. 例如開18650唔穿落去, 咁好可能會彈返上18750....到時先入都得~
如果做左好, 穿左上升楔形底都要止血架喇. 唔好諗得太多, 唔好諗住只係回一回.
大勢已定.
英股法股德股個圖都穿晒升軌,
依家爭美股, 如果美股收底於11540.
新一輪跌浪將開始.各位小心喇!!!
訂閱:
發佈留言 (Atom)
大跌市確認!?
回覆刪除基本上, 係..
回覆刪除至少先落18000先
之後就17800, 17400...即係每日都有可能跌400點或以上...
咁係米可以放66909入雪櫃^^?
回覆刪除要睇埋聽日開市先知!!!
回覆刪除可能高開呢?!哈哈....
總之穿左O個條升軌都應該會急回了.....
我聽日唔可以睇住個市...><
回覆刪除只可以睇到10半...點算...
以大戶ge脾性...夜晚GE水位真係半點都唔會留...如果跌就一定低開..
你先睇18000係第一站先啦~~同埋你幾點入?!
回覆刪除支持下支持下先, KC 加油呀!!!
回覆刪除我想聽日一開就入=] 之後一路都唔放~~=]
回覆刪除eva:多謝多謝~~但你o係u仔係咪唔同名...好多唔同名既我都攪唔清邊個打邊個...?
回覆刪除noel:嗯....都可以, 我都諗住係...但去到18000要諗一諗~~~~
唉~ 成日都係咁, 見到開左方向先黎追, 又驚後抽 ...
回覆刪除咁你覺得聽日會唔會到18000@@?
回覆刪除聽日會唔會一開就18400咁...破晒你上面D位= =
後抽都無乜好驚啦...係破左位就破左位...
回覆刪除noel: 如果破晒位仲好啦~更加確認係跌市!!!
此留言已被作者移除。
回覆刪除分析得好好,thanks!
回覆刪除KC。。。好想跟你學畫圖,你會開班嘛?。。難吾難學,要學幾耐架?
回覆刪除F, 我暫時無諗住開班呢! 因為我學既野未夠教人..HAHA..遲下有機會先啦!!!^^
回覆刪除