7月12日午市分析

大家好 ! 今日急跌，好慶幸尋日走晒好倉，雖然要輸，但都叫做輸少好多好多。
尋日仲走去將D強積金轉晒做香港債卷基金添 ! 好似睇得好淡咁.............
但鬼叫佢穿左上升軌........
不過今朝要做司機，想做都無得做，收市前剛返到公司，望一望幅圖，19100開左淡，
唔穿降軌唔走。

先睇大圖，尋日講仲未入返通道，未算破形都仲係睇淡，只係個圖好鬼核酸所以無做淡，
不過我相信唔做淡，都唔會有人做好吧 ? 依個跌浪就算賺唔到都唔應該會輸的 !
但依家應該點做呢 ? 尋日都有講過如果有淡倉，捱得過尋日，咁就用尋日或前日既DH做止蝕，而依家可以轉用對上紅線降軌做止賺了。好似我咁吉倉既，依家開淡風險大左，但都繼續可以用紅線降軌做止蝕，依家大約O係19400，隨時間而落。
受唔受到個風險就自行決定了....
今日DL看似有條升軌支持住，個形態似係做緊一個平台，最好會有大陰燭插穿佢啦 !
暫時目標係之前既三角降軌18930左右，穿得到就睇18800，18800係一個好重要既位，因為佢係依個升市既起步點。整個大上升楔形既目標係18000。

另外仲有一張15分鐘圖，之前都有畫過依兩個楔形，大家如有上過DT1 & DT2既都應該識畫目標位，大家可以試一試畫，全部到位都會彈一彈，之後再向下個目標進發。
我POST出黎係順便提醒一下自己，唔好同圖表作對，我係應該19600就做淡，就算唔做淡都應該平晒D好倉(雖然只係一張權......不過都唔應該會咁輸)
依個都係一個經驗，我要好好記住。


PS. 今日我送左我老細機，會無咁忙，睇下今日覆返電郵俾大家先 !!!