9月7日市前分析

大家好 ! 剛睇完麥提爽，好眼訓 !! ZZzzzzz........
今日下午等平左張CALL之後就出左街見客，無做到TRADE。
我睇74姐，估唔到原來一直行緊之前穿楔形既延伸浪 !
有上過研討班既都應該畫到，今日DH就係依個楔形既目標。
不過近期D圖，時係時唔係咁，尤其大圖，好難玩~.~
所以依家每日食到四五十點已經好心滿意足了...

睇返大圖先，我一直都等緊抽返上去，依家睇外圍個勢，聽日高開應該係意料中事，
但問題係，高開係咪就等於回升呢?! 始終都仲係下穿左升軌，上返去，或者只係做後抽 !
炒股最忌係隔夜聽到消息，第二日無論裂口幾多都唔理三七廿一追入...咁樣等同賭大細 !
我記得我之前都講過. ( O個次好似係阿爺減息....第二日高開..再插水 )

如果聽日真係升穿紅色降軌，安全起見係應該先行止左先 !
而我張LP，我諗我會睇埋尾市先，或者睇日線收咩燭，
若果收返O係通道入面就可能會走，但如果聽日係高開低收，仲係收O係升軌出面，我有可能會加多張LP。若果O係升軌留枝影線就更加唔洗講加硬啦~
所以聽日點收法都幾關鍵呢 !