9月27日市前分析

大家好 ! 今晚趕住去飲喜酒，之後仲要去我朋友度幫佢整電腦，都唔知返唔返到屋企 ?
所以拿拿臨寫左分析先。
今日即市悶到九彩，可以得二三十點波幅，可以休息一下 !!!
但尾市吉穿左即日既升軌，又見打唔反入通道，所以都膽粗粗put左一張期指。
本來我話LONG兩邊，但睇返D權都要三十幾點，我又睇目標只係20400，即係應該唔會大插，更加唔會睇大升啦 ! 所以都係放棄LONG兩邊了。

大圖仍然維持204既目標先，如果係之前穿楔形、又或者係星期二既過夜倉，可以以今日DH做止賺呢 ! 止蝕都係同一個位。即市圖我畫左條大降軌，如果聽日裂口低開，亦可用依條線做止賺吧 !
暫未有位做好，20500做左平底，至少要向下吉穿先會見做好倉既位呢 !
而依個平底三角跌穿的話有機會見20150~20200.....
但記住，有目標之餘都要set住止賺呢 ! 安全至上....