2月21日午市分析

大家好 ! 今日10:00 ~ 11:30 有無被CHOK到暈?!
今朝果然係高開(我指期指)，即係做多個底，所以400我開左好倉，
第一目標係470藍線位，今朝到晒目標，但我白痴居然唔走 !
最尾穿黑線350止蝕，諗起都真係...........唉
不過即刻反手，目標係21100，有一百點渣手時以21300做止賺，之後一夾，
彈O個下我都無預佢彈得咁誇，350再追貨，又上到藍線唔穿，應該放貨又無放....
最後370走左....連續喪失兩次穩賺既機會。點解我講咁長篇呢 ? 係想大家同我一樣要吸收經驗，到目標係應該先食糊先，如果唔係好易得不償失。

依家小時圖開始都有幾明顯既圖形，首先，藍線可為牛熊分界，上穿就CALL，先上望紅線升軌670，順利穿到就望上升阻力線870左右。以返藍線做止蝕都得。
如果做淡，可以藍線做止蝕，今日試左頂，有機會下試大升軌，下個鐘大約21150左右。
依家O係中間位，無論做好做淡都只係50/50，大家睇位做野啦。