6月22日市前分析

大家好 ! 今日又係一整日跌單邊，所有下降通道都唔到目標，反而上升通道就ok喎 !
如果一早信尋日既上升楔形，今日就食足成個浪啦 ! 真失敗 !
不過我會好好記住依個經驗 !! (HinHin.....係咪有心同感受??@@)

講返大圖先，今日由頭跌到落尾，我365入既好倉，依家仲keep緊 (其實係牛)，
因為我骨子裏仍然相信個頭肩底，仍然係睇20200，所以本來係315止蝕，我都決定做長倉。
跌穿19300長方形後，即試紅色升軌即19250位置，之後有少許反彈。總之一日唔穿，我一日都唔會睇淡。
依家睇埋即市圖，收市前升穿小下降楔形，所以o個幾張權繼續keep~(無錯，又成手好倉-.-   D權蝕到嘔....=.=)
聽日如果升得穿比較大既降軌，就有力向上挑戰19600橫線，升穿埋的話，就可以睇20200了。降軌大約o係19370左右 ! 做好後，以紅色升軌做止蝕 !
如果跌穿紅色升軌，可以做淡，但只FOR即市，因為無圖形，無得計。可能會去19100吧?
總之要有圖形，就一定要升多600~800左右做多個頂啦 !
如果做左好倉過夜，基本上聽日係裂口向下都要止，當然可以睇埋19100橫線先啦，
要睇裂口幾多先決定到，但都係要搵位止蝕喇 !

即時方面，我無做TRADE，因為做左好之後就一直無理佢 !
不過今日有個上升通道都幾靚，跌穿後即到250目標位，皆因係尾段15分鐘，通常唔打後抽的，直插 !!!!! @@

依家我有三張權一隻牛..........願主保佑 T_T