8月8日市前分析

大家好呀! 今晚比較夜，掛住打機~~HAHA
午市分析個即市位又到位了，如果有做倉既就講一句，恭喜恭喜 !
識得畫圖同計目標的話，做倉就係咁易，入市--定止蝕--SET止賺....之後由佢 !
我O係DT3叫大家試下先做paper，唔知成績如何呢 ?^^

講返大圖，今日話如果上穿20090會做好，因為做左個平頂，
但問題係目標難定，如果上穿的話，第一站應該係睇20230左右。
依家睇外圍個勢，聽日都應該會高開，升穿20090會比較睇好，不過我比較偏向等佢即市行左圖形出黎先做，反正都係為左賺錢，又何必搏呢 ?!
聽日高開的話，咁好大可能會有個上升通道出黎俾我地做淡了，但依D係後話，聽日午市分析再講 ! 不過都係同一句說話，一日未跌穿藍色升軌，一日都唔好做淡過夜，切記 !!!
依家升軌大約o係19700。