長話短說，睇圖先 !
我一直O係度等升軌，一直都等唔到，反而等到條降軌，真係吹脹。
尋日同今日圖形已出，係行緊下降通道，今日20200做多個底，只要大家用平衡線去拉就拉到條好靚既下降通道出黎了，掂軌後即彈 100，依個浪俾我撈到底，哈哈 !!!
黎緊竟然係有位做好，始料不及。
升穿降軌可以做好食，但最好只係即市做，如果以唔下穿下降阻力線計，破位後大約有二百點升幅，即係穿位得有機會上返綠線升軌後抽位，聽日降軌第一個鐘O係20430左右。不過如果向下破圖就唔好亂做好住。
依家外圍仲係跌緊，IG都跌緊二百幾，如果KEEP到收市，聽日可能一開市就破圖呢 !
最驚就係依D升下跌下既情況，唔知會唔會想咁樣慢慢游去19500=.=
只要唔怕上返去做後抽，唔怕止蝕位遠既，仍然係任何位置都可以做淡，以紅色降軌做止蝕，聽朝已經落到750了，風險只會越黎越細。
另外我話會出張日線圖，大家可以睇下，我所講既就係依個大型既上升楔形，其實係幾靚的，如果真係行緊依個圖形，今年內(甚至係兩三個月內)，會再跌落17000，但跟據之前大升既經驗，若果要大跌，應該會夾淡倉夾返三四百點打後抽先爆跌 (即係同之前升浪前一樣，同一日由18500震到落18200再夾上18900咁樣)，不過依樣都係估估下，希望應驗啦 ! 哈哈.....
沒有留言:
發佈留言