11月16日即市分析

今日下午有啲事忙，所以無出午市分析，現改為即市分析補數 (雖然已經三點 ! haha...)

今朝AO時段上穿左194，不過好彩既係開市前急回返入通道，所以無入到牛，
之後就一跌殺去192，穿埋我都唔係第一時間入，最後落到去19175左右我覺得已確認係破左位就入左熊了，之後一直殺落去19000、18900、18800......今日最低位係18709，亦算係到左既目標價，所以已經放左了，叫做贏返一仗吧。

如果未放既朋友又點做呢 ?
我覺得確實有點膽搏膽，點解 ? 先睇小時圖，好明顯19700支撐住個跌勢，但就算跌得穿，對落仲有條升軌，而條升軌大約o係18650左右，再加上RSI呈現超賣，要回返上少少係好正常，o係可見下跌水位唔係好多時，都係有食好食了。
當然如果你想長擺都得，可以以19000左右做止賺，想再擺耐d就以條降軌做止蝕或止賺，依家條降軌o係19300，隨時間而下，即係越耐唔穿越著數。

如果想做好，都係睇返條降軌啦，即係話暫時都無位做好，要等 !
如果你想搏反彈都得，但最好細細注，因為都係買大細。