圖表陷阱拆解

今日出依個POST，係想講解一下上星期四尾市破位後一日急升既圖表陷阱，
究竟係咪真係避免唔到呢 ? 當然唔係，但就算係高手，如果係玩動物好有機會輸錢，
因真正確認係假突破要o係16:15先出現。輸，真係無可厚非。
好 ! 癈話講完，依家就黎拆解下下次遇到同樣情況可以點避免 ?

首先我畫左四條線，以藍色和橙色為一組。
兩個情況都係先出現假突破後第二日裂口高開，點解呢 ?!
其實兩日既情況基本上係一樣。
兩日恆指都係一直沿藍色升軌向上升，已經有多個底確認升軌係有支持，
而第一日最後一枝燭升軌o係18540左右，上星期四則o係19190左右，跌穿後入市，之後急插150-200點遇支持。當時有少許反彈都可能只係覺得只係整固對吧，但因如果要決定過夜，就要步步為營。當o係DL見反彈力道好強(約100點)的話，即刻要畫線，要睇睇係咪有條線漏畫可做支持 ?
而o個兩條橙色線真係剛剛好連到做到底，而依兩條線都唔係求其畫出黎，兩條都係由反彈既起步點連出黎。
第一組圖係16000後裂口高開後第一個低點。
第二組圖係18700，有印象我以前講過18700係一條橫線會有支持，要穿左先好沽嗎?
當日裂口低開後遇18700即反彈至20000點，所以18700係上次升浪既起步點。
而當確認依兩條線連出黎可以做多個底之後，再跌唔穿落去就要止賺或止蝕。

而點解我會話玩動物好大機會會輸錢呢?!
1) 4:00打後先升穿行左整日既下降軌。
2) 4:14先穿返入條升軌。
就算你玩期指都要好眼明手快先走得切 (當然你可以set定止蝕)

咁o岩兩次我都出左街 ! 畫唔到圖 !
真係是福不是禍，是禍躲不過......................>o<