4月10日市前分析

大家好 ! 話咁快就放完個復活節假，真係超唔捨得 !
O係依個假期去左睇套春嬌與志明，又幾好睇喎 ! 哈...
依家外圍都跌得好急下，而IG或ADR都係去到 20200~20300左右位置，
見唔見底就未知，但有日有個朋友同我講，外圍跌成咁，個市完了 。
我相信唔止我朋友，應該有好多人都有依種心情，但當全世界看淡時就要小心呢 !!!
暫時幅圖係向下，但因為O係下降通道既關係，向下好正常，問題係當圖形一出，
就通常好快會破位，所以暫時黎講我都唔敢睇得太淡。

睇睇圖，要穩陣做淡，有三個位一定要穿先好做。
1. 20200橫線
2. 下降阻力線20150左右，隨時間而下
3. 日線圖RSI橫底
但就算穿晒，都仲有一條長期既黑色升軌O係20050左右，開淡要留意
當然，如果個市咁弱穿晒依D位，就真係大勢已去了。

而做好，依家做就只有撈底，O係20200左右都可以做，如果真係守得住，就以通道頂20800左右做目標，可以以跌穿下降通道做止蝕。
當然，撈底係有一定風險，因為大戶未有影子俾你捉，你都係估佢點行，所以要自己衡量了。