11月2日午市分析

今天又低開二百幾，今早我已經o係19000平左隻熊了。
皆因小時圖RSI太低，加上我唔係好相信可以一下子跌穿一條穿左之後會有1500~2000點跌幅，咁重要既上升軌。我相信應該會向上整固一小段時間 (主觀意見...)

講返圖先，依家個圖同尋日個圖差唔多，輕微跌穿少少升軌就即刻回，
依家就o岩o岩沿住條升軌行緊，即係話，再跌穿條升軌就可以再開淡倉了!
第一個鐘會大約o係19070，隨時間向上。而開倉後止蝕可以擺返o係降軌。
降軌第一個鐘會o係19300左右。
想做好的話，尋日已講，最好o係降軌做多個頂再穿上去先做就穩陣D，但美股向下破左位，所以我都係唔建議開好倉。
而真係做好的話，止蝕擺返o係升軌啦 !

補充返少少野，線位拉出來後未必100%準，因為個角度只要稍有0.1%偏差，對之後延伸出黎既線位點數都會有好大影響，有時會有幾十點既差別，所以唔好太過著重點數，要著重o個枝燭係咩型態，通常都係一枝陰燭，而第二枝燭已經o係軌道以外，可以配合埋成交張數，破位時應該張數會突然激增的。