8月30日午市分析

大家好 ! 如果尋日有聽我講790做止賺，咁大市對大家好好呢 ~但對我唔好喇 ~~~
一開市裂口低開，唔洗睇返個楔形做好 ~ 但我尋日隻小牛打左靶了，
如果維持o係依個水平唔再創新低，咁就約輸相等於50點既細期啦 ! T_T
其實尋日臨收市都走去入隻低溢價既熊，但都係講緊收市前10秒既事，
最終入唔到~~~天意@_@
今個月D過夜倉真係同即市DT打晒平....完全得個吉 ! 希望九月會好一點啦 !

依家可以睇返大圖了
有樣野其實係蠢左，日線RSI升軌穿左，但無為意到，前幾日咁行法都無睇過大圖，差勁=.=
而期指方面依家已經好接近大升軌，我望緊可唔可以試一試位再彈返幾百，如果依條升軌試好再穿，黎緊就會有一個大跌浪 ! 依升軌依家大約O係19250左右。
不過如果黎緊係大陰燭插穿....咁都迫住要做淡啦 !
大家可以再睇睇之前穿O個個大楔形，其實同依家好似，睇返時間，4月都係期結O個日插落黎，但就唔知之後係咪一樣咁行了。4月期結後第二日彈返上去，向上調整先向下插大升軌。
所以要做淡千祈唔好偷步住，確實穿左先好做 !  又或者依幾日會彈返上去出條升軌做個平台呢 ? (幻想中....haha)

即市無做過，成朝o個街，睇下下午可唔可以追返o個50點先>o<