大家好 ! 近期個市真係易炒左，唔再係一裂口就到目標位變左無水位，線位又分明，我等都等得有價值。哈哈 !
今朝開市開o係18500以下，之後試過上穿穿唔到，依個動作叫後抽，所以知道穿唔到之後就可以開淡倉，目標睇18350。到位唔穿即走，咁就穩穩陣陣袋100點了。
之後又點呢 ? 如果開左淡倉未走既朋友，止蝕位可擺o係18500，即今日DH，或者唔甘心的可以擺o係18650，穿左就一定要走，但我偏向穿500走，一來唔會蝕好多，二來已經到左目標位350，唔知會唔會係底 ?
而吉倉既朋友，食左糊或錯過左機會既都係望18350啦，穿左可以沽，先睇18100，穿埋就到18000下降通道底。如果想做好，最穩陣都係等升穿紅色降軌先，當然DT的話穿185都可以做，先睇18650，但止蝕要定o係18350，有點遠呢。
小心尾市先穿大位引你入，尤其係買牛熊的，如果尾15分鐘上返去就無仇報了。
做淡既朋友有一樣野要小心，RSI係持續背馳，可能會好似尋日咁彈一彈呢。
不過暫時做好過夜都唔係好建議住，始終仲係o係下降通道行緊一浪低過一浪既走勢。
祝好運 !! ^^
沒有留言:
發佈留言