4月17日午市分析

大家好！今日個午市分析無圖睇，因為去左醫院探我阿爺。人生無常，大家要珍惜眼前人呀！
心情麻麻，所以上黎寫寫分析抒發下！

今日即市圖無睇，但見到個大市跌穿尋日低位，最低見過420左右，依家幅圖好睇好多了，首先好倉最終止蝕仲係380左右橫線，最怕即市唔穿裂口跌穿就麻煩，過夜就有依個風險。
如果止左嘅、或吉倉嘅，睇上星期五同今日嘅頂做出黎嘅降軌，只要夾穿，就可視為旗型。皆因我尋日平左好倉，所以我確實幾想佢可以跌落400左右，咁就有降軌俾我上返車！

而想做淡，都係黑色升軌啦！
我相信今朝已有圖形可即市做淡，可以以我講嘅降軌做止蝕或止賺。