4月19日午市分析

大家好 ! 歐聯真係害人不淺，我鬼眼訓....但真係好好睇 !
雖然我鐘意既巴塞輸波，但只係欠點運，中左兩球柱呀T_T。
不過藍戰士確實打得返，期待次回合^O^

今朝一開市就穿左昨日DL，但唔會追沽，因為裂口穿，講左好多次點解啦 !
之後一路夾返上黎，最後我張好倉o係865平左，因為我想DT下。
我O係中段先開始DT，所以線位O係中段先開始畫，大家不彷參考下，今日都幾好炒的!!

小時圖方面，無乜變動，但有樣好緊要既野要注意，依幾日既頂做左條上升阻力線出黎，
如果一直破唔到圖，唔排除頂已見。當然亦有可能裂口穿，依家都係得個估字。
如果夾破圖，咁分鐘圖由下數上第二條升軌就成立，可以做止蝕或止賺，
條線係由前日個底同今日個底連埋的。
但唔破圖的話，條線未必成立，最好掂到回一回再跌穿，但跟據經驗，就算條軌有用，跌穿後就會上返做後抽，倘若係咁行，尾市仍然上唔返軌道內，就可以沽過夜。
但皆因係估估下既關係，最後都要睇收市前幾分鐘點行先決定到。
依家千祈唔好諗住偷步，就算唔破圖圖形都係偏向好的，21150仍然係目標位。