2月28日市前分析

大家好 ! 首先都要講句恭喜先得，下午個市一開就穿左三頂降軌，之後就一路夾上去，
係自己衰定力唔夠434平左， 最頂仲穿埋降軌，不過我無過夜，點解?! 因為又係O個句，臨收市先穿黎俾你睇，好有陷阱FEEL~ 加上由300夾上黎都食夠了吧 !?
不過，臨尾一個錯盤，攪到沽左張期過夜，依家都幾驚T_T

講返圖先，暫時升完一浪，又要再得圖形，我感覺想做旗形向上爆，所以黎緊有可能係少少向下整固。今日下午降軌已破，但無再夾上去，咁就要睇聽日點開了，如果聽日係低開，最好低開好多，咁上一個頂同今日個頂就可以做條頂線，穿左call，但如果高開的話，咁我應該會睇埋上午點行先再作決定。
所以聽日無論高開定低開，我都會平左張淡倉佢，因為係我預料之外既倉，我唔識睇位做。
而如果要開倉，都係一個字，等!!!!!