所以返到屋企第一時間開機打，等可以放鬆一下先寫分析可能會好少少。
(不過我係打BF3，打完好似仲緊張左...HAHA!!)
今晚下午既大反彈，已証明上午既食糊係正確的，
雖然上午開市曾穿19000，但穿左少少就即彈返上去(甚至無穿18980)，
所以基本上唔算係破位。如果因為見穿19000就即入既朋友，至少見第一枝燭係十字都應該要走，第一枝燭唔走，第二枝燭企返上升軌都要走，記住向下破位一定係陰燭的。
要吸取經驗喇。
今日個市當一穿降軌就黎個大反彈，足證依條升軌既支持力有幾強，亦意味住一跌穿就會有好急既大跌，所以就算黎個大反彈，都唔好以為個市會好好。
今日升穿19700，下個位初初我估會到20150的。但再諗一諗，剛跌穿o既o個條升軌同埋10/27&10/31做出黎既頂引伸落黎既都有可能係阻力 ，有可能依個只不過係後抽 ?
所以都仲係要等，唔好睇得太好住，大反彈有可能只係好友想O係高位平倉。
如果想做好的，我諗最好都係升穿最頂o個條綠色線20150，之後就會上20250，穿埋就應該會到20500或21000.....
想做淡的話，都係睇跌穿條升軌先啦，聽日第一個鐘約o係19170，隨時間已上，而如果真係跌穿的話，下一位就會係18700，之後到18325。
做淡同做好都無個比較近既止蝕位，要等佢再行下再出圖形先!!!
如果你真係真係忍唔到手好想入市的話
做好既可以穿紫色條降軌並穿埋入之前跌穿既升軌後做好，上望20150，今日分鐘圖拉條升軌上黎做止蝕位。
做淡既都係分鐘圖條升軌，第一分鐘會o係19650左右, 跌穿下望19500左右。止蝕位擺o係小時圖紫色降軌吧 ! 第一個鐘約o係19830，隨時間而下....
呀~~~好眼訓.....睇埋one piece先訓................zzzzzzzzzzzzzzzzzzz........早抖了!!!! 祝各位贏多D!!!
沒有留言:
發佈留言