11月9日市前分析

今日除左上午食左轉升浪之外，整日都超忙，無睇過個市乜濟
不過聽日都差唔多九成高開了，因為今日整日既下降軌o係尾市被破位，
按波幅計算，聽日應會升到19930左右，但會唔會再上就唔知了。

暫時圖形都無乜變化，都係睇住o個幾條線位做野，但小時圖新加左兩條線，
虛線係未確認既升軌暫可以不理，而19600則會係一條幾重要既橫線，因為試過三次都跟唔跌，如果聽日有唔錯升幅，依條線更加係升市既起步，所以想做淡，可先睇依條線。

而想做好的話，先睇睇聽日開咩位，裂口高開19950以上，咁最好等佢升穿日線圖既 100天線先做好，但我都係維持升穿20250先做好會好D，反正升得穿的話上面仲有好多水位。如果係19950以下，咁就先睇睇19930~19950依D位會唔會受阻力回落後整固再上，如果係咁行的話就可以破位後開好倉，先睇20100~20150 (或日線圖100天線)

暫時都唔好睇得太好太淡，因為一日未穿19000~20250，一日都仲係O係整固區，仍然會好CHOK，千祈唔好亂咁過夜，尤其要控制注碼。