4月2日午市分析

大家好 ! 又過左一個大好既假期了，不過依個期假我就過得唔係好安落，
因為星期五尾市DT，大家都見到最尾做左個圓頂，所以我沽左，點知原來已經收市，
我完全無睇到時間，真係一個低級錯誤，希望大家唔好學我。=.=
我星期五話DT好難炒，但我都有POST張分鐘圖出黎，係因為其實好難炒都有得炒的，
但佢難炒在每枝燭既速率同波幅好慢好細，每枝都係得十點八點，依D市就最好有得食好食了。分鐘圖圈住既係入市位，止賺呢 ? 依家講唔清，有機會O係研討會講。

今日POST左兩張圖，先講日線圖，依家圖型真係似係一個微微向下既下降通道，
如果又彈返上20500~21000的話，整個整固可以話行左兩個月，只要求其爆一邊，都一定會好急，大家想做長倉既要留意了。我估計頂同底大約係20200~21700左右吧。

睇返小時圖，同日線差唔多，不過就有個20700既裂口，升穿會見20800補裂口。
而要升上21700，先要睇黑色降軌21000左右，之後再升穿埋21170既牛熊分界線，就會見21600了。若果失守20200，咁就應該會落19600甚至更低。
O係整固區裏面，暫不宜有過夜倉呢....至少多D圖形出現先得 !