7月18日市前分析

大家好 ! 今日早少少出分析 ! 公司好忙，再夜D我怕會無精神寫.....
今日一整日都無做過trade，成日都o係街，想做淡，亦都搵唔到位做淡。
尾市本來想keep兩手熊，最後都入唔到，但當時其實我係無睇到圖。
返到公司都已經四點鐘，再望一望張圖，其實係唔應該做淡住，仲未係時候 !
皆因即市圖做緊個上升平頂三角，亦有D圓底feel，如果穿位，目標就係19590和19620了。

暫時要開淡倉，就要睇下上唔上到之前上升楔形升軌位置(約19720)，並留下一條長影線，咁就可以確認開淡了，所以最好都係等一等。
若果要穩穩陣陣，都係等返18800橫線。如果落得返去，右肩就成圖。所以暫時都係....等 !
而如果聽日即市實燭穿19500，就可以做好，目標睇19590~19620，用返即市升軌做止蝕。

或者聽日有機會向上做多個頂，做多個平台都唔穿，一切都係.....見步行步啦 !