3月2日市前分析

大家好 ! O係依幾日，大家有無感受到線位既威力 ?
如果大家係真係想學線位，首要條件係要信佢，你唔信佢，對佢存疑，咁就不如學其他野 !
我知有好多人會成日以搏佢假穿黎摸底，坦白講，就算佢假穿，入返條軌裏面，你最多輸廿點，三十點好未?!  但你摸底不成的話，一兩分鐘就講緊100點，咁你覺得搏邊邊?!
通常假穿都係O係阻力位附近磨，你見佢唔行咪走左先，睇埋第二枝燭先決定都得嘛。

今 朝我講個位大約21490左右，通常我會俾二十點左右佢做援衝，因為死睇數字係無用的，所以如果俾係我，穿第一次係唔會入住。之後回返上去，如果只睇下月 圖，會係穿左又上返去，但睇返即月圖，原來剛剛做多個底。不過我無入，我諗住返到公司先開淡倉，點知入LIFT前仲係500，返到公司已經 400.....中間位我係唔會做的，所以無計 !!
今日最多跌到落21273，睇睇圖，同條 X 線已經好近，得返三四十點距離，今日有朋友問我可唔可以PUT過夜，我答唔可以，因為水位太少，你無理由以大風險去搏小回報的，以依家外圍走勢，應該無錯吧?!

好了，講左咁多癈話，講返圖先。
聽日做好做淡都有位了，新畫左一條紅線降軌，升穿做好，大約O係21460左右，上望今日跌穿O個條線約21520，上穿的話就可以睇21700依D位了。
止蝕的話，聽日升穿左再講。
做淡的話唔好中間做，穿左下面條紫色 X 線先做，聽朝大約O係21200左右。
止蝕可以紅色降軌做，下望21000先。