8月16日市前分析

 

大家好 ! 今日個市好CHOK ! 但以即市計好好炒，可惜我整日都O係出面，坐得底望到部電腦都已經三點半...唉....每次都係咁，唔係我財唔入我袋.....-.-

講一講即市先啦 ! 今日真係係咁多日裏面難得有幾個圖形既一日喇 !
大家可以畫一畫，全部到晒目標位。
今朝我入O個張196LP仲O係手，因為小時圖MACD轉左熊，RSI又跌穿左升軌，
但臨尾升得咁急，都入多張204LC沖一沖先，整固圖都行左好多日喇，應該差唔多係時候爆邊喇掛?! 所以都係做多張LC穩陣，聽日睇下點行再算....

大圖都係無乜野睇，今朝O個條上升通道升軌跌得O個幾十點，又係無用，仲係擺脫唔到整固圖格局，O係依段時候，老實講真係無乜野可以講，想確認方向既就要繼續等....
依D咁既圖兩三個月就黎一次.....無計....

既然恆指無野睇，就睇下國企啦 !
國企幅圖其實靚好多，今日DL就係佢個後抽跌幅啦 !
依家問題係佢跌穿左條上升通道，仲打後抽添，圖形偏淡。
依條通道目標係9450，用對上既降軌做止蝕，都係講緊百幾點 !
如果星期四朝唔上穿返入通道，我都可能會試下沽國指，反正恆指真係無乜野好睇...
我蠢左...之前國指跌穿上升楔形就應該沽佢啦=.=~~~~