7月17日午市分析

大家好 ! 今日黎個大夾倉，仲要係現貨未開價前夾，牛熊無得追又無得走，唉....
依D就係過夜既風險了，雖然尋晚美股跌少少，但港股真係都唔理你照夾...=.=
暫時我都仲係無倉O係手，因為美股應該未升夠，等佢升到12850-880目標位再算，
或者等港股出長影線先 !

睇左即市先，今朝暫時無做過TRADE，都係得個睇字。
但依個升浪其實有無得捉呢 ? 其實係有。
尋日有位網友 (ED) 話穿左降軌，目標係370。之後我仲答，線係無畫錯，但個底唔夠深。
確實，個底真係好淺，但係睇返即市圖，有條線色降軌的，其實尋日POST O個幅都有，寫BLOG前諗住講，落手寫時唔記得左....=.=
並唔係想寫會升咁多，而係想寫，依條軌好似個形態做左後抽，古古怪怪咁..。
不過做TRADE只需要一樣野 -- 止蝕位。
即係只要接受到止蝕既點數，基本上穿咩圖都可以做，咁你就食到依個浪喇 !
但係尋日去到收市都唔升要過夜，依個又係一個風險..............
總之就，暫時都係吉倉先，大勢係向淡，睇週線圖都知，不過只怕要磨到8月=.=
見步行步吧....

大圖方面，依家抽返長黎，好有後抽既味道，不過美股又仲未升夠，港股又無乜圖形俾我開淡。O係咩情況下會開淡呢 ? 如果上到之前上升楔形升軌，留一條長影線，
或者小時圖做穿頭破腳等等形態我都會開沽，所以都係見步行步。
有好多時無得急，一定要識得等。經紀先會想你時時刻刻都做TRADE，
但真正炒賣係一定要識得等 !!!
如果仲係KEEP住淡倉既，就係考膽量既時間，上穿藍降就走人，最遲最遲穿19900就走。
好倉，都係同一句，無圖形做。