8月1日午市分析

 大家好 ! 今朝裂口低開，但又唔到目標位，離第一目標位差40點咁多~~~
但係做所有trade，只要有賺，都應該set定止賺位，依個係我一貫做法，至少唔洗輸先 !
睇即市圖，650就係我止賺位，因係尋日浪底，同埋今朝又做左平頂。
可惜既係，一朝早就出左去，用teamviewer平熊真係好慢，足足用左我十幾分鐘先平到，白白無左三格。唉............T_T

之後一路夾上去，夾穿埋尋日DH，個勢好似好強咁，確實係睇唔通大勢係點。
大圖去睇，真係仲未有位做好，因為要做好的話，就至少要回一回，做條降軌出黎先，
今朝回少少又即上返去，又係無圖。做淡都係，係尋日條升軌靚少少，但跌落去三角降軌有有D支持，跌又跌唔足，驚左成晚又無肉食。所以都係等下算 !

即市方面，正考慮緊PUT唔PUT，因為穿左個上升楔形，目標係19700左右。
如果上返19800可以考慮下，但要放成36點止蝕，止蝕都唔少，自己衡量下搏唔搏啦 !

另外外圍圖POST左三張，分別係英股小時、美股小時、美股分鐘
先講英股，前日掂升軌做天線陰燭，尋日即刻落幾枝大陰燭落黎，圖形真係好差，
如果按依個楔形，應該至少要跌返落5500。但有個疑慮係，對上做左三頂，如果黎緊上返去，就會做成頭肩底，所以依家都仲係十五十六.....

美股方面，先講分鐘圖，點解 ? 因為尋日美股好炒到不得了，我依家考慮緊好唔好唔炒港股炒外圍...........外圍D圖真係好炒好多=.=
美股尋日行左三個圖形，全部到晒位，最後一個頭肩頂，目標係13000，仲差幾點。

小時方面，佢上穿左上升通道(或可叫長方形)後，依家回返落黎，會唔會係落返12950~13000左右打後抽再上呢 ?分分鐘可升上13500..............-.-

總結美股圖確實唔淡，但英股就比較淡，港股更加唔知想點.......
所以長倉....唔諗住了 !!
我仲有張細權，依幾日既trade賺返黎既已經等於張細權既成本，所以暫時唔理佢住~
8月重新黎過 !!! ^^

聽日係DT3既日子呢，我改左O係202房，都已經出左E-MAIL了，注意 !