6月6日市前分析

大家好 ! 今日下午上上落落，以為有機會上穿紫降，但掂都唔掂就落返黎，
長倉無得做住，都係等啦 ! 不過今日下午因為做多個頂既關係，出左個上升楔形，
三點左右仲吉穿左，之後跌左一輪，我都加多左張LP過夜，細細地玩下，
仲係唔敢用期指過夜住，皆因我覺得今次做淡風險都幾大，因為5仔升上穿左位，
仲打埋後抽，不過基於跟圖做事既法則，所以先做一張LP，希望明天可以平平安安啦 !!! @@

先講大圖，仍然算係俾紫降壓住，所以未需要做好住，
而下午做多個頂，所以出左個上升楔形，依個楔形目標係17700，橫線係後抽位，
就睇下依個楔形行唔行得成啦 ? 紫軌為止蝕位，聽日大約O係18170，風險其實唔大，
只係怕過夜裂口穿姐 !

至於即市方面，今日下午可以做既位有 4 個，但我只做到一個，因為行得快得濟，追唔到 !
但都畫出黎俾大家參考下啦 !

1. 上穿平頂三角，之後一枝大陽，除非偷步，否則都幾難追。之後回返落黎時我CALL左張，最後都係平手走 ! 打個和算 ! 除非有贏或輸啦，唔係我都唔當佢係Trade了....haha.....
2. 下穿上升通道，依個就係我下午唯一一個做既TRADE。目標有兩個 (虛線位)，一個係18100，一個係18090，其實都到左步，但要睇你有無咁既耐性同膽量，而我...平均18140走左。@@
(18175沽，18140平)
3. 上穿下降通道
4. 上穿下降楔形
兩個都係穿左不回頭，追唔切 ! 無計 !