11月2日市前分析

今日跌多500點了，離我第一站19000只差少少就到。
個人主觀意見，應該會到...HAHA!!! 總之開左淡倉既朋友都可以恭喜一下，包括我自己^^

睇返圖先，跌穿條小升軌後，下一個位就應該會到19000，而聽朝第一個鐘條升軌會O係18980左右，十一點打後就會O係19000以上，即係話只要十一點後穿19000，未開淡倉既朋友都可以開了，先睇18700，穿左就睇18350了。而如果真係穿依條升軌，跌幅預期會有1500-2000點，但千祈唔好偷步，破位先做，並留意遇支持後既反彈力，隨時準備食糊。
淡友止蝕暫時都係擺o係新既降軌啦，第一個鐘會o係19510左右。又或者擺o係19250(如果聽日向下裂口的話)

想做好的話，都係升穿條降軌先，不過就算升得穿都唔穩陣，最好做多個頂可升穿先入就最穩陣喇 ! 升穿的話得一個位會係 19550，升穿就19700了。千祈千祈唔好胡亂搏反彈。
止蝕就擺係條大升軌度啦。
或者你話到19000搏反彈得唔得 ? 唔係唔得，但萬一穿左可能會跌得好急，要擺好止蝕位。同埋我話唔到俾你聽反彈目標係幾多!

另外，今日我見好多人都一開市見穿左升軌追淡，挾返上去680止蝕，之後跌返落黎又唔敢再追。我有份入，亦有份止蝕，但我有再追熊，我或者可以分享下我憑咩理由去追 ?
等大家如果下次遇到同樣情況，可以作個參考。
今日我o係680止蝕後就o係度諗，條升軌係咪發揮唔到作用呢 ? 如果無升軌就即係市中間，咁市中間即係唔可以入貨啦 ! 但當佢行多兩個鐘後，你見到19686試左個裂口阻力唔穿，之後落返條升軌唔穿，至少我證實到一樣野，條升軌係發揮到作用既。咁就好做啦，咁即係再跌穿的話就應該會繼續向下炒，所以當佢再跌穿就可以做淡，相反升穿19700都可以小注做好。

有人問我，你唔驚佢挾返上去咩? 首先，炒股無必勝的，當中一定有風險，但可以衡量值搏率。每一次做買賣，無論做好定做淡，一定要有理由o係背後支持。
今日裂口跌穿升軌後挾返上去，可能只係好友要o係高位平倉或淡友高位建倉，好多理由，所以裂口跌穿後再升穿升軌唔可以代表個市好好。
升唔穿裂口就係升唔穿，已經係第一個利淡因素，之後試埋條升軌係有料到既，再跌穿。
加埋已經有兩個追熊既理由。我諗唔到點解會唔敢再追 ?
你問我驚唔驚挾返上去 ? .............挾返上去最多咪再止蝕 ?
但諗一諗，跌穿升軌後向下炒機會高D定跌穿後o係無晒支持力既情況底下升穿條裂口橫線機會高D ? 向上你最多輸多一百幾十點，向下你可見既係五百點。同埋破位後係應該會行到底，最多只係我睇漏左某條線位架姐。所以下次如果遇到差唔多情況，到止蝕位止左佢係無錯的，但之後要冷靜再睇返局勢，應該做既就去做，如果本來係睇圖形線位入市，但又要驚依樣O個樣，咁學畫圖黎做乜 ?