11月29日市前分析

大家好 ! 今日個市又係............高開.....橫行，真係日日如是 ! 無點渣手，過夜真係尤如賭大細=.=

好，先講圖，今日主要受兩個阻力壓住，一係小時圖50天線，二係RSI三頂。
而條降軌聽日第一個鐘O係18130左右。
依家睇外圍咁勁，聽日高開都好正常吧 ? 但都要睇返開咩位先有得追 ! 如果升唔穿降軌就最好啦，可以等佢穿左先追，但如果高開太多，穿降軌後第一個目標應該係18350，如果開得太近，咁我都係會等返穿350依個位先開好倉，暫時未有穩陣既止蝕位...或者先擺18000吧 !
如果真係升穿降軌，近期既跌勢應該已完，長遠少少既目標應該係19000了。
但都要留意100天同250天線既阻力。
最怕聽日又係高開橫行，咁就真係唔知點算 !
切記要小心裂口穿阻力，先睇定點，如果好急咁回返入降軌就千祈唔好開好倉。
同埋要睇住RSI三頂，穿唔到都唔好開倉

如果想做淡的話，暫時無位做，我諗要出多幾隻腳，有條升軌出黎先有得做了 !