4月24日午市分析

大家好 ! 我張淡倉都o係開市無耐，o係20620平左，又係過夜得幾十點，哈哈 ! 不過總好過輸先啦 ! 係咪 ? 今日個市chok到爆，我諗左好耐點解會入返通道裏面呢 ? 之後發現睇唔透，就出左去了。剛返到公司再畫一畫，就發現自己miss左個二百點大浪 T_T

今日好麻煩，要睇即月同下月。
即月上穿返上升通道，但係就去到尋日畫既分鐘圖止蝕降軌就即刻掉頭回落，所以如果你忍得到，你就一定賺緊呢 !如果你選擇左穿降軌先走，就一定要嚴守，唔好笠亂止蝕。

而睇返下月五分鐘圖，今朝個頂原來係未穿升軌，只係即月圖穿左，但依家正值轉倉期，兩個月都要睇。而打後抽位置係做淡最佳位置，無做到，就要同我一樣繼續吉倉唔好亂做住了。
因為圖形又有少少變化，如果跟據打後抽位置去睇，依個浪應會跌到20100，但係尋日同今日兩個底剛好形成一個下降楔形，所以依家追沽有風險，依家最好咩都唔好做住，除非向下破圖。我o係期結前應該都會係吉倉過呢 !