5月14日午市分析

大家好 ! 唔知係咪公司野太忙，星期五作病到今日都仲未好返，尋日好返少少今日返到公司又好似嚴重返 ! 我係咪得到個處理文件會死既病呀 ? T_T

先恭喜淡友今日再下一城 ! (順便恭喜埋自己)
不過如果唔識見好收就無辦法了，因為今日有好強烈既訊號要平淡倉，
懂得畫線就應該已平，DT的話甚至反埋手添 !

先講分鐘圖，今朝一開市高開，但開O係第一條降軌下，升唔穿，就要跌落去啦。
落到去我第一個目標位 19650，再去到通道底留左一枝長長既影線，淡友就要準備平了。
當升穿下降楔形時，淡友可平倉加反手。
只係兩個TRADE就夠百幾點，著實唔難食呢。

睇埋15分鐘圖，降軌未穿，都暫時未談得上可以全面看好，但有幾項指標已經轉好，
所以暫時唔好做淡了，首先MACD之前一直係熊，剛剛已轉牛 ; 其次分鐘圖升穿左一條比較低既降軌，大有機會借力升穿埋依家條下降通道。
不過當然唔好偷步啦，都唔爭在O個十幾廿點，午飯後條降軌O係19870左右，升穿得目標係20100左右，通道比較窄，無計 !
但要有大升市或大跌市，就要出多D圖形先得，因為空間太窄了。

總結係，淡友應要平倉了，等機會做好友吧 !
做左好的話，因暫時未有一條好既升軌做止蝕，只能用今日DL做，或者入返通道就走。