8月17日午市分析

大家好 ! 今日果然高開，尋日走晒D熊都係正確的 ! 嘿嘿
今日上穿左紅色降軌，淡倉要暫時徹退了。
可能會有人諗，日升日跌，坐下實會回返啦 ? 我只能夠講，整固左咁多日，
爆起上黎可能會好急，你估中尤自可，估錯.......可能輸單邊呢  !!!
但如果你係睇中長線既，咁就可以以最頂既三角降軌做止蝕，依家大約o係20270。

大圖仍然係維持長方形，下至19900，上至20300，好難玩。
如果以即市計，今朝上穿左紅色降軌，其實係一條小型下降通道，可以做好，目標係三角降軌，以返藍色升軌做止蝕，大約o係19960。
今日畫o個條藍色新升軌，其實係未確認的，不過如果以依條升軌去畫條平衡線的話，剛剛好可以包到依個升勢既三個頂，即係話，今次會係用140點去摸底做好。
如果今日真係做第二隻腳的話，應該至少可以升到去20500，甚至20900，搏唔搏就大家自己決定了。

國企方面，之前係跌穿左上升通道，但同恆指圖情況一樣，
如果用最底o個三個底做一條升軌，尋日就做多一隻腳。
如果穿埋紅色降軌同入返之前既通道會更加肯定。

依家個市好得意，基本上做好做淡都得咁樣，因為行緊三角形。
但我開始偏向好了 (我本來都仲係大淡友-.-)
原因係，要跌的話，圖形一定會做，o係之前o既圖形唔o岩、同埋依家無圖形底下，要再做圖就一定要再向上升，所以我暫時都係收埋D淡友因子先。
但想穩穩陣陣既當然係穿三角降軌先做啦 !