2月3日市前分析

大家好 ! 個市下午終於識郁，大家有無追呢 ?!
我o係20695 call左張細期，740走左，但臨尾760再渣返一張過夜，
基於我見佢都無乜可能跌穿下月期既635，所以我過一張。
暫時做左好倉既，就等佢上21000水平(有可能唔到21000，可能係2098x....)
依個就係我地好友既目標，當然如果夾穿佢可以唔洗走啦，
穿21000後下個位就係21500了，我就覺得穿既機會唔大，應該會o係20500~21000之間整固。而好友既止蝕分別有兩個，一係20590橫線，二係黑色升軌，黑色升軌比較遠，
聽日都係O係20300左右......
做淡嗎 ? 仲係未有位，同埋依家做淡好危險，DT唔緊要，長倉就真係唔好了。
如果真係到21000你想摸頂，咁自己衡量風險啦。

另外班O個度，聽日截止了，未回電郵既聽日係最後一日了。
如果當日係因有事黎唔到，都照俾個電郵我，你係有心想學的話，我可以介紹你去另一個班學。但都係聽日截止，所以要從速俾電郵我。而佢既開班日期係2月17日或24日，7~10PM。

到現時為止又俾我預期無咁多人...哈哈....突然又O係度諗，唔太多人的話都可以上完一齊去食飯喎。當係課後補充都得 ! 大家認為好唔好呢 ?! (就算係都係茶記啦當然....)