今日一開就穿晒所有支持位咁濟, 足證大市係有幾咁弱-.- 尋日班財演仲........唉!!!!
請大家真係要吸取教訓, 如果真係想o係股市賺錢, 真係要俾少少心機去學.
就算賺唔到, 起碼唔洗俾人水先~~~~
好...先講返個市~
其實都係無咩好講, 因為都係一個字. 跌!
以小時圖去講, 大市應該會跌落18000左右位置, 而日線圖更加淡,下一個支持位可能係17800, 之後到17400.
分鐘圖就18200左右有條平底, 如果吉倉既朋友可以等佢穿左條橫底先做淡.
如果想做好, 確實真係無咩位, 等升穿條大降軌再算吧. 依家約o係185左右, 隨時間而下.
淡友止蝕位都可以擺o係185左右..所以如果尋日做左淡倉既, 基本上已經穩賺, 係我就放下風箏先喇!! 即日波幅都唔洗點理佢!!!
第一個止賺位可以擺o係18000. 當然你想貪心d搏佢落17400甚至更低就你地自己諗喇!
另外一提, 匯豐同中移動都已經穿左升軌. 應該會落61.5左右位置, 中移動則應會落73左右
意味住大市係應該仲有得跌!
ps. 加多張 5 分鐘圖. 今朝就係俾條降軌頂壓位今朝高位. 依家期指o係中間位, 但如果上穿到中間條紅條, 咁就有可能會上返條下降通道頂, 現大約18350, 隨時間而下.
如果真係咁走, 咁我應該會o係18350入熊了!!!
當然都係升穿就止蝕啦!!haha~~
雖然我唔係好明，但都感謝KC，留條毛
回覆刪除哈哈哈....每次午市出既圖都好急...
回覆刪除無計...要開工~~~
今晚會好D,哈哈!!!
其實可唔可以用hsi畫圖架？？
回覆刪除如果無期指圖, 咁就係無辦法之中既辦法
回覆刪除不過基本上無一個圖表派係會用現貨圖去畫
Support kc
回覆刪除想問下你點開始學畫圖, 係睇書定係跟人學開始, 我想開始學有乜方法呢? 唔該!!
回覆刪除我係係咁睇人D圖, 上網搵資料, 睇書同上堂學返黎~~
回覆刪除主要要睇多D圖, 畫多D~每日係咁畫係咁畫
咁圖都畫一餐, 咁你就會學得好快~
甘請問你用邊個網D圖呢? 係米AASTOCK呢?
回覆刪除同埋有無好書推介?
回覆刪除THANKS VERY MUCH!!
回覆刪除我用WINQUOTE架
回覆刪除要俾月費的~
出去買D關於圖形既書, 了解下初步先!!!
Thank you!
回覆刪除日頭要返工, 通常夜晚先有時間睇書, 睇POST, 睇圖, 攪到甘夜重問您野, 真係唔好意思!