5月2 日市前分析

大家好 ! 線位確實係唔講得笑，O個頭朝早講完可以做好，下午就爆一段黎睇，
朝早就係俾晒機會我地入市，如果只跟圖做，當睇錯市O個個TRADE計埋落去，
700沽，800止蝕並反手，去到黑色降軌有阻力走人 (約20950)，加加埋埋都有得贏呢 !
可惜我總結我依個TRADE都要少少損手T_T 但唔緊要，只要小心D做，大敗機會唔應該會有呢 ! 好快就可以追返依個TRADE失去的!!!
講開又講，我近期做少左DT，多左做長少少，定遠少少目標，中間波幅唔理佢，
反而感覺仲好D，一來唔洗咁累，二來可以專心D工作。
頭先我睇左一段時間既圖，發現應該無三至四日就會出現一個圖形，同埋通常會即市破位，之後都會有300~700點不等既浪，驟眼睇係唔難食添 !
五月開始好好試下俾D耐性咁樣去玩先 !! ^O^

今日如果有做好既，食左未?! 今日確實吉穿過黑色降軌，但都係KEEP住O係O個個位CHOK上CHOK落，所以最後我決定LONG兩邊，希望佢能爆邊啦，爆其中一邊都有得食呢 !!!
其實依條黑色降軌我都唔係好敢確認，皆因佢之前個浪既跌幅唔夠，如果你話佢之前可以跌穿20000再彈穿降軌的話，咁我就好肯定話你知近依兩個月可以上22000呢 ! 而依家，好友短期目標先睇21300先。
不過其實今日過夜有點危，因為聽日係假期呢 !
暫時我都仲係睇好，所以唔會建議做淡。
暫時未有止蝕位，先以紅色虛線做止蝕吧 ! 但將來穿左都唔可以用黎開淡，至少要升穿綠色橫線，條虛線先可以確認有用 !