6月4日美股分析

 

大家好 ! 係咪好奇怪點解整左個美股分析呢 ?
因為有個朋友尋日聽人講朝早就CALL左美期，
今朝打黎向我訴苦，聽到我心都酸埋T_T
亦都知道好似話有一班人都同佢一樣，所以先分析一下美股個圖 !
(其實聽到都幾激氣，美股星期四晚擺明做後抽，唔沽都唔應該call啦....>o<)

先睇細圖，藍色上升通道o係星期三晚跌穿，跌穿後目標位應該係12280，
星期四落唔到12280，反彈上穿位o個點，小時圖仲留一條長影線，點睇都係後抽。
星期五要落12300既機會好大。
睇埋大圖，總共做左兩個長方形，大o個個長方形(綠線)目標位係12100，尋晚已經叫到左。
而細o個個長方形(紅線)，穿12300頸線後目標位係12000，離依家仲有一百點。
即係話，整個圖就係借下穿上升通道既力去打穿長方形頸線，咁點可能o係12400做好倉呢??
但短暫黎講，12100應該有止賺盤相信會有少許反彈，最好情況係彈返上去12300左右做後抽再落12000。

細圖有條紅色虛線，有機會係行緊依條通道，依家剛o係虛線底部，所以再沽風險已好大 !
不過如果下破依條虛線就會落12000。好倉未走既，你捱得住的話可以睇埋星期一晚美股點行先，因為第一個止蝕位12300已經過晒廟，依家依個位止又唔係，唔止又唔係，如果係我我會睇埋星期一點行先再決定呢 !

想做好，至少吉穿紅色虛線先做得，或者係小時圖既藍色降軌。