8月13日市前分析

大家好 ! 今日星期六，早早出左分析先，咁夜晚睇完飛虎就可以直接訓教了 ! 嘿嘿...
星期五o既淡倉最後都係無過week(都已經拿拿臨上chat room公告@@)，原因都有好幾個，第一) 跌市成交縮，跌得唔像樣。第二) 下午做左個幾靚既下降楔形，楔形意思係力度唔夠，目標仲要上返去210添。
所以o係20070左右，即臨穿楔形平晒淡倉，臨尾30秒仲想急急腳入返隻牛仔過夜，不過入唔切.....最後吉吉過week，都係好事^^

如果淡倉過左week仲未平的話，看來星期一有機會要輸幾十點，不過策略都係一樣啦，淡友們如果o係第一止賺位無走，就要睇第二止蝕位，即啡色降軌位置，約20230。穿20280破楔形，點都要止了。(語重深長的說一次，有賺時，一定要mark止賺，一定要控制風險呢!)
吉倉想開淡，仍然可以睇返依兩個止蝕位，你承受得到就可以入。
但我都係DT左先，先睇即市咩圖形先再決定。
想做好的話，睇返日線圖，有條三角降軌O係20380左右，暫未知有無用，要試左位先決定到，但又要小心上升阻力線，都係繼續等位啦，無得急。

今日加多兩張圖，先講國指
先前行既下降通道已經到目標，而星期五o係升軌上做多個底，只要跌穿就可以開淡，
升軌o係9870左右。我睇唔通港股同外圍就唯有睇住國指黎做了......
跌穿都有300點幅度呢 !!!

加多張美股，美股尋日行到中間都已經估佢會倒升，因為用條降軌畫條平衡線的話，正正做到下降通道既下降阻力線，尋晚尾市仲要升穿，如果只睇依條通道去計的話，目標係13280。
最怕依條通道係旗形。不過都無得估，睇埋星期一美股會唔會到目標後迅速回落再算 !

總結係 : 我會比較偏向睇住國企去做，如果國企跌穿升軌，咁我會開淡過市。但如果唔穿，我仍然會keep住吉倉過，因雖然港股係穿左楔形，但美股同樣穿左下降通道，咁矛盾既情況我寧願唔做倉算了。