11月4日市前分析

今日真係超級大逆轉，大跌-->反彈-->大跌-->再反彈
不過今日成日都o係街，無入過市，但尾段熊左過埋夜，看來要捱下價錢。

小時圖尾段已跌穿升軌，但仲有條軌o係19070左右，真係似係畫漏依條。
最後掂到依條升軌後即時反彈，仲升穿返大升軌裏面 ，今次隻熊真係焗輸，因為已經收左市。做左淡過夜既，依家唯有睇返止蝕擺o係邊? 對上拉落黎有條降軌， 第一個鐘o係19700左右，即係話如果升穿197，一定要止蝕，而反唔反手 ? 剛剛輸一仗的話最好調一調整自己心情再諗清楚。
如果無升咁多，又唔想坐咁耐，都可以擺止蝕o係19550。但依個位就真係唔好追牛了..只係for止蝕用，以防萬一。當然，一日未開市一日都唔可以肯定聽日高開既 !!!

如果想做好，升穿條降軌可以小注做，可先睇20000
如果想做淡，睇黎要跌穿19000先叫安全，第一站都係睇18700。

今日有點似10月14日(綠色升軌o個度)，當日我又係出左去， 跌穿左升軌入貨。
之後係跌過一陣，但被另一條升軌支持住回彈，第二日裂口高開。
我又係因為畫唔到圖攪到睇錯市.........我以後一出街就唔過夜算 !! @@
依家只好寄望條降軌發揮到作用啦 !!!
我始終覺得跌穿咁大條升軌無理由得o個一百幾十點跌掛 ?